ازعجتني كلمة قالهاخطيبي بعفوية
 

السلام عليكم ورحمة الله

تم عقد قراني من اسابيع
وخطيبي احسبه والله حسيبه انسان طيب وذو خلق

الحاصل انه اصر يجيب لي شي وهو شي بسيط جدا وعادي لكني لاني محرجه منه ولاني من النوع الي عندها عزة نفس وكرامة بزيادة حاولت اغير السالفة عشان ما يجيب لي هالشي
فتغيرت نبرة صوته شوي وهو يناقشني
فقلت له بمزح "ماتعودت اسمع هالنبرة منك"
رد علي "لانك تحومين كبدي"

انهينا الاتصال وارسل لي الشي الي يبي يجيبه

بس الكلمة مزعجتني مره ادري قالها عفويا وغالبا مو قاصدها
بس انزعجت لانه عقب ما قالها برر لنفسه انه قالها او ان معه حق يقولها بجملة
"لاني قلت لك عادي انا ابي اجيب لك"
يعني لو قال انها مو مقصودة افضل من انه يشوف ان معه حق يقولها عشان هالسبب

بعد ماوصلني الشي الي مرسله ارسلت له "الله يعطيك العافية" وسألني اش رأيي فيه وقلت له "حلو"

ادري مو اعظم شي فالدنيا الي انقالي وادري شي بسيط
بس ماودي يتعود يقولي هالكلام خصوصا اني ماغلطت عليه ابد
وادري لو هو في موقفي بتحز في خاطره هالكلمة حتى لو عفوية

انصحوني كيف اتصرف
اقوله ان الكلمة ضايقتني او ابين له انها حزت بخاطري بشكل غير مباشر او مالي حق اصلا تحز بخاطري وانساها وخلاص

رد: ازعجتني كلمة قالهاخطيبي بع
 

ممكن اعرف شو الحاجه :D

خطيبك مباشر عملي واضح صريح وانتي حساسه متردده ويمكن منطويه ..هذا تحليلي

محتاجه تكونين قويه جريئه اما عزة النفس العاليه فما لها داعي

رد: ازعجتني كلمة قالهاخطيبي بع
 

تبطلي تتحسسي من اي كلام أو تصرف
لأنك لو استمريتي كذا راح تنكدي على نفسك و عليه
ايش تستفيدي لما تكلميه ثاني و تقولي له : ترى لما قلتي لي كذا و كذا
تضايقت ووو ...؟!
ليش النكد ؟
ليش تركزي على شيء مايستاهل ؟ وممكن تركيزك يهز صورتك قدامه إنك نكدية ووو..


احنا ترى البنات ندقق في الكلام كثير و لمن نقوله نقصده بكل معناه
يعني مثلا احنا مانقول لبعض تحومين الكبد إلا و احنا قاصدينها بالضبط بالضبط
بكل معانيها السيئة.
أما بالنسبة للرجل فتلقي الكلمة على لسانه دايما ومايقصدها مثل ما احنا نقصدها

فنزلي مستوى الحساسية وهذا مو سهل ولابسيط
يباله تدريب ووقت حتى ماتأثر فيكِ الأشياء الصغيرة.

رد: ازعجتني كلمة قالهاخطيبي بع
 

عزة نفس ماعزة نفس
ماضيعنا الا هالعزة اللي مشغلين الناس بها
عطاك هدية لاتزفضينها خليك ذوق وقولي حبيبي او فلان ما أحب أكلف عليك، ومن يلزم قولي تسلم وبانتظارها

كلمته يمكن يحس انك شوي حطمتيه، الرجال يجيب لك هدية وانتي ترفضينها!!! بأي منطق هذا!!
الرجال يحب يعطي حبيبته ويستمتع بالعطاء لها، ثم تصدمه وتحطمه وحدة وتصله الرسالة ان سبب رفضها عزة نفس واستغناء عنه
هو ماعطاك صدقة او قط عليك كم ريال عشان تقولي عزة نفس، الهدايا ماتنرفض
هذا زووووووووووجك مو غريب، فلا تمارسي عليه ماتمارسينه من قواعد سلوك مع الناس الآخرين او صديقاتك او أخواتك، هذا المنطق ابعديه عن إطار علاقتكم
وبالتوفيق لكم

رد: ازعجتني كلمة قالهاخطيبي بع
 

رد: ازعجتني كلمة قالهاخطيبي بع
 

اي قولي له لأن ربعنا يبغى لهم كورس بالكلام الحلو
ثانيا هو اللي بيجيب هدية ليش يناقش اجيبها أو لا😅اكيد الواحد بتكون ردة فعله لا تكلف على نفسك لكن لما يجيبها قبلت الهدية اشوف تصرفها طبيعي

رد: ازعجتني كلمة قالهاخطيبي بع
 

وش الهديه
وشلون رفضتيها

رد: ازعجتني كلمة قالهاخطيبي بع
 

اللي فهمته انه قال لها ((بيجيب لها شي)) و هي رفضت من باب عدم الكلافة على الطرف الآخر و احس تصرف عادي مثل لما يقول لها أحد انا مسافر توصي شي او راح اجيب لك الشي الفلاني أو أو نقوله لا تكلف على نفسك من باب الذوق لكن لما يجيب نقبل😅وهذا ما حصل معها قبلت بها

رد: ازعجتني كلمة قالهاخطيبي بع
 

خطيبك يبغاكي تفرحي و تتدللي عليه و تقولي له واااااو من جد ؟ و تشكريه و ترفعيه للسماء و انت افضل زوج بالعالم و انت و انت و الخ

حتى لما ارسل لك الهدية قلتي له الله يعطيك العافية ؟ تحتاجي كورسات و دورات مكثفة .. غيري من نفسك و تعلمي كيف تردي عليه بكلام حلو

رد: ازعجتني كلمة قالهاخطيبي بع
 

قلبتوا موضوع الهدية نكد ^_^
ترى بعض او اغلب الرجال مايعرف يتكلم يخونه الاسلوب فعادى ..
وان زعلتى من اسلوبه هو كان رد فعل لاسلوبك ..
مع انها كلمه عاديه تحومين الكبد ! ماتزعل 😂
وجايب لك هدية بعد ، اقصى درجات التعبير ..