|
اي متزوجة تدخل حلفتها بالله
السلام عليكم ورحمة الله وبركاتة
اتكفوووووووووون اي وحدة متزوجة من جديد او من زمان تعلمني تخبرني انا كتبت موضوعي هنا وانا ادور حل لمشكلتي صادفت لقيت نفس مشكلتي بمنتداكم هذا الي خلاني اتجرا واكتب هنا عمري 20 سنة وادرس بالجامعة والحمدالله مو ناقصني شي وانا اكبر وحدة لامي وهذا الي جارحني والله اكتب وضايقة فيني الدنيا وربي دموعي ماوقفت همي غشائي غشاء البكارة خايفة والله خايفة والله الليل مانامة وقسم بالله العلي العظيم قبل انام الا يجيني هالتفكير هذا واقعد ابكي لين انام انا مشكلتي امارس العادة السرية بس بدون ادخال شي بس بحثت كثير ودورت ولقيت اشيا تضيق الصدر مابي احد يواسيني ومايعلمني اذا في شي غلط انا عارفة ان العادة غلط لكن شسوي مو بيدي اتركها وارجعلها لين انخطبت وافقت وكنت فرحانة بتزوجة لكن الحين بقي لزواجي شهرين الكل فرحان يجهز وانا افكر لما يجيني زوجي ومايلقى دم كل هالفرحة وين بتروح ؟؟؟وش اقول بعدين يمكن تقولون سؤالي غريب او جريء مالقيت الا الحل هذا لو بسال الي حولي المتزوجات وش بيقولون عني ؟؟ لو بقول لامي وش بتقول يكفي اني انا مستصغرة نفسي كيف الي حولي ابي وحدة مارست العادة قبل تتزوج وتزوجت بعدين ونزل منها دم ابيها تخبرني عن الشي هذا ابي ارتاااح والله ابي ارتااح بس لاتكذب حتى لو مانزل تقولي معليش راضية لدرجة افكر احيانا اترجاع عن الزواج وافكر اقول لاهلي هونت بس اتردد اقول لا اكيد انا غشائي سليم بس لما اتذكر كلام المنتديات ان العادة تفقد البنت غشائها او يسبب توسع للغشاء مما يمنع نزول الدم تضيق فيني الدنيا وربي اكتب من ورى الشاشة ومن همي الي بقلبي ودي اسال العالم كلة ودي ارتاح دائما افكر باستقراري مع زوجي احب الاسرة احب العائلة بس لما اتذكر الغشاء اكرة كل هذولا ومابيهم بس ابي ارتاح لو اقولكم ان هذا همي دايم دوم حتى لما اروح للجامعة بالمحاظرة تخيلو بالمحاظرة اسرح بهالموضوع وتجيني ضيقة ويصير ودي ابكي لما اجلس مع خوياتي تدرون وش افكر ؟؟ اقول ياحظهم ماشاء الله اكيد مامارسو العادة اكيد اغشيتهم سليمة الله يوفقهن ويستر عليهن بس ابفرح مثل غيري يمكن كنت طايشة لما مارستها ودي اشكي لصديقاتي بس ماقدر وش نظرتهم لي والله تعبت تعبت لما اجلس لحالي هالتفكير ياكلني اكل لما اطلع اي شي حولي اقارن فية هالموضوع كرهت نفسي تعقدت تكفون انتظر اجابة المتزوجات والي مرت بالشي هذا حتى بالخاص لاتحرموني من الراحة الله لايحرمكم من الجنة ان شاء الله ووعد مني والله الي تخبرني باااي شي اني ماقول نكها بس تجاوبني امانة |
اقتباس:
تطمني و ممكن تروحي دكتورة عشان القلق يروح و تأكدي غشاء البكارة مو بهذه السهولة يروح إطردي الوساوس و إستعيذي من الشيطان و عيشي حياتك و إذا تقدم لك أحد لا ترفضي لهذا السبب كثيرين زيك أعرفهم و تزوجوا و عاشوا حياهـ مثل العسل الله يستر عليهم بس لا ترجعي للعادة مرة ثانية ,,, موفقة على فكرة المنتدى مافيه خاص بس فيه إستشارات الله يجزاهم خير |
اقتباس:
بس أنتي تقولي انك تمارسيها بدون ماتدخلي شي فكيف عرفتي أن الغشاء مو سليم وكيف حكمتي أنه ماراح ينزل دم والاهم من هذا كله أنك تستغفري ربك وتتوبين وتكثرين من الأستغفار والدعاء أن الله يهون عليك ومو حل أنك تتركين الزواج بعدين مو شرط ينزل دم غالبية النساء ماينزل منهم دم حتى لو كان غشائها سليم توكلي على الله وابعدي عنك الوساوس الله يوفقك |
اقتباس:
انت حسبالك أول ليلة سهلة!!! ياحبيبتي الغشاء مو بالساهل يروح... مو معنى كلامي انك تتهاونين بقضية العادة السرية..اعتقد عارفة حكمها.. يعني خافي من الله قبل لا تخافين على البكارة.. ونزول الدم اول ليلة مو علامة.. كل واحد وطبيعته.. ناس تنزل نقط..وناس ينزل كمية بسيطة.. وناس ماينزل شي خير شر.. |
اقتباس:
غشاءك سليم ان شاء الله المهم انك تتوبي وتقلعي من الان الى يوم ان يأتي زفافك وشغلة ثانية عبالك من السهل فتح الغشاء ولنفترض ان انفتح بس بدون ادخال اي حاجة العذر والسموحة من الجميع فيما سأقوله ولكن يا خيوتو ترى بحد ذاته دخول العضو الذكري للمنطقة يحتاج بذل جهد قليلا وهو مايحتاج بنسب متفاوتة مابين اسبوعين الى 3 اسابيع الى شهر واحيانا اقل او اكثر لانه المنطقة لم تتوسع فضيق المهبل برهان على ذلك انا اعطيك مثالا علي قبل زواجي بفترة 7 أشهر تقريبا تعرضت لشطاف الماء اندفع الماء بقوة ناحيتي ورأيت نقاط دم وتهتك جزء من الغشاء الا انه لم يتهتك كاملا واسودت الدني بوجهي ونت خائفة جدا الا ان احتاج زوجي مدة 3 اسابيع لتتم العملية بشكل كامل .. نخيلي ! وذلك لضيق المهبل مع انه نزلت نقاط قليله من الدم مرة اخرى ولكن تمتزج مع السوائل الاخرى فانه وان لم تفقدي غشاءك لربما لا يرى زوجك دماء فليس كل بنت يرى لها دم البكارة لانه ربما تختلط مع السوائل فترى مع السوائل الاخرى بشكل وردي خفيف او يكون الغشاء مطاطي وهذا لا يتهتك الا مع الولادة فانا انصحك ان تنشغلي بنفسك وبتدليل نفسك قبل الزفاف واهتمي ببشرتك وشعرك وجسمك اكملي تجيزاتك واستمتعي بفترتك هذه مع زوجك ان كنتي في فترة ملكة وتضرعي لله ان يتم زفافك على خير ويسر وان يسخرك لزوجك وان يسخر زوجك لك واقلعي عن العادة لكي تتمعي مع زوجك فالعادة تمنعك التمتع الداخلي مع زوجك اتمنى لك دوام الموفقية وان يتمم لك على خير وان ينجيك من شر هذه العادة الخبيثة وان تقلعي عنها قريبا ^.^ بشرينا بزفافك عزيزتي الله يبارك لج ويكفيج عيون الحساد |
وربببببببببببببببببببببببببببببببببببببي ريحتوني
يالله يارب ياكريم الي ردن علي يفتحلهن ربي باب الرزق ويفرج عليهن الله امين |
اقتباس:
انا ماتاكدت ان غشائي فية شي او انة توسع او تمزق بس هذا الي قريتة بالنت انة ممكن يسبب توسع وهذا الي يسبب عدم نزول الدم والكلام هذا خوفني والحمدالله انا عفيفة بس طحت بهالعادة هذي وان شاء الله ربي يسامحني عليها وزواجي قريب اقول متى ليلة زواجي وافتك بس برتاح من هم شايلتة سنين |
على فكرة لا تصدقين كلام النت أنصحك
|
اقتباس:
انا اعرف فريق طبي كامل بعيادات افينيو بمدينة الرياض متخصصين بالجراحه النسائيه والمناظير اعملي بحث بقوقل ( عيادات افينيو) وان شاء الله تلقي عنهم |
اقتباس:
والله دمعت عيوني من الفرحة احس اني اتنفس من جديد جزاك الله الف خير والله مدري وش ارد عليكي بس حابة اوضحلك شي انتي تقولين انة مو بسهولة ينفض الغشاء اخاف انة يصير مع بعض البنات مو الكل لان قريت كثير انة الغشاء يختلف من بنت لبنت واكون انا من النوع الي ينفض بسهولة بس الي مخوفني عقلية الشباب يعني زوجي الحين مدري كيف تفكيرة احيانا افكر اسالة او اشوفة راية بالموضوع واحيانا افكر اقولة بقولة اني خايفة ان غشائي مو سليم وبعدين يشك لان اغلبية الشباب عندنا مهما تعلمو مستحيل يقتنعون ان البنت ماينزل منها دم ليلة الزواج وهذا الي مخوفني فهمتي علي والي ابية وحدة مرت بتجربتي لان يمكن الي ردو علي مامرو باللي مريت فية او مامارسو العادة ابي وحدة مارست وعدت ليلتها ع خير |
| الساعة الآن 08:04 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©