|
يوميــــات ( ابتسامه ) في نيوزلندا ارض الكيوي و رحلة مصورة و شيقه
السلام عليكم ورحمة الله وبركاته
انقل اليكم البث المباشر من ارض الطبيعة الى ارض الصحراء والفرق بينها كبير طبعاً انا راح اذكر القصة من اولها لاخرها وجميع حقوق البث و النقل و النسخ و اللصق محفوظه ولا اسمح لاي احد ان ينقلها الى مكان اخر <<< تكفى ياللي لفيت بلاد العالم نبداً من جده . بعد ماودعت الاهل و بكيت انا وامي بكاءً مريرا واخواتي تأثروا بالموقف اللي بيني و بين امي وذرفت دموعهم طبعاً دموعهم من عشان اني مسافر .. ولكن لمن شافوا وداع الام لأبنها و الاحضان بينهما كأنهم شافوا فلم على تلفزيون سامسونج LCD الفئة الثالثة ذهبت الى المطار و في الطريق كنت اسمع انشوده عن الصحراء و المقناص وكأني راح اودع هذه الارض الى الابد .. قابلت احد ارحامي .. و اعطاني جاكيت << كسر يدي طوال الرحلة حتى وحده يابانية تعرفون قصتها بعدين تقول ( شن هون كان خي ) << طبعاً حرف الخاء ماعندهم ولكن كانت مزكمه قالت ( وش اللي حدك على هالجاكيت ) قلت لها ( حدتني الدنيا ) .. مع احترامي لحبيبي ورحيمي .. اصلاً لولا الله ثم هو ماكان سافرت رحت للمطار انا و اخوي الكبير .. وهاتك يالنصايح .. وانا اهز راسي .. هو يحسبني اقول له ابشر وانا اهز راسي من القهر سيارته مامكيفها عطلان وانا توني كاشخ و لابس وما ابي اعرق ماصدقت اوصل المطار .. الا وقدامي عيال خالي كلهم ياحليلهم يبون يودعوني .. ودعتهم و قصيت التذكرة .. وتوني ابي اصف السرا واحصل واحد من نفس القبيلة <<< يعني واسطه ويخليني اعدي كل هالطابور .. وما ادري الا وانا في الباص طالع الطيارة طلعت الطيارة .. اول مارحت لمقعدي المحجوز .. الا والقى وحده عجوووز في مكاني .. احاول اتكلم معاها ماهي راضية تعطيني وجه .. كلمت المضيفة السنغافورية وتكلمت معاها وبعد محاولات حثيثة وافقت العجوز على انها تروح للمقعد تبعها واجلس انا .. وحطيت راسي و نمت .. قمت في الطريق <<< حسبت نفسي راكب سيارة من طول المسافة .. وما القى الا واحد سعودي خلفي .. لا عربي ولا انجليزي يتكلم .. قصدي عربية فصحى .. المهم ان هذا السعودي شفته في المطار مع اهله ولمن لقيته في الطيارة قلت له الاهل معاك .. قال لا كل اللي في المطار وشفتهم كانوا يودعونني << كلمة يودعونني كما قالها الاخير انا اخذت نصيحة من اخوي الكبير .. قال نام في الطيارة ولا صحيت في مطار سنغافوره وعندك تراينزت .. تمشى في المطار يعني استمتع وهو فعلاً صادق كل الصدق .. وصلت الى المطار وكانت حالتي حالة ولكن والله بعد ماشفته في المطار راح كل التعب اللي كان فيني .. ايش هذه الطبيعة وايش هذا المطار كل شي موجود فيه .. المتعة و التسوق و المطاعم و و و كل شي .. يعني مايخطر في بالك من شي الا وتلقاها .. وتعامل من ارقى مايكون على طول تذكرت اخر واحد شفته في المطار السعودي في الجوازات و كيف كانت نفسيته صور من مطار سنغافوره http://1.bp.blogspot.com/_CgirdHPegt...0/IMG_0773.JPG http://1.bp.blogspot.com/_CgirdHPegt...0/IMG_0786.JPG يامحل الفيفا اللي فوق مش ممكن رووووووووعة وان شاء الله وانا راجع اشتري منه مايفوتني http://2.bp.blogspot.com/_CgirdHPegt...0/IMG_0779.JPG http://3.bp.blogspot.com/_CgirdHPegt...0/IMG_0774.JPG اخذت نفسي وجالس اتمشى في المطار و اتسوق واشوف ظل وراي .. بصراحة توقعتها وحده معجبة ولاشي وما ادري الا وهالسعودي اللي كان خلفي في الطيارة ماشي وراي قلت له .. ممكن اساعدك .. قال . ابد عندي تراينزيت 24 ساعة ومستأجر فندق .. قلت اجل وش جابك وراي .. قال اتمشى معاك << وانا ناقص ؟؟ المهم .. قلت راح استعمل اسلوبي الخاص في تصريف الاخرين .. وتصرف ماطول معاي تعريف مطار سنغافوره هو مطار لا يوجد في السعودية مثله << خل عنك فرحانين بالفيصلية و المملكة والنافوره كل شي موجود . لقيت كراسي للنوم في مكان منزوي في المطار وماتشوف الا الشعب نايمين << طبعاً المكان هدوووووء واللوحات تشير الى عدم الازعاج ماصدقت احط راسي وانام الا وذاك الحر اللي يجي في المحل ... قمت من النوم ............................ قمت من النوم ورحت توضيت في فندق الحمام << بصراحة دورة مياههم لحالها شي اخر لقيت وحده عاملة مسلمة .. قلت لها .. اريد ان اصلي وير ؟؟ طبعا كل الكلام اللي قلته لها بالانجليزي .. قالت .. ذير ار مصلى وفعلاً وجدت مصلى خاص بكامل الاهتمام و النظافة وهذه صور منه .. http://2.bp.blogspot.com/_CgirdHPegt...0/IMG_0790.JPG http://3.bp.blogspot.com/_CgirdHPegt...0/IMG_0792.JPG نصحية اسـألوا عن كل شي يجي في خاطركم .. ترى الشعب الاسيوي متعاون جداً جداً جداً صليت الظهر والعصر ,, وعلى المطعم فوق .. على فكرة يوجد محلات مكتوب عليها حلال اخذت دجاج مع رز .. بلا بيك بلا ريدان ,, اول مرة اذوق دجاجة زي كذا وتغديت .. ثمن اخذتن << قلب قصمجني << امزح بعد الغداء ,, تذكرت اخوي وهو يقول لي فيه محلات مساج .. المهم اطب اول محل والقى من هالسنغوريات يفركون في اجساد الاخرين قلت .. ياابتسامه مالك و مال الشر .. ................. ..................... رحت محل اخر . لقيت مساج بس عن طرق اجهزه معينه وبـ 20 دولار سنغافوري .. دلكت جسمي كله من راسي الى العصعص و الارجل و القدمين .. فعلاً حسيت براحة كبيرة هذه صورة من محل المساج http://www.freeimagehosting.net/uploads/f6f0902d19.jpg وهذه صورة الجهاز اللي سوالي مساج على مستوى http://3.bp.blogspot.com/_CgirdHPegt...0/IMG_0798.JPG باقي على رحلتي الى نيوزلندا ساعتين .. وتبداً رحلتي الى هناك و قصة اليابانية http://4.bp.blogspot.com/_CgirdHPegt...0/IMG_0788.JPG اخواني الكرام .. يغلب على طابع القصه الحس الفكاهي فلا تؤخذوا كل القصه بمحمل الجد .. ولكن القصه هي حقيقه وقصتي الشخصية لاخوكم ابتسامه |
حياك الله اخي الكريم
الرجاء فتح موضوع في قسم مراسلة الإدارة .. |
متابعة الرحلة اخي الكريم
|
متابعه بس اخوي وين زوجتك ماهي معاك بالرحله
|
منتظرينك يا أخوي وحيالله الجار << استراليا
|
اقتباس:
اقتباس:
اقتباس:
حياك ربي و كل شي راح يكون مفصل ان شاء الله |
طبعاً باقي على رحلتي الى نيوزلندا ساعتين .. رحت لاقرب دسك قدامي سلمت التذكرة قالت الموظفه خلاص مع البوابة رقم 4 اثر البوابة رقم 4 اخر الدينا رحت هناك وسلمت لهم التذكرة قالوا خلاص تذكرتك جاهزه من الدسك رقم كذا والله تعاون بشكل غير طبيعي تجد الخدمة اينما كانت .. مو كل واحد يقول روح للرسبشن رقم كذا ولا كذا - - اخذ التذكرة ودخلت البوابة و على الطيارة كان المقعد عند الشباك و الكرسي اللي بجنبي مافيه احد واللي بعده فيه وحده يابانية .. وهذه قصتها قصه .. من يوم ماشفت عيونها تذكرت التلفزيون الباناسونيك اللي في غرفتي المهم بعد العشاء في الطيارة وكل واحد حاله حال نفسه شوي والا اشم رائحة غريبة جداُ .. ما ادري الا واللي جنبي تقربع من هالخارجي <<< قصدي الوسكي قلت ايييييه لو انك في السعودية بس كان فقعت وجهك الهيئة <<< الهيئة في قلوبنا حطيت راسي و نمت . كنت مرهق بالفعل .. وهالباناسونك اللي جنبي تتفرج في الشاشة التي امامها قمت على الفجر .. رحت دروة المياة توضيت وصليت الفجر في مقعدي نفسه .. وبعد الصلاة قالت هاليابانية .. اووووو وت يور دوينق .. يور سبورت مان تحسبني اسوي رياضة لمن شافتني اصلي . قلت لها يس .. ذس از مكس مابين ( اليوغا و رفع الاثقال ) واستلمتني .. من وين .. وكم عندك اخوان وقد سافرت لليابان . . وهي كل ماتقول كلمة اقول نعم بعدين قلت في نفسي خليني ارفعها بالكلام شوي عشان تسكت وقمت اقول .. اليابان احسن دولة .. وخاصة في السعودية الى درجة انه اي واحد يملك تويوتا و تلفزيون سوني ولا يعترف بغيرها فهو سعودي مية بالمية ما اقتنعت بكلامي . . ترونها عجوز ياشباب عمرها 50 سنه عن قريب جداً راح تشوفون المفاجأت وموقعي عند برج اوكلاند اكبر برج في نيوزلندا ابتسامه |
طبعاً وصلت الى اوكلاند ودخلت مطارهم .. صحيح انه مو مثل مطار سنغافوره ولكن مطار رائع وهادي اللي استغرب منه ان المطارين المذكورين انفاً ماعليهم زحام ماشفت الزحام الا في مطارنا العزيز خرجت من الطيارة وودعتني اليابانية تقول .. راح اتعرف عليك اكثر واعطتني ايميلها .. وانا اقول لها في المشمش ,, هي عرفت اني جالس اصرفها و مشيت في حال سبيلها .. وبعد اول دخله للمطار .. وفي الطريق مسكني عسكري هلووو مان .. قلت هلو بوجهك خير ياخوي .. قال جواز سفرك لو سمحت .. اعطيته الجواز قام يشيك و يقلب ويكتب في مذكرهـ عنده وخلاني في حال سبيلي لمن دخلت كونترات المطار الرئيسية واعطيهم جواز سفري الا جايتني عسكرية << من بعد ماشفتها صرت مؤيد ان الحريم عندنا يتعسكرون <<< وربي امزح قالت هاااااااااااي ممكن تجي معاي رحت معاها لغرفه وقامت تتكلم معاي .. ليش جاي انت هنا وايش عندك هنا .. ومن هالكلام الكثير .. طبعاً قلت لها كل شي .. واخذت جوازي قامت تشيك عليه وقالت خلاص الان بأمكانك الذهاب .. قلت لها ماعندك اسئلة اخرى <<<< وربي امزح خرجت من الكونترات و ذهبت الى ساحة المطار .. ادور واحد شايل اسمي يمين .. يسار .. فوق .. تحت مافيه ولا واحد .. بصراحة خفت قلت شكلهم سحبوا علي زي ماسحبت على اختي لمن طلبت مني بطاقة شحن تذكرت الرقم اللي معاي تبع الطورائ في المطار لقيت محل يبيع شرايح جوال ..طبعاً شركة فودافون اخذت شريحة و اتصلت على رقم الطوارئ وقلت ماحد جاني .. قالوا ثواني بس .. وما القى الا هذاك الرجل الذي يقول لي يور ار مهمد .. قلت له لا . اما محمد ولست مهمد قال ثانكيو ,, وراح .. قلت هيه تعال انا مهمد و مجمد و مخمد .. بس انقذني واللي يرحم والديك وكـأني وجدت في عينية نظرة يقول بها ( طيب اترك عنك الاستهبال ) اخذني ,, للسيارة وفتحها بالريموت . . وشوي الا هو يصيح فيني يقول ( الجهه الاخرى ) نسيت ان نظام القيادة يختلف .. كنت راح اركب مكان السواق ركبت الجهه الاخرى وانا اقول في نفسي .. ياراجل كل دقة بتعليمه - - ماصدقت اني حركت من المطار الا وذاك الجو العليل المعطر .. اللي لو يفحط ابوي و امي ويقولون بني مالك .. اقول لهم مع احترامي لكم بني مالك ماعندها سالفه كان المطر رش و الشمس مشرقة ( اول مرة في حياتي اشوف شمس ماتحرق ) - - والسواق جنبي طلع مسلم اسمه فرقان و اصله باكستاني وهو يسوق بي وانا اصور .. حتى وجدت ايضاُ في عينيه مقولة ( قلة ولف ) http://1.bp.blogspot.com/_CgirdHPegt...0/IMG_0870.JPG http://3.bp.blogspot.com/_CgirdHPegt...0/IMG_0852.JPG فرفر بي مدينة اوكلاند الين ماوصلت عند العائلة التي سوف اسكن لديها << ونعم فيهم بس ناقصهم الاسلام هذا بيتهم http://3.bp.blogspot.com/_CgirdHPegt...0/IMG_0877.JPG دخلت على العائلة الا وذيك الحرمة اللي في الشهر الثالث عشر ,, كرشتها اكبر من راسها تقول ( هلووو مهمد ) بعدين شكلها مو نيوزلندي .. توقعتها وحده شقرا ولا شي .. قلت الحمدلله هذا اول الخير ان الله حطني مع هالعائلة قلت هلوو ماما <<< تكرمين يا امي يامحلاكي بس لازم نجامل دخلت البيت قلت وين زوجك .. قالت راح يقضي مشوار . ورتني البيت و غرفتي اللي موجوده صورتها اسفل http://3.bp.blogspot.com/_CgirdHPegt...0/IMG_0868.JPG بصراحة كنت تعباااان و كانت الساعة 1 ظهر وما اشوف الدرب من التعب ماصدقت اني توضيت وصليت في غرفتي ونمت نومه طويييييييييييييييييييييييييييييلة ,, ابتسامه |
متااابعين :)
|
يوميات ممتعة وأسلوب ماتع
لكن أنتبه إلا بني مالك تراني مارضى عليها:(:30: بإنتظار البقية |
| الساعة الآن 06:58 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©