منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   ركن الطفل (http://www.66n.com/forums/forumdisplay.php?f=97)
-   -   طفلي سريع الحركة والركض ولايعي العواقب لصغر سنه (http://www.66n.com/forums/showthread.php?t=225957)

عذاب الورد 16-07-2011 05:29 AM

طفلي سريع الحركة والركض ولايعي العواقب لصغر سنه
 
السلام عليكم ورحمة الله وبركاته
انا لدي طفل صغير يبلغ من العمر سنتين تعبت كثيررر معاه واحس ودي افضفض شوي في اللي يسويه فيني
وابي منكم نصائح
أنا الحمدالله مهتمه في طفلي في ملبسه فألبسه اكشخ الملابس ومهتمه في اكله كثيررر يعني ماعليه ناقص
ولا اخفيكم طفلي محبوووب لدى الجميع حتى سبحان الله اللي مايعرفه لازم يبتسم له ويحبه
راح ابدء واقولكم وش قصة ولدي طفلي ماشاء الله عليه ماااايخاف من أي شئ ولاشئ يخاف منه
بتقولو هاذا شئ جيد لكن لا والله الشئ لازاد عن حده انقلب ضده
راح اقولكم ايش يسوي فيني لابغينا نطلع عليه سرعة ركض ماشاء الله مافيه طفل مثله واذا جينا او كنا بشارع او نزلت من سياره مايمديني انزله إلا والاقيه يرركض بشكل جنوني وبعد مره كان باب الشارع مفتوح وطلع من غير مانحس كل وحده من اهلي لبست عبايتها واخواني طلعو يبحثون عنه وكنت ابحث عنه مثل المجنونه والله وتا الله أن احنا شفناه قاطع الشارع ويركض اخوي يبي يجيبه ويوم طفلي شاف اخوي يركض مات من الضحك وقام هو يركض بسرعه وبعد مره كنا طالعين نتمشى في بر كنت اصب القهوه لا اهلي وانشغلت عنه شوي
ألا وتذكرواسأل عن ولدي قالو اهلي مدري وينه وندور مثل كل مره الا ونشوفه جالس تحت السيااره
ياربي رحمتك ولدي ماااايخاف مثل الاطفال حتى الحيوانات مايخاف منها كنا بالجنادريه وكان في الجنادريه الابل اللي يخلون الاطفال يركبونها قسم بالله انه يجي قدامها ويسحب الحبل حق الناقه ويبي يدخل يده في فم الناقه حاولت افهمه
ببعض الكلمات ( عيب _لا مايصلح _غلط )مانفع معه الضرب ماأحب اضربه ولا اهاوش بصوت عالي
مابي شخصيته تنكسر والله مدري تصرفي صح او غلط
اشتريت له ارنب واحس أني كسبت ذنب من كثر مايعذبه ولدي يأخذ الارنب ويشوته برجله
ويمسكه مع رقبته ويحط اصبعه بعيونه الا مايبي ينقز عيون الارنب
احس التعامل صعب مع طفلي مااعرفت وش الحل معه :15::15::15:
والله أني اخاف لايصير فيه شئ ارشدوني كيف اتعامل معه
واسفه اذا طولت عليكم

بليز لحد ينقل موضوعي ابي حلول لطفلي وشكرااا

روح المساء 16-07-2011 05:44 AM

عزيزتي عذاب الورد ينقل للقسم الأنسب

عذاب الورد 16-07-2011 05:46 AM

فديتك ياروح المساء
مشكوره خيتوو

روح المساء 16-07-2011 02:26 PM

على فكرة ماشاء الله طفلك طبيعي مافيه شي
وإذا على كثرة الحركة والمراكض هنا وهناك هذا عز عمره
بس إنتي انتبهي عليه
وحاوليه توصلي له فكرة إنه اللي يسويه غلط بشكل يناسب عمره زي قصص مصورة يشوفها
أو رسم أو إنتي مثلا لما يقرب على شي خطر اعبسي بوجهه وخليه يشوف إنك معصبة

وان شاء الله مافيه إلا العافية ربي يسعده هالكتكوت


& نور دبي& 16-07-2011 05:15 PM

اظن ان ولدك عنده فرط حركه مع عدم تركيز
موغلط لوتعرضيه علي دكتور عشان تطمني اكثر

شقـردية 16-07-2011 06:49 PM

طبيعي جداً.. الله يصلحه وينفع به

على فكره.. ولدي كبره .. ما غير مراكض وراه
الله يحفظهم ويبارك فيهم

عذاب الورد 17-07-2011 07:53 AM

اقتباس:

المشاركة الأصلية كتبت بواسطة روح المساء (المشاركة 2653965)
على فكرة ماشاء الله طفلك طبيعي مافيه شي
وإذا على كثرة الحركة والمراكض هنا وهناك هذا عز عمره
بس إنتي انتبهي عليه
وحاوليه توصلي له فكرة إنه اللي يسويه غلط بشكل يناسب عمره زي قصص مصورة يشوفها
أو رسم أو إنتي مثلا لما يقرب على شي خطر اعبسي بوجهه وخليه يشوف إنك معصبة

وان شاء الله مافيه إلا العافية ربي يسعده هالكتكوت

مشكوره حبوبه صدقيني حاولت بكل مافيني لاجيت اهاوشه والله انه يقول لي اتقي الله مدري من وين سامعها هههه وشوي ينطق كلمات مانتفهم واعطيه اقلام وكراسة رسم ياخذ القلم ويروح يشخبط بالجدار
وصدقيني والله اني انتبه له كثيررررر بس الله يصلحه شوي اشوفه قدامي ولا لهيت بشئ يختفي على طووول

عذاب الورد 17-07-2011 07:55 AM

اقتباس:

المشاركة الأصلية كتبت بواسطة & نور دبي& (المشاركة 2654036)
اظن ان ولدك عنده فرط حركه مع عدم تركيز
موغلط لوتعرضيه علي دكتور عشان تطمني اكثر

ماتوقع أن عنده قلة تركيز لانه بسم الله عليه يأخذ جوالي الايفون ويحرك الايفون ويطلع العبه اللي يبيها ثم يجلس يصارخ ويضحك علشانه لقى اللعبه اللي يبيها

عذاب الورد 17-07-2011 07:57 AM

اقتباس:

المشاركة الأصلية كتبت بواسطة شقر55ديه (المشاركة 2654070)
طبيعي جداً.. الله يصلحه وينفع به

على فكره.. ولدي كبره .. ما غير مراكض وراه
الله يحفظهم ويبارك فيهم

الله يخليك لولدك يارب واللله يسمع منك ويحفظهم من كل مكروه

عذاب الورد 17-07-2011 07:58 AM

:15:أنا ابي اساليب كيف اتعامل مع طفلي واخليه يكون هادي ويجلس بجنبي مايروح بعيد عني


الساعة الآن 08:53 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©