|
حل مع خطيبتي
السلام عليكم ورحمة الله وبركاته
انا ما اجيد المقدمات فا بدخل على طول في الموضوع انا مملك وصارلي شهرين وزواجي باقي عليه شهرين ونص قبل الملكة كنت اشوف اقاربي و اصدقائي في فترة الملكة جداً مستمتعين وهذا الشي خلاني اتحمس للزوج وكنت قبل كذا مقتنع في الزواج فا قلت ان شاء الله بستمتع في فترة الملكة كلمت الوالدة ولقت لي بنت الحلال بعدها ملكت ولبستها واقتنعت في البنت الشي الي صار الان في بدايت الملكة كنت احاول اكسر خجلها بشويش عشان تمون علي لان انا غريب عليها وعشان يخف الخجل بعدها شوي شوي اتواصل اكثر معاها طلبت منها اني اكلمها ولكن اعتذرت وكل يوم تقول بكرة قلت اوكي اكيد الخجل موجود وعذرتها ويروح اسبوع واطلب ثاني مره واعتذرت انها مشغوله وبعدها حست انها قصرت معاي وكلمتني اول مكالمة ف مدحتها وسالتها عن طموحتها واهدافها وان انا بكون معاك وراح ادعمك ولا راح يكون فيه تقصير وقفلنا ماطولت واتفقنا ان اخر الليل نكلم بعض وبعدها كل ما اطلب المكالمة تعتذر بانها مشغولة وهذا الشي ضايقني جداً وسبب لي صدمة لان كنت متخيل اني بستمتع بالفترة فا عذرتها قلت اكيد مشغوله وتركتها اسبوع وبرضو رجعت طلبت اكلمها كلمتني بعد الحاح قلت بجي اشوفك ان شاء الله ووافقت وهذي اول زياة لي جبت هدايا معاي وقابلت البنت قالت انها مرتاحه معاي واسلوبي اعجبها وطريقت تفكيري انا هنا ارتحت انها مرتاح معاي واعترفت انها كانت مملكة قبل فترة ومدة طويل وانها انظلمت مع الرجال ولايصلح كازوج وانها كرهت الزواج كلها انا صارحتها ابي استمتع معاك في فترة الملكة والشي الي راح انسيه ابي اعرف طريقة تفكيرك والشي الي تحبنيه والي تكرهين واعتذرت انها مقصرة معاي ولا ودها تحرمني وبعدها طلعت وانا مرتاح انها مرتاحة معي ولاكن للاسف ماحس تغيرت احس انها نفس اول كل ما اطلب اني اكلمها تعتذر بان عندها ضيوف او بيتهم ضيق او مسيرة حتى التواصل معاها في الواتس ترد متاخر علمناً باني ماني من النوع الي يضغط الشخص ولكن اتمنى اني اشوف حل لان جدا متضايق ابي اكون مثل المتزوجين الي يستمتعون ابي تدق علي باي وقت تسال عن احوالي لان انحرجت من كثر ما اطلب لان مو منظقي تنشغل كل وقتها ابي تعطيني شوي من وقتها وهي نفسها قالت ان اخر الليل وقت مناسب وفاضية كل ما اطلب اني اكلمها وهي تعتذر جاني شعور كاني اكلم احد خواتي مو زوجتي على اني مدلعها باكلام غزل ولاني مقصر معاها باي شي اتمنى منكم تعطوني ارائكم وحلول بحكم بعضكم مر بالتجربة وعذراً على التاخير |
رد: حل مع خطيبتي
وعليكم السلام ورحمة الله وبركاته لا يوجد ما يجعلك تتضايق وتتأزّم كل ما في الأمر هو اختلاف طباع انت مندفع ومتحمّس وهي أكيد حذرة وخجولة ويمكن صح ظروفها لا تسمح لها يمكن هي في وسط أسرة وتنحرج من أن تنعزل في غرفة لوحدها تكلمك, أو ربّما لا تجد الفرصة, لعلّ طباع الأسرة لا توفّر لها الجوّ, ومشغولة أكيد بالتحضيرات, كذلك يمكن أنت في حديثك تبدو متفتّح أو تكلّمها في أمور تتضايق منها, عموما امامك شهرين كاملين, ويكفي فيها مكالمة في الأسبوع ومساج اطمئنان يومي, وزيارة كل اسبوعين, اتفق معها على هذا, سيكون الأمر جيّد, الأهمّ من المتعة وقت الملكة هو التفاهم والإطمئنان لبعض, وليس كل من استمتعوا وقت الملكة سعدوا بعد الزواج, انت تقول أنّها كانت مملكة قبل, وهذا يجعلها أكثر حذرا, لا تعدها بأمور يصعب عليك الإلتزام بها من ناحية, وترى فيك المبالغة من ناحية أخرى, فتتحشاك, |
رد: حل مع خطيبتي
الف الف مبروووك و ربنا يسعدكم و يهنيكم
كويس انك مقدر خجلها و ما بتضغط عليها اديها فرصة وهي شوية شوية حتشتاق لك و تبدا تسال هي الاول مقدرة شعورك ورفبتك انن خطيبتك تبادر في الشوال و تحس بشوقها لك .. اكيد ده احساساها كمان بس يمكن عندها عزر .. خليك رقيق اتمنى لكم كل التوفيق ويارب كل السعادة والفرح في طريقكم وكل الشباب و البنات يااارب |
رد: حل مع خطيبتي
واجهها للمرة الأخيرة
كلمها بهدوء وحزم : يابنت الناس أنا أبى كذا وكذا ولو ماصار اللي أباه بيصير كذا و كذا ( قول مثلا: يمكن مانناسب بعض / او الافضل مانكمل / أو احنا مو منسجمين مع بعض ) حسسها إنك ممكن تتغير من ناحيتها أو تفقدك ، لازم تحس إنها ممكن تخسرك.. واضح إنها توها طالعة من علاقة و اعطت كثير لخطيبها و تباك لكن يمكن تحتاج وقت تطلع من المود، لكن إنت أيش ذنبك ؟! بالمشاعر والاحاسيس مالها يد لكن بالتصرفات المفروض تضغط على نفسها وماتحملك ذنب غيرك ! المهم لو بعد كلامك ماتغيرت اسحب عليها شوية واتغير من ناحيتها وراقب ردة فعلها. |
رد: حل مع خطيبتي
ان كان بيتهم صغيرا فمن حقها ذلك، لان معظم البنات من الحياء يختبئن في غرفة حتى يكلمن خطيبهن.فربما لا تجد لها مكانا تكلمك فيه باريحية.
بما انها مرت بتجربة سيئة، فربما هي تأخذ احتياطاتها حتى لا تقع بما وقعت فيه مسبقا، اسال عنها اكثر ، استعن باختك او احد اقاربك ليتحروا عنها اكثر. وقد تكون من النوع الخجول جدا، فسيكون صعبا عليها حتى الرد برسالة نصية. جرب ان ترسل لها رسالة عتاب، أو ان تتوقف عن ارسال الرسائل او الاتصال، فقد تشعر بالخوف من انها ستخسرك فتبادر هي. ربما لن تستمتع الان، وستكون اجمل لحظات حياتك بعد الزواج، ولكن الغرض الاصلي من الزواج ليس المتعة وما الى ذلك، فالزواج تحمل مسؤولية وبناء اسرة مترابطة. موفق |
رد: حل مع خطيبتي
يعطيكم العافيه على ردودكم
امنا بالله المكالمات ماتقدر اقل شي تسال عني ما اتوقع صعب عليه لان انا لو ما ارسلت يوم تزعل وتعاتبني اني ما اسال عنها طيب ليه هي ماتبادر وتسال عني والشي الي يصدمني اني اشوفها متصله واتس يعني سافرت لدبي لمدة اسبوع ولا سالت عن اخباري ولامرتاح بالسفرة وانا ماني قاعد اضغط عليها وهي معترفه بتقصيرها معاي واعتذرت اكثر من مره وصبرت وعذرتها بس الى متى وانا بظل كذا |
رد: حل مع خطيبتي
أتوقع أنها حذرة جداً بسبب فشل تجربتها السابقة وقد تكون تستمع لنصايح البعض أنه اتركيه هو اللي يسأل عنك حتى يتعلق فيك أو ممكن ظروفها ضروري تصارحها وتكون واضح معاها أنك حاب تعيش هذه الفترة وتنبسط ولو مااتغيرت اتركها كم يوم وشوف اش ردة فعلها ؟الله يوفقكم ويتمم لكم على خير
|
| الساعة الآن 03:53 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©