زوجي يتعاطى الكبتاجون هل أعود له ام اشترط العلاج
بسم الله الرحمن الرحيم
السلام عليكم ورحمة الله وبركاته 0000 اخواني اخواتي اجد صعوبة في التعبير عن مشكلتي التي اعاني منها على الرغم من تصفحي العديد من منتديات الاستشارية التي اردت ان اعرض مشكلتي فيها الا اني قررت عرضها في هذا المنتدى الراقي لثقتي بعد الله في اعضاءه مشكلتي مع زوجي بدأت منذ السنين الاولى لزواجنا كان زوجي بشهادة الكل مصلي رضي والدين خدووووم مع الكل ونفس الشي معايا بس كان غيور علي بشكل كبير وقتها قلت شي طبيعي وكل زوج يحب زوجته يغار عليها لكن مع الايام صارت شكوك في كل تصرفاتي شك مو طبيعي وصار عصبي مــــــرة ويمد يده لكن سرعان مايرجع يتأسف ويعتذر ويبكي وكل مرة كذا كانت كل المشاكل ايامها بينا محد يدري عنها لااهلي ولااهله لكن لما صار الضرب اقوى واعنف قلت لا اهلي وحاولوا التفاهم معاه واتعهد بحضور اهله ان كل شي يتغير لكن للاسف كان التغيير للاسوء ورجعت بيت اهلي تقريبا سنه قالوا اهله انه مريض نفسي واتعالج ورحنا وسالنا الدكتور واكد انه مريض واتعالج ورجعتله ومررررت سنين واحنا الحمدلله في احسن حال0000 لكن رجع تاني زي ماكان لكن بدون ضرب يفتش ويسأل اسئلة كلها شك والمشكلة انو كمان يسال بناتي عني اييش اسوي في البيت لما يكون غايب مين يجي مين يروح صرت مراقبة من الكل والله الشاهد اني الحمدلله ملتزمة بديني واهلي ناس اهل دين وخلق لكن ابتلاء من الله الشي الصعب في الموضوع انه ازدواجي في تعامله معايا يعاملني معاملة ملكة ..... وماديا بصفة عامة كررررررررررريم جدا لكن فجأءة وبدون مقدمات يقلب ويصير عنيف في كلامه وتصرفاته مع كل الي في البيت وكان يحاول ان يضبط نفسه لكن دايما يفشل وبدأت اخلاقه وتصرفاته تتغير اكثر كلمته انه يراجع الدكتور يمكن يحتاج علاج لكن رفض الكل بدأ يلاحظ التغيير عليه اهله واهلي ولاننا ماوصلنا للضرب زي اول وكل طلباتنا انا وبناتي مجابة بالعكس يمكن زاد في رفاهيتنا اكثر وتدليلنا ما كانت عندي نية اتكلم في حكايةالشك واصبر عشان بناتي الي صحيح كان يعصب عليهم دايما لكن متعلقين في ابوهم بشكل كبيييير لكن قدر الله ويجي يوم واعرف من اخويا عن طريق احد المعارف ان زوجي يتعاطى الكبتاجون وسألني اسأله عشان يتأكد وللاسف بعضها فيه واجه اخويا زوجي واعترف انه ياخذها بس على خفيف على حد تعبيره زعلوا اهلي واخذوني عندهم رحت معا اخويا استشاري اسري وقال لازم يجي هو يطلب الاستشارة وبعدين نحل المشكله وهو رافض اشترطوا اهلي العلاج لرجعتي وكلموا اهله لكن انكر كل شي واننا نتبلاه بناتي كل يوم يبكوا يبغوا البيت وابوهم وانا مااقدر اكسر كلام اخواني وارجع من نفسي وخايفة ارجع وهو ماترك الحبوب وحاله يزيد سوء واهلي يلوموني او يزيد عنفه ويسوي فينا شي خصوصا اني في مدينة بعيدة عن اهلي واحيانا افكر ان المشكلة ماتستاهل كل الخوف ذا ...احترت والله ماني عارفة ايش اسوي هل اوسط الوالد والوالدة الي متعاطفين مع بناتي عند اخواني وارجع ولا اصبر الين يعرف انه مافي رجعه الابالعلاج ويتعالج مع العلم انه يهدد بالطلاق ياليت القى حل عندكم و اعتذر اذا طولت عليكم او كان في طرحي تشتت لان فكري بصراحة مشتت اختكم تراجع نسبي |
لازم زوجك يتعالج ولاترجعين له الا بعد العلاج انتي كلاميه انه يتعالج علشان نفسه وعلشان البنات صعبه انك تعشين مع واحد ياخذا هذي الحبوب واخوانك خايفين عليكي من زوجك ويبغون مصلحتك ومصلحت البنات فالافضل الابتعاد من زوجك الين يتعالج والله يهديه على طريق الصواب
|
حبوب مخدره يعني مخدرات هذي ؟ولا علااج ؟ يعني تفكيرك انك ترجعين حسيت انه يااخذ حبوب علااج ولا حبوب نفسيه هذا يتعااطى لا امان له لا ترجعي له اطلاااقا وانتي الي طلبي الطلااااق مش هو اللي يهدد هذي الحبوب تخلي الواحد يهلووس وتخلي مخه يذهب كيف تامنين نفسك مع هذا الرجل انا نصيحتي لا ترجعين الا اذا عالج ورجع لله ويكون صاادق مع نفسه وربه قبل كل شي الله يوفقك ويستر عليك ياارب ويفرج همك |
اختي الغاليه اضرار الكبتاجون مخيفه وعواقبها وخيمه
واذكر من بلاويها انها تسبب اعاقه ذهنيه وايضا المتعاطي لها يقلب فجاه ويتغير جوه لان هالحبوب مو سهله ابد وكان احد اخوتي يتعاطها لكن بفضل من الله ورحمته تركها والى الابد ان شاء الله فكنت الاحظ عليه احيان مبسوط ومستانس وراااااااااااااااايق ع الاخير وفجاه يعني بساعات من حالة الوناسه يقلب ويتغير وجهه لكن الحمد لله جاءني زياره قبل شهر وامور تحسنت وصارحني انو ترك كل شئ وناوي يبدا حياه جديده وللعلم انا ظليت وراه اكلمه وارسل له رسايل ترفع من قدره وتعلي شانه وحبه حبه والحمد لله الى الاحسن ان شاء الله مع اني قد قررت انا نتحاور معه ونقنعه ندخله مستشفى الامل لكن من خلال مصارحته لي ورغبته بالزواج والوظيفه الجديده خلاني اتراجع ومااكلمه في موضوع المستشفى ولو لاحظت شئ عليه راح اقنعه واخذه بيده في موضوع المستشفى والزبده يااختي الكريمه زوجك لاتخلينه يضيع زياده وقوفوا معه كلكم انتي واخوانك واهله اجلسوا معه جلسة مصارحه واقنعوه يتركها للابد ويعزم لان عنده زوجه وعيال ووظيفه واكيد انه مو مستعد يضيعهم واقنعوه بالمستشفى وهو الحل الافضل الله يهديه ويسخره لكم |
يا اختى اجعلى بناته ورقة ضغط اقصد بدلا من ان تبكى البنات عندك اجعليهم يتصلوا بوالدهم ويطلبوا منه ان يأتى لكى يأخذكم وينفذ طلباتك على الاقل من آجل بناته وانت يا اختى لا تنقطعى عن التضرع الى الله عز وجل فى الثلث الاخير من الليل وبإذن الله ان يخيبك ابدا |
بالنسبه للعلاج حاولنا كثير ومستشفى الامل مرفوض عنده بسبب عمله الوظيفي(عسكري) ورافض يقتنع انه في سرية في العلاج
الطلاق تهديد بالنسبه لي اخاف يطلقني وياخد البنات الله لايقدر وحكاية اني اقول للقاضي عن ادمانه ترى في العسكريه في تحاليل دورية ويتجاوزنونها كثير اكيد نفس الشي مع القاضي على العموم جزاكم الله خير ويفرجها ربي ان شاء الله |
الساعة الآن 08:59 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©