منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   السيارات (http://www.66n.com/forums/forumdisplay.php?f=89)
-   -   مساعدة لإختيار هدية خاصة بالسيارة (http://www.66n.com/forums/showthread.php?t=243399)

سكر2 31-03-2013 11:00 PM

مساعدة لإختيار هدية خاصة بالسيارة
 

مسآء الخير ...

زوجي له شهرين مريض قدر الله ان رجله تنكسر والحمد لله الآن في مرحلة العلاج الطبيعي
أنتظر ينتهي من العلاج ويمشي تمآم ،،، وأشتري هديه له
اللي أبغآه منكم تسآعدوني بهديه خآصه بالسيارة مرآ قالي بشتري حاجة قيمتها 3000 لكن ماحفظت الإسم لأني ماأفهم بإحتياجات السيارة فأنسى الأسماء اللي مؤ من اهتماماتي ولو أدري بحتاجها يوم كان حفظته بس اللي فهمته منه وقتها انها تكون خارج السيارة من الأمام .. أتمنى تسآعدوني
حددت السيارة خاصة لأنها تو جديدة ولأن أنواع الهدايا الأخرى قد جبتها تقريبااا
يعني أبغى شيء جديد ولو في مقترحآت لاتبخلوون ..

فدى أمي 02-04-2013 01:36 PM

رد : سآعدوني يآأخوان
 
إن شاء الله إخواننا الرجال يساعدوك في طلبك

للأسف ما عندي معلومة عن الشيء اللي سألتي عنه بالضبط أتخيل شيء معين بس ما بعرف هو بالضبط الذي تريدينه أم لا تانيا المفردات أكيد تختلف

موفقة بمشيئة الله

ابو عقيل الهاشمي 03-04-2013 01:07 AM

رد : مساعدة لإختيار هدية خاصة بالسيارة
 


اهلين فيك اختي / ..
مايشوف شر ان شاء الله ويقوملكم بكل صحه وعافيه .. يآرب



__________________________________



ايش هي السياره ؟ احيانا فيه ناس بيحبوآ يركبوآ الصدامات .. عارفتهآ يعني حديد كذآ من الامام شكله فخم ..
خاصه لو كانت السياره نوع من انواع الجيوب .. وايضا تنفع للكوامري والكوابرس .. اسمها صدامات او دعامات ..
وبيخلوهآ زي سيارات الشرطه .. هذا اغلى شيء صراحه خطر في بالي ممكن يتركب ..
لان في عالم السيارات مبلع 3000 ريال للاكسسوارات يعتبر جآمد .. مبلغ كبير يعني ..

طيب يمكن زينون الي هو النور الي مثل الليزر .. الازرق ؟

ايش هي سيارة زوجك .. ؟

ابو عقيل الهاشمي 03-04-2013 01:13 AM

رد : مساعدة لإختيار هدية خاصة بالسيارة
 
صدقيني بجد .. نادر ماتفكر زوجـه تهدي زوجهأ شيء له علاقه بالسياره .
السياره دايمآ شيء مهمل .. وعند كثير نآس هي للكرف وللمشاوير وبس .

ممكن تعملي زيي .. الان داخلين على صيف وحر ..
والمراتب الجلد داخل السيارات بتعمل مشاكل من حراره وقرررف .. وخاصه للي جالس وبيسوق مده طويله ..
طبعآ رحت على محلات الزينه واشتريت كذآ كيس كبير بداخله تلبيسه للمراتب كااااامله ..
اخترت لون حلو ويناسب سيارتي من داخل .. وكانت التلبيسه شيء اسمه ( قماش اماراتي ) ..
يعني مو جلد ..
وتقريبا كلفتني 400 ريال .. بس ..
طبعآ هذه تلبيسه فووق الجلد الاساسي تبع السياره ..
وفايدتهآ بتحمي جلد السياره او قماش السياره الاصلي ..
وثاني شيء بتخلي السياره من داخل بارده بشكل بيستغرب منه زوجك بجد ..

_______________


او لو كان عندكم جمس او جيب باتواعهم وانتم حقون سفر .. يمكن زوجك يقصد السله الحديد الي تركب بالخلف وخارج السياره
هذي تقريبا تكلفتها 3000 ريال .. لانه حديد وبتتعلق في السياره من ورآ .. وبتضع فيها الشنط تبع السفر ... الخ



______________


والله هذي الاشياء الي جآت في بالي .. واتحمست مع فكرتك ..

سكر2 03-04-2013 02:08 AM

رد : مساعدة لإختيار هدية خاصة بالسيارة
 
مآأعرف أقتبس من زمان عن المنتدياااات ونسيت كيف :23:

شكرااا فدى أمي يعطيك العافيه ..


أخ أبو عقيل.. شكرًا على تفاعلك ..

لما قلت ليزر ولون ازرق تهيأ لي انه هو لكن لست متأكده الذاكرة عطلانه ..أيضاً الصدامات .. أتوقع وقتها يتكلم وأنا مسرحه الله يحفظني ..
نوع السيارة تورس .. من فورد
عادي أضف اقتراحاتك ..
الفكرة اللي عملتها جداً رائعه لكن للي سيارتهم جلد .. أشوفها مناسبه لهم أكثر..
وضحي لي اذا ممكن الليزر كيف والصدامات والاكثر مناسب لنوع سيارته .. وأسعارها..
أما شبك الشنط متأكده لا ما يقصده ..


ابو عقيل الهاشمي 03-04-2013 07:32 AM

رد : مساعدة لإختيار هدية خاصة بالسيارة
 
http://www.a3a5.com/nov.11.2010/a3a5...3649632911.jpg

________________

هذا الزينون . .

http://www.a3a5.com/nov.11.2010/a3a5...3649632912.jpg

ويجي على شكل جهاز ... ويكون سعره بالوكاله غالي يعني من نفس شركة السيارات فورد ..
امآ من خارج الشركه ومن المحلات بتلاقيه رخيص مابيوصل لهالسعر ..



______________


http://www.a3a5.com/nov.11.2010/a3a5...3649632915.jpg

ابو عقيل الهاشمي 03-04-2013 07:39 AM

رد : مساعدة لإختيار هدية خاصة بالسيارة
 
انتي فكري ..... ايش ممكن ..... وخبريني اقتراحاتك .... وانا راح اساعدك اذا هو او لا ....
لاني بجد مو عارف ايش الي ممكن يكون في الامام .....

يعني حتى لو قلنآ قناع للسياره .. يحفظ السياراه من الاتربه في السفر ..
مابيوصل سعره حتى لالف ريال ...

_____________________


http://www.a3a5.com/nov.11.2010/a3a5...3649641981.jpg

سكر2 04-04-2013 09:41 PM

رد : مساعدة لإختيار هدية خاصة بالسيارة
 
عجبني الزينون .. .. أكثر من الصدامات أحس ماتناسب نوع سيارته صح ؟؟
لو ثبتنا على الزينون فين أروح أيت المحلات الخاصه بها غير الوكاله ؟؟
عادي أشتريها من المحل من دون السياره ..
انت ايش رايك تناسب نوع سيارته ؟؟

لكل شي حد 04-04-2013 11:30 PM

رد : مساعدة لإختيار هدية خاصة بالسيارة
 
سكر أتوقع تقصدين الزينون

انا سياراتي فيها زينون و واااااايد مستانسه عليهم يعطون منظر للسياره...

سيارة اللورد افضل لها زينون من الصدامات بيطلع شكلها مرتب...

ممكن بعد تاخذين له دواسات و اله لتنظيف للسياره أو رنجات للسياره (ما اعرف شو يسمونها بالسعودية بس انا اقصد اللي ينحط على التاير)

ابو عقيل الهاشمي 05-04-2013 03:09 PM

رد : مساعدة لإختيار هدية خاصة بالسيارة
 

ايوه اختي تقدري تشتريه من محلات الزينه .. وفيه زينون ابيض وازرق وثلجي .. الخ
اشتري انتي زينون ثلجي هذا الي انصحك فيه يعني ..

وسعره بحدود الخمسمية ريال تقريبا .. بس نوعيته حلوه وانا مركبه .. وما حد يشتري من الوكاله لان غاليه ..
والي يشتري بالوكاله يركبه كمان في الوكاله .. لكن مو مستاهله ..

لان اي احد اي ورشه او اي محل زينه للسيارات يركبه ..
وهو زي الجهاز يجي بعلبه او كرتون .. وتركيبه سهل يعني ..

ومثل ماقالت كل شيء حد . الزينون روعه وشكله كشخه .. الخ


الساعة الآن 11:45 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©