منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   السيارات (http://www.66n.com/forums/forumdisplay.php?f=89)
-   -   اي افضل انواع سيارات التويوتا؟؟؟ (http://www.66n.com/forums/showthread.php?t=245894)

مسلمة حنونة 29-07-2013 02:53 AM

اي افضل انواع سيارات التويوتا؟؟؟
 
السلام عليكم ورحمة الله وبركااته
كيف حال اعضاء منتداي العزيز؟؟
حابه آخذ رااايكم في موضوع واتمنى تفيدوني
وتعطووني نصاائحكم
انا ناوية اشتري سيارة وزوجي العزيز يقنعني
اخذ من شركة تويوتا
وبعد الأخذ و العطا معاه نصحني بوحدة من هالسيارات
الفورتنر او الكامري او الكورولا
ايش رايكم يا اخواني واخواتي
وقولي لي اسبابكم لاهنتوا
ويعطيكم الف عافية

اا صديت عنك اا 29-07-2013 08:56 AM

رد : اي افضل انواع سيارات التويوتا؟؟؟
 
وعليكم السلام
الافضل جيب الفورتنر ويسمى بالعامية فورشنر من ناحية الاستخدام ممتاز واعطالة قليلة وقطع غيارة رخيصة
هو افضل من الكامري والكورلا بلا منازع .
وشركة تويوتا هي افضل الشركات عندنا .
اتمنى اني افدتك ومبروك مقدماً والله يعطيكم خيرها ويكفيكم شرها .

مــريم 29-07-2013 10:32 AM

رد : اي افضل انواع سيارات التويوتا؟؟؟
 
من بين الخيارات اللي ذكرتيها كامري ..
وإذا بغيتي اللي شوي أحلى من الكامري الافالون ..

الفورتشنر ماتعجبني أحسها تناسب الاجانب أكثر ..

مسلمة حنونة 30-07-2013 10:14 PM

رد : اي افضل انواع سيارات التويوتا؟؟؟
 
اخوي " صديت عنك " اشكرك على الرد
انا بصراحه مو مقتنعه في اي وحدة من الخيارات اللي اقترحهم زوجي
لكن الواحد يحسبها من جميع النواحي
بس كثير من اصدقاء زوجي خبرووه ان الغورتنر كسياقة مو مريحة
كأنك تسوق " بيك اب " فهل هذي صحيح ؟؟؟؟؟

اختي ام الدانة اشكرج يالغالية بس انا فعلا مو مقتنعة في الكامري ابدااا
وطول عمري تمنيت سيارة جيب
الله يكتب اللي فيه الخير يارب

ياليت البقية يتحفوني بارائهم

مــريم 31-07-2013 10:48 AM

رد : اي افضل انواع سيارات التويوتا؟؟؟
 
طبعا الجيب أو الفور ويل أفضل وأقوى وتعمر ..
تستحمل المسافات الطويلة .. والخطوط الوعرة ..
انا سنين طويلة سيارتي تويوتا لاند كروزر ..
مرتاحة منها جدا وافتقدها ..
من شهرين أخذت نيسان باترول ..
ايضا مريحة .. بس اللاند كروزر كنت مرتبطة فيها عاطفيا .. ههههه

عندك البرادو أصغر من اللاند كروزر بشوي وأرخص ..
في السابق ماكان يعجبني شكلها ...
بس القصات الجديدة اكبر وأفخم .. وصار شكلها قريب من اللاند كروزر ..

داماس 31-07-2013 01:36 PM

رد : اي افضل انواع سيارات التويوتا؟؟؟
 
لا تأخذين فورتونير ..

اللي أعرفه انهها سمعة عالفاصي لكنها مو زينة ..

قريبنا عنده وزوجي قال لي أبدا ما يمدحها يقول مو حلوة ..

ورد المطر 01-08-2013 10:43 PM

رد : اي افضل انواع سيارات التويوتا؟؟؟
 
السلآم عليكم
شوفي وانا اختش > اذا ناويه على سياره جيب ومريحه لاتاخذين فورتشنر!
اخواني كلهم ماشاء الله لاقوة الابالله سياراتهم جيوب لاندكروزر واف جي ولكزس مريحه جدآ>الا واحد
سيارته فورتشنر2013 فل كامل> لكن الله يعينه مو مريح ابدآ حتى المراتب غير مريحه ابد ابد وهلحين يفكر يبيعه

اا صديت عنك اا 02-08-2013 09:37 PM

رد : اي افضل انواع سيارات التويوتا؟؟؟
 
بس كثير من اصدقاء زوجي خبرووه ان الغورتنر كسياقة مو مريحة
كأنك تسوق " بيك اب " فهل هذي صحيح ؟؟؟؟؟
اختي "مسلمة حنونة" انا مادري عن سواقتها لكن لي اصدقاء استخدمو الفورشنر ويمدحونة من جميع النواحي كسيارة استخدام في المدينة حلووه وممتازة وعلى حسب خبرتي بالسيارات هي سيارة عملية قليلة الاعطال .
طيب أختي فيه في شركة تويوتا جيب برادو ممتاز وفيه الافلون ممتازة والخيار لكي .
الله يوفقك

تلميذ الحياة 03-08-2013 07:58 PM

رد : اي افضل انواع سيارات التويوتا؟؟؟
 
كل الخيارات ليست جيدة
اذا ميزانيتك تكفي لشراء اي سيارة المانية فأنصحك في البي ام دبليو او الميرسيدس الصغير من فئة سي او اي

ام الغالي11 13-08-2013 02:35 AM

رد : اي افضل انواع سيارات التويوتا؟؟؟
 
الألماني حيل غالي..ومو أي واحد يشتريه
أنا سيارتي كرولا..صج إنها صغيرونه بس يكفي إنها مريحتني وعاجبتني
بس أنا أشوف إن الكامري أفضل لأنها أكبر فقط


الساعة الآن 12:14 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©