سؤال عن تحليل الـ B-HCG هام ارجوك يادكتور جزاك الله خير
السلام عليكم ورحمة الله وبركاته كل سنه وانت طيب لو سمحت يادكتور البيريود إتأخرت عندى وكانت منتظمه والمفروض انها كانت نزلت يوم 26/7/2011 ودورتى 28 يوم وعملت تحليل دم B-HCG فى معمل البرج ودى نتيجة التحليل http://www.m5zn.com/uploads2/2011/8/...mq3g3ak6q7.jpg التحليل ده كان يوم 31/7/2011 (بعد غياب البيريود بـ 5 ايام) وقالى النتيجة سلبيه ومفيش حمل ممكن بعد اذنك يادكتور توضحلى التحليل ده .. وايه الارقام دى لآنى مش فاهمه حاجه خالص .؟ ونتيجة هرمون الحمل عندى كام بالظبط .؟ ومدى مصدقية التحليل ده .. هل هو صحيح بالفعل ولا .. وفترة غياب البيريود دى كافيه لإظهار هرمون الحمل فى الدم .؟ وهل فعلاً يادكتور الحاله النفسيه او التوتر والقلق .. بيأخر البيريود مع انها كانت منتظمه معايه .؟ لانى بصراحه مقدرتش اتكلم مع الدكتور وجهاً لوجه كنت مخجوله جداً وللأسف مكنش فيه غير رجال وعشان اكون صريحه لما قالى النتيجه سلبيه قولتله طيب اعيد التحليل تانى بعد اسبوع او اسبوعين راح قالى متتعبيش نفسك ع الفاضى .. مفيش حمل مع العلم انى مش حاسه بأى اعراض حمل ولا اى الم فى الثدى ولون البول طبيعى جداً وعملت قبل كدا 3 اختبارات بول baby check pregnancy test وطلعت النتيجه سلبيه ( خط واحد عند الـ C) من رأيك يادكتور معملش تحليل تانى ولا اعمل ...؟ ارجوك رد عليا انا عايشه فى قلق وحيره وجزاك الله خير يارب |
التحليل ببساطة فيه رقم واحد مهم وهو بيقول انك مش حامل التحليل كويس والمعمل موثوق فيه ومعمول في وقت مناسب لو كان في حمل كان هايظهر
اه الحالة النفسية بتأثر على الدورة ماتعديش التحليل تاني وانتظي الدورة ولو عدت اليوم ال 40 اعملي سونار |
ربنا يكرمك يارب يادكتور ويوفقك فـ حياتك يارب وجزاك الله كل خير بس حضرتك بتقول اعمل سونار عند الدكتور هل ممكن يكون فيه حمل ومش ظاهر فى الدم ويظهر فى السونار .؟ ولا حضرتك بتقول كدا عشان الدكتور يشوف ايه سبب غياب البيريود بالظبط .. بعيد عن الحمل .؟ معلش انا تعبتك معايا بس كلامك ريحنى جداً لانى كنت خايفه يكون فيه حمل ومخدش بالى . مستنيه الرد فى حفظ الله |
لا السونار علشان سبب تأخر الدورة يافندم
|
متشكره جداً يادكتور وآسفه ع تعبك معايه |
الساعة الآن 03:44 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©