آيسكريم الوردة .. يمممممممي شويه عليه ..
السلام عليكم ورحمة الله وبركاته ..
مثل ماعرفتوا من موضوعي السابق إني سافرت بريطانيا وتحديدا ( لندن ) .. في احد الأيام طلعنا لقرية على حدود لندن .. تقريبا تبعد من وسط لندن ساعة وربع .. اسمها Bicester Village .. هذه القرية تحتوي على مركز أو سوق يسمونه outlet shopping centre .. الاوت لت للي أول مرة يسمع عنه هو عبارة عن محلات تضم الماركات العالمية ولكن اسعارها اقل من المحلات الاصلية .. دائما تكون مخفضة .. طبعا هي البضاعة اصلية ولكن ممكن تكون انتهى موسمها أو مامشت كثير في المحلات .. فتتحول على الاوت لت وتباع بسعر مخفض .. نص السعر واقل .. موجود أوت لت بدبي .. لكن فرررق بين نوعية البضاعة فيه واللي ببريطانيا .. المهم بما أني في عالم المطاعم والمقاهي حبيت اشارككم بايسكريمي .. اسم المحل Amorina .. هو عبارة عن كشك بنص السوق اللي ذكرته.. ايسكريمه لذييييييذ لدرجة ألحين ودي أبكي لأنه خاطري فيه :29: .. يعمل الآيسكريم على شكل روز .. أتمنى أي حد يروح يجربه .. لااااا يفوووتكم .. وهذه الصورة : النكهات اللي اخذناها أنا وزوجي وبنتي : اللي لونه وردي غامق .. نكهة الكرز .. اللي ابيض ومعاه وردي .. تشيز كيك كرز .. والثالث : بالنص آيسكريم الفستق .. وحوالينه آيسكريم البندق ..:17: [IMG]http://im42.***********/keXOB.jpg[/IMG] |
رد : آيسكريم الوردة .. يمممممممي شويه عليه ..
يا سلام ورد وحركات .. وين مالي ^_*
حلو شكله واكيد طعمه لذيذ .. عليكم بالعافية... مشكووورة على التقرير اللذيذ .. في انتظار الباقي.. |
رد : آيسكريم الوردة .. يمممممممي شويه عليه ..
يا هلا بام الدانة
الحمدلله على السلامة حبيبتي تو ما نور المنتدى فقدناك حبيبتي والله الحمدلله انك انبسطتي ما شاء الله عليكم بالعافية جدا شهي والله انا الحين اشتهيته ههههههههههه ما شاء الله |
رد : آيسكريم الوردة .. يمممممممي شويه عليه ..
اقتباس:
حياك حبيبتي .. |
رد : آيسكريم الوردة .. يمممممممي شويه عليه ..
اقتباس:
شفتي أكلت دوندرمة .. بس انتي اكيييد احلى منها .. :o |
رد : آيسكريم الوردة .. يمممممممي شويه عليه ..
واااااااااااااااااو شكله لذييييييييييييذ :d معلومة بسيطة بس فديتج أوت لت مال دبي عليه اقبال ما تتخيلينه يعني انا ولا مرة في حياتي رحت هناك ولقيت باركنق :d طبعاً الاقبال ما راح يكون الا اذا كانت البضاعة ممتازة ... عندهم اشياء ما تحصلينها برع .. ما ادافع عن دبي لكن اصحح لج المعلومة ... الله يسعدج ... |
رد : آيسكريم الوردة .. يمممممممي شويه عليه ..
اقتباس:
مب قصدي ياعمري بس أنا رحته وماعجبني شي .. يس صح كلامك لولا أختلاف الأذواق لبارت السلع .. ويمكن انا رحت بوقت السوق فيه راكد .. :) |
رد : آيسكريم الوردة .. يمممممممي شويه عليه ..
امممم عليج بالعافيه
€€ اوت لت دبي الحريم اللي مسوين نفسهم تاجرات يشيلوون منه شيل ويبيعونه بسعر مرتفع !!€€ |
رد : آيسكريم الوردة .. يمممممممي شويه عليه ..
اقتباس:
ترى انا مب قصدي أقلل من قدر اوت لت دبي .. بس أقول انه لا مجال للمقارنة ..:30: |
رد : آيسكريم الوردة .. يمممممممي شويه عليه ..
ورده عاد ايش الجنان هذا يمي يمي
بتصور جنبها هههههه عوافي أم دانه .. |
الساعة الآن 07:08 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©