مالحل امام تدخلات أهلي في حياتي الزوجية
ربنا وحده يعلم أني في حاله نفسية أسوء من اللي ممكن ان اي حد يتخيله فكرت كتير في التخلص من حياتي وحاولت وفشلت أدرك جيدا ان دا كفر ولكن ربنا أكيد يحكون احن عليا من اللي أنا فيه أنا المفروض متجوزه من شهر 4 وفي غاية السعادة احب زوجي جداً واسعى لارضاءه بكافة الطرق المهم اشتكى لوالدي من أشياء من ضمنها علاقتي الخاصة به وطبعا الدنيا قامت طبعا أنا كمان زعلت منه وقتها ولكن أما قعدت فكرت قلت إيه المشكلة اصلح من نفسي عشان زوجي ولكن والدتي قالت لي باللفظ واحد قال عليا كدا مقعدش معاه ثانيه دا غير ان زوجي كان عنده مشكله ماديه ف أنا اديلته شبكتي بأيدي باختصار الأهل اول ما تدخلت الدنيا ولعت كلام من عندنا كلام من عندهم الى ان وصل الأمر ان اهلي حبسوني أخدود موبايلي علما أني عني 31 سنه وبهدله وضرب حتى أما فكرت أكلم حماتي وهما عرفو كانت مصيبه المهم قام والدي برفع دعوى خلع وتبديد منقولات زوجيه من ورأيا استغلو التوكيل اللي عاماله رغم أني قلت كذا مرا انا عايزه جوزي وأرفض الطلاق ولكن دون فايده ونظرا لان الشقه ملك اهلي تم تغير الكواليين وجه جوزي يأخذني ولكن اهلي رفضو المهم تعرضت الى انهيار عصبي ودخلت مستشفى واجبرتني والدتي على أني امضي قسيمة الطلاق بحجة ان والدي في المستشفى المهم جه المأذون وقالي امضي ولما لاقني متردده قالي مش عايزه تمضي ليه انتي رافعه خلع قلتله انا مرفعتش حاجه قالي جوزك مضى وبيقول انه مجبور المهم انا مضيت عشان جوزي كان حيتحبس رغم أني لقتلهم انا مديا له الشبكه بأيدي لكن لا حياة لمن تنادي حلفو أنهم حيحبسوه المهم سالت انا دار الإفتاء المصرية قالو الطلاق لا يقع في هذه الحالة باطل انا وجوزي عايزيين بعض ومحتاجيين حد يساعدنا انا فكرت اسيب البيت بس أروح فين وخيفه لو سبت البيت اهلي تموتني أو تأذي زوجي اتوسل إليكم ساعدوني حد يعرف محامي يعرض عليه الموضوع اعتبروني أخت ليكم انا لغاية دلوقتي وخدين مني الموبايل والنت بدخله من وراهم بالعافيه hfhhfh
تم تعديل العنوان ليتناسب مع مضمون الموضوع |
رد : حد يساعدني
لا حول ولا قوة الا بالله،
|
رد : حد يساعدني
فهمتوا شئ و الله ركزت و ما استوعبت الموضوع مين الظالم الزوج الي اشتكى من زوجته و قال ما ابيها و الا الوالد حبس بنتو عندو
|
رد : حد يساعدني
ربي يفرج همك و يصلح حالك
|
رد : حد يساعدني
اقتباس:
وهددوا زوجها لا حول ولا قوة الا بالله |
رد : حد يساعدني
حتى لو اشتكاني انا وهو اتفقنا ان إحنا تصلح عشان حياتنا تستمر انا قدام ربنا انا لسه متجوزة لان دار الإفتاء قالت لي لايقع طلاق تحت ضغط عايزة حد يساعدني اعمل إيه عايزة جوزي وحياتي اللي ادمرت ساعدونيhfh
|
رد : مالحل امام تدخلات أهلي في حياتي الزوجية
فعلا الطلاق لا يقع انتي مغصوبة وهو بعد! سامحيني بس اهلك شنو بيستفيدو بعد كل هالشي؟ غير بنت مطلقة بغير ارادتها؟! ... انا نصيحتي ممكن تكون عاطفية ومن وجهه نظري آخر الحلول وهي الهروب فعلا مع زوجك لبلد مجاور ع الاقل لحتى تعرفي الخطوات الاخرى ...
الخطوة الاساسية ،،، التواصل مع محامي حتى وان كان عبر الانترنت ومنها تلغي التوكيل وبهالشي راح تقدري ترجعي كل شي لنصابه ... تقدري حتى ترفعي قضية لرجوعك لزوجك مع ضمان عدم التعدي عليكم ... ربي يفرج لك همك ياارب ويهدي الاهل من الطرفين |
رد : حد يساعدني
اقتباس:
حتى لو لحقت جوزك ممكن تتعرضوا للخطر ثانيا احنا ما بنعرف امكانياتكم المادية، حتقدروا تاسسوا لحياتكم ام لا، و شكلك مش موظفة لانك ساعدتي زوجك بشبكتك بعدين تدخل اهلكم خلط الامور فالاحسن ليكم هة الحل الودي، يعني شوفي حد من عيلتكم يتدخل مع شيخ الجامع و ان شاء الله تنحل الامور |
رد : حد يساعدني
اقتباس:
كدا هم فار دمهم و اتخدوا هدا الموقف (الي فهمتوا من كلامك) |
رد : مالحل امام تدخلات أهلي في حياتي الزوجية
انا من القاهرة ومتعلمة معايا ليسانس آداب لغة انجليزية إضافة لذلك جوزي مرحش قلهم انه مش عيزيني زوجي بيحبني جداً حد طيب يعرف محامي يقدر يساعدني
|
الساعة الآن 12:25 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©