|
لايوجد شعورمتبادل بيني وبين زوجتي
السلام عليكم
عندي مشكله واتمنى منكم المساعده والحلول المناسبه انا تزوجت قبل فتره بسيطه من انسانه محترمه جداً ولكن انا الان احس انني غير متزوج لانه زوجتي انسانه ضعيفة شخصيه ولاتعرف تتكلم ولاتعرف شي ومع هذا كله ماتفهمني ابد ، ماتعرف انا متى اكون سعيد او متى اكون متضايق ماقدرت تدخل حياتي وتحسسني بوجودها معاي ولافيه شعور متبادل معها بدية اغلط واسوي اشياء ايام ماكنت عزوبي ماكنت اسويها بس حسيت بضغط نفسي وتعب وتفكير وهم ولالقيت حل معها مع اني قلت لها اكثر من مره وفهتمها كل شي ابيها او كل شي يضايقني حاولت اني اساعدها بس هي شخصيتها كذا يعني كانها جدار ماتفهم ودمها بارد حييل فكرت بالطلاق,, بس تكسر خاطري وانا مااحبها من جد احس اني اكرهه مدري وش اسوي معها هل فيه طريقة لحل هالمشكله هل يوجد خطاء مني انا بعد.؟ وشكرا |
متزوج ولدي مشاكل
اخ متزوج انت مثل طليقي بالضبط واسفه بقولك راي بصراحة ليش ما يكون الغلط منك انت ومش قادر تعترف كله ترمون المشاكل على الزوجة راجع نفسك زين قبل ما تتخذ اي قرار تندم عليه.
ملحوظة : لا لا لا توجد زوجة في العالم تريد تخريب بيتها ولكن يوجد رجل يجري وراء ملذاته ويرمي بحمله على زوجته:( |
يا أخى انت بنفسك قلت انكم فى بداية الزواج يبقى نصبر بقى شويه . وبعدين اسمح لى لاحظت فى كلامك كله انانية مطلقه . يعنى انت فهمتها انت عايز ايه وبتحب ايه وبتكره ايه وبتزعل من ايه وامتى وبتفرح من ايه وامتى !!!!!!!!! لكن عمرك سألتها هى بتحب ايه وبتزعل من ايه؟؟؟؟؟؟؟؟؟؟؟؟؟
لأ حضرتك بتعطى أوامر لجاريتك وعليها التنفيذ والا تبقى بليده وما بتفهمش وكمان بتكرهها ..........الله أكبر. امتى بقى هترفقوا بالقوارير....امتى بقى هتبطلوا الأنانيه وتبدأوا فى العطاء. يا أخى أنا لا أهاجمك ولا أعرفك أصلا ولكنى شعرت من كلامك بكل ما قلت وحسيت أن زوجتك هى اللى مظلومة مش انت . هى مش بارده وماعندهاش دم زى ما بتقول لكن هى بتسمع منك سم وبتغلى من جواها بس ما بتردش عليك علشان ما تعصبش فيبان لك انها بارده لكن هى من جواها مجروحه وبتغلى كمان. عايز حل : روح لزوجتك واحتويها وعاملها بلطف وبطل تطلب وأعطى انت ولما تجرب حلاوة العطاء مشاكلك هتتحل وهى كمان هتستميت فى محاولة ارضائك. |
هل قرأت زوجتك في بعض الكتب التي تتكلم عن مفهوم الزواج والحياة الزوجية
وطريقة التعامل مع الزوج ووووو...... الخ اذا لم تقرأ بعد فماذا تنتظر ؟! اشتري الكتب واجلس معاها ناقش ودعها تناقشك املي عليها ماتتطلبه الحياة من المرأة مع زوجها كان يجب ان تكون للمراة شخصية مستقلة عن زوجها ان تحب هواياتها وشخصيتها ان تحبب لنفسها هوايات زوجها انت يجب عليك كسر حاجز الخجل والخوف الي بداخلها وانت اقتحم حياتها وكون شخصيتها علشان تغييرها لازم ترزع في نفسها رووح التغير بعدها اطبع المقالات من الانترنت واجلس ناقشها وان كانت باردة على قولتك انت اقرأ واستزيد واملي عليها : يجب على المرأة كذا وكذا بين زوجها وبعد المناقشة في هذه المقالات قول لها تعالي نطبقها على حياتنا هل انتي تفعلين كذا .. وكذا... طبعا الاجابة بالنفي ساعتها تبدأ انت تشرح لها انك تتمنى انها تكون مثل ماهو موجود في المقال او الكتب الي انت احضرتها ادا امكن ان تسجلها في دورات خاصة بتطوير الذات بعد الدراسة والقراءة اطلب منها عقد اتفاق وهي فترة تجريب شهر مثلا وكانه امتحان على بعض النقاط ان تحددها او تستخلصها من قراءتك لهذه الكتب واذا سقطت فيها تعتبر النهاية وهو مجرد تهديد لانه المرأة اكثر مايخوفها الضرة والطلاق اعيد ... مجرد تهديد وساعدها وكون موجود جانبها في فترة القراءة علشان انت تحدد الفقرات الي تحبها تكون موجوده فيها وخلها بعد تعلم عليهم بقلم علشان تقعد تفهم نفسها جيدا هالفقرات وموفق اخي الكريم واكرر لازم تعطيها الكتب الي المفروض تقراها قبل الزواج وشغلة ثانية الموضوع هذا يبي له صبر يعني احتمال تتغير تغير طفيف اول الايام ويمكن ترجع لطبيعتها بعد فيلزم منك صبر انت تشوف الطقل يعلمونه القراية والكتابة في مدة ماتقل عن سنة اولى تمهيدي في الروضة وهذاك مخه نظيييف انت تشكله على سحب ماتبيه لكن مابالك بزوجتك كبيرة وبالغة وتعلمت سنواااات على طبعها الله يهديها بس ويصلحها |
كل الأخوات بدأنا الدفاع عن الزوجة و اتهامك انت بالتقصير و السبب انك لم توضح ما هي المشكلة مع زوجتك بالضبط
|
لا حول ولا قوه الا بالله يا اخي لو كل واحد لسه مجوز ووجد مشاكل مع زوجته وفكر في الطلاق لا قدر الله ما كان في حد متزوج انتم لسه في البدايه مع الوقت هيتاقلم كل منكم مع الاخر الصبر الصبر الصبر
|
ياعزيز اول غلط سويته انت هو تفكيرك بالطلاق
ياعزيزي ترى الطلاق مو بسيط بعدين انت توك متزوج ماأمدى البنت تعرفك وتفهمك وبعدين لابد تعرف ان الناس مو سواسيه يعني ناس تتعلم من أخطائها وناس ماتتعلم الا من اخطاء الغير وناس تتعلم من اخطاء الغير يعني مو معنى انك كلمت زوجتك في الموضوع يعني لازم هي تطبق كل الي قلته على طول معليش ياخوي خل عنك عصر الجاهليه وان الرجل لازم تكون كلمته وحده ووووو... ياعزيزي الزواج اذا ماصار فيه تضحيات من الزوجين ماراح ينجح يعني انت لازم تتنازل عن بعض الامور واعرف كيف تقنع زوجتك بالاسلوب الي يناسبها هي مو يناسبك انت وشل فكرة الطلاق من راسك نهائياً وصدقني انت في نعمه مايعرفها الا الي فاقدها واسأل الأزواج الي حريمهم قويات الشخصيه وانت بس تخيل الموضوع حرمه وقوية شخصيه فإحمد ربك انت متزوج وحده هاديه وطيبه وبالتوفيق |
اقتباس:
اوافق هذا الراي الموضوع يبي صبر و تحمل و انت توك في بداية حياتك الزوجية و الحياة صعاب و مشاكل و هموم ...فالانسان خلق في كبد حاول تنبهها و تثقفها و تعلمها ما تريد ...يمكن جهلها وصلك للدرجة هذي واكيد هي عندها رغبة في التغيير لان مافي اي انسان يحس انه ناقص عن غيره و يقبل بالوضع اكيد هي تبي تغير من وضعها وسائل التثقيف كثيرة ماشاء الله اشرطة .. كتب ...محاضرات ...انترنت ...دورات ...برامج تلفزيونية ......... فقط الامر يحتاج شوية جهد وصبر منك وراح تنقلب حياتك الى اسعد مما كانت عليه ان شاء الله تعالى |
هلا حبيب قلبي ( تعجب ) وانا متعجب من هالأسم ..!!:d اسمعني حبيبي واخوي الغالي .. تقول إنته لسه متزوج .. من فترة قريبه .. طيب ليش الزعل هذا وليش جبت فكرة الطلاق في بالك .. يارجااال خلك رجاااال ... وهدئ بالك ( اشرب عصير ليمون ) :17: اسمعني اخوي .. أبغى منك شيئ .. اول شيئ إنسى هذا الموضوع .. شيل من بالك إن زوجتك فيها كذا وكذا .. خليك طبيعي .. ادخل البيت وخلي وانت مبتسم .. سلم على زوجتك قبلها .. لاطفها .. سولف معاها ..تناقشوا بمواضيع خارجيه ، عامه ، رياضيه ، انترنت ، أي مواضيع تجي في بالكم .. تقبل زوجتك على مافيها من سلبيات .. ترى كل إنسان فيه إيجابيات وسلبيات مو بس زوجتك .. وهذي حبيبة قلبك من راح يكون أقرب لقلبك غيرها .. خذها بحنيه خليك عطوف عليها .. يمكن إنت لما تقولها شيئ تكون عامل نفسك فهلوه :29: وبس أوامر أوامر .. لما تقولها على شيئ خذها بحب وحنان .. ترى هذي زوجتك شريكة حياتك لا وبعد أم أولادك في المستقبل .. ريح بالك أكثر وأكثر وترى كل الناس أول مايتزوجوا يشعروا بنفس شعورك لأن الحياة تغيرت عليه ..! فلازم تصبر شوي .. المهم لاتنسى أولاً في الأعلى ..!! وقبل كل شيئ إنت قلت تزوجت من إنسانه محترمه جداً .. وهذا يكفي .. اخوي ..!! الله يسعدك مع زوجتك بس وسع صدرك الله يخليك وصادق زوجتك ، تكلم معها ، إذا شفتها ساكته لا تخليها كذا سولف معها وبسط وانبسط ياعمّ .... أسأل الله أن يصلح أحوالنا وأحوال الجميع يارب. |
طبيعي
لسه في اول طريقكم وفي اول زواجكم الى الان محد فيكم فاهم الثاني زين لا انت فاهمها ولا هي فاهمتك فشي طبيعي لكن لا ترمي كل الي قاعد تحس فيه عليها لوحدها اتمنى تجلس جلسه رومنسية حلوة معاها او تطلهعا طلعة حلوة وخليها تتكلم عن نفسها وايش تحب وايش هي هواياتها وايش الي يزعلها وبعض المواقف الي فرحتها او اصعب موقف مرت فيه وبكذا راح تبدأ تفهم شخصيتها وعلى اساسها راح تعرف بأي اسلوب تكلمها وانت بعد نفس الشي لا تخلي حياتك معاها اوامر وانواهي وبس صدقني لسه بدري عليكم انكم تفهموا بعض انا متزوجة من حوالي ثلاث سنوات وثمان شهور والان وبدون مبالغة بدأت احس ان زوجي فهمني كان دايم ينتقدني بعدم فهمي له بس الان تغير كثييييييييييييير ولله الحمد بس العشرة هي الي راح تخليكم قريبين من بعض ولا تخلي للشيطان مدخل علشان يفرقكم عن بعض الله يهينك بزوجتك ياااااااااااااااااااااااااااااااااااااااااارب |
| الساعة الآن 11:37 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©