|
مورشيوس؟؟؟
السلام عليكم ورحمه الله وبركاته
من لديه اي معلومات عن جزيره مورشيوس او قد سبق له السفر لها وهل يمكن السفر لها مع الاطفال ؟ تحياتي لكم |
مافيه ولا رد معقوله ولا عضو من الاعضاء عنده اي معلومات عن مورشيوس :11:
|
كنت حروحها في شهر العسل بس رحت بدالها بوكيت في تايلند..
عموما موريشس مكان بحري ورومانسي جدا ماظن انها تصلح للاطفال لانه مافيها ملاهي وكذا دايما ينصحو بيها لشهر العسل لانها اكثر للبالغين.. عندي بروشورات كثير عنها واسماء الفنادق ترى من الصور شكلها رائع طبيعه وخضار وبحر... بس ماني عارفه ايش تبغاني اقولك عنها ؟ انا حاضره باي وقت. |
تسلمين اختي ما تقصرين طيب وشو انطباعك عن سفرتك لبوكيت
انا سمعت عنها كثير بس متخوفه بما انه لك تجربه ياريت تفيديني تحياتي لك |
بوكيت ما ينفعلها اطفال لانه مافيها ملاهي ابدا ولا وسائل ترفيه للاطفال غير السباحه في المسبح او البحر.. بوكيت زي موريشس بالضبط نفس النمط بس انا فضلت بوكيت عن مورشس لانه كنت ابغى اروح ماليزيا فاستقربت بوكيت ورحناها:) بس تراها امان جدا والناس طيبييييييين الى ابعد حد ليش متخوفه؟؟
اي سؤال ثاني انا حاضره :) |
السلام عليكم ورحمة الله وبركاته
من سنة 2003 صديق زوجي راح لها شهر العسل ويوم رجع ما مدحها لزوجي ممله ومو حق عرب وأكلها ممل مع هذا غالي واللي عرفته انه مع عروسته اخذوا فيها مقلب والناس اذواق جربي جزر المالديف |
جزيرة موريشيوس قريبه من مدغشقر في المحيط الهندي وعملتهم الروبيه مكانها عجيب بصراحه خلابه وتدعى بلؤلؤة المحيط الهندي مثل ما ليزيا اسيا الحقيقية على قولتهم يا ليت اقدر انزل الصور ما عندي فكره شلون بصراحه لغة اهلها الموريشس قريبه للفرنسيه طعامهم بالدرجة الأولى المأكولات البحرية بها نسبة من المسلمين ما يقارب 20% تقريبا شعب بشوش حبوب مناطقه سياحية بحته من ناحية الأكل فرخيص لكن المسكن لك عيله شوي يشتهرو بالسمرة تقريبا سمارهم مثل السريلانكيين وتحياتي هذا كل اللي اعرفه وإذا في اي استفسار انا جاهز
|
| الساعة الآن 01:42 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©