ازاي ابقي جريئة مع اخي في الحق
 

السلام عليكم ورحمة الله وبركاته
ليا اخ مش كويس اخلاقيا تارك للصلاة دائما يرهقنا ويرهق اهلي حاليا زوجته تركته ومش بيشتغل وقاعد في البيت حتي كوب الشاب بيخلي والدتي تعمله ضيع فلوسنا كلها بضحكه علي اهلي بمشاريع وهمية وينصب عليهم ويشرب مخدرات وقفوا جمبه وعالجوه وحاليا هو يدعي انه بطل مخدرات لكن الشواهد بتقول لا انسان مستهتر بمعني الكلمه اخواته البنات يتمنون قتله لكن كل المشكلة في امه بعد ما ضيع كل اموالهم ومدبسهم في قروض كل الباقي بعض من حق اخواته البنات وامه لسه بتصدقه وهتضيع حق بناتها عليه وانا شخصيه خجولة الي حد ما وخايفة علي زعل ماما بس نفسي اوقفه عند حده واواجه بالحقيقة اقوله يتقي الله في امه ويبطل يرهقها بطلباته ويسيب حق اخواته واننا مش هنسكتله ولا هنسيبه ياخد حقنا بس خايفه ومش عارفة اعمل ده ازاي ابعتله رساله ولا اعمل ايه واحده فينا فكرت نبعتله رساله من ايميل غير معروف بس كده كده هيعرف وانا جوايا كلام كتير نفسي اطلعه لانه بالفعل سببلي عقده نفسيه كبيره لدرجه اني مش ببطل تفكير فيه وبتعب نفسيا ازاي اواجهه من غير زعل امي واحاول احافظ علي حقوقنا لان اختي متهورة وهتقول الحق لو علي رقبتها وكلامها هيبقي قاسي ويعمل مشاكل مع العلم ان ده انسان متبلد الاحساس ومفيش فيه فايده

رد: ازاي ابقي جريئة مع اخي في الحق
 

المشكلة في الست الوالدة مش في أخوك ، هو ربنا يصلحه ويهديه بس ياكل حقكم لأ ، كلامكم يكون مع والدتكم مش معاه إذا هو شخص متعاطي توقعي منه حتى القتل ، الأفضل تتجنبوا أي إحتكاك فيه ، وإشرحوا للوالدة إن إنتم بنات لازم تخاف عليكم من الزمن وتأمن مستقبلكم بينما هو رجل مفيش خوف عليه ، ربنا يصلح الحال