|
السائق حاول يتهجم علي
والله مصدووومه مرررررره من حركة السواق
تخيلوا يشتغل عندنا من ست سنوات وعارفينه زين ماتصورت انه بالخسه هذي والدناءه الخبيث خبيث لو عاشر اهل البيت مية سنه استغل موقف حصل لي مع خالتي اللي تكبرني بسنه وحده اتصلت تبي السوق وطلبت مني ارافقها ورحت معها ونزلنا وتسوقنا وكان في شاب يلاحقنا من محل لمحل وخالتي الله يهديها هي اللي اعطته فرصه لانها لابسه عبايه مخصره على الكتف وشكلها اعجبها الشاب وفرحانه فيه مره بعد ماخلصنا لحقنا الشاب عند السياره وكانت خالتي عند الباب وقعد يتكلم معها وانا والله ماتكلمت ومالي دخل في السالفه بعد مانزلت خالتي لبيتها السواق قال بالحرف الواحد (ماما انا اشوف انتا مع هذا ولد انا ممكن اقول لبابا ) هزأته وقلت استح على وجهك ماباقي الا انت تهدد هذا يكلم خالتي مايكلمني قال انا مافي قول لبابا بس انتا خليني والله العظيم بغيت اعطيه كف على وجهه وخفت لايكون صدق يقول لابوي ويقوم ابوي يشك فيني وانا بريئه والله ماحسيت به الا وقف السياره عند ورشه قديمه ورجع عندي ورا يبي يتهجم علي بس انا ماعطيته فرصه قاومته بكل قوتي وقلت والله اذا مارحت لاكلم بابا اخليه يجي يشوف لك حل وشكله خاف وكمل الطريق الاشكال هذي ماينفع معهم الا الشخص الشديد يستغلون المواقف لصالحهم بس والله من بعد الموقف هذا وانا ما اروح معه ولا مشوار و هو يسأل اخواني الصغار عني يقول وين ماما (فلانه) ويرسل معهم كلام يوصلونه لي يقول مافي خوف من علي بابا يقصد انه بيقول لابوي اذا ماوافقت له اخاف يظلمني عند ابوي ويقوله على سالفة خالتي ويحطها على راسي انا حسبي الله عليه حسبي الله عليه حسبي الله عليه |
لاحول ولا قوة الا بالله وحسبي الله ونعم الوكيل فيه
أختي اصحي تطاوعيه فيما يطلب واتمنى لو تتشجعي وتخبري حد من أهلك يوقفه عند حده ..لانه غير أمين أبدا وقد يتمادى أكثر ويعتدي على اخوانك الصغار لانه انسان غير سوي وليس اهلا للثقه..أرجو توخي الحذر منه واتخاذ قرار بفضحه في القريب العاجل ويارب يستر بنات المسلمين جميعا ويحفظهم من شرور كل ذئب على هيئة رجل. |
اعوذ بالله ايش الجرأه هذي والخسه ........ يااختي لازم ماتسكتين وتخبرين عنه هذا كيف تأمنين عاى اخواتك واهلك معاه وبعدين انتي جرئتيه لأنك ساكته عنه للحين .......خبري ابوك اخاف تسكتين وفي الأخير بتطيح في راسك
|
لا لا لا
إنت لازم ما تخافي منه وولا تحسسيه بهالشي انزلي وروحي مشاويرك عادي ......... وياويله لو حاول يعمل لك شي....... قوليله أول ما تطلعي معه والله ياويلك بكلم أبوي أو أخوالي أو أخواني أو أعمامي يشنقوك قدامي ........ إنت كذاب ماحد راح يصدقك ......... و فعلا لو عمل شي خبري أبوكي بكل يلي صار ........ انتبهي منيح ما يبتزك بأي شي....... لا تسمحيله ...لو حاول إحكي القصة لأهلك و يعرف أبوكي بيلي صار منك ........ أحسن بكتير من مصايب تانيه ممكن توقع فوق راسك بس الله يهديكم انت وخالتك .......... |
السلام عليكم
أختي الكريمة، نصيحة لوجه الله، فاتحي أهلك باللي صار.... هذا ما ينسكت عنه... وحتى لو طاحت براسك.. أهون مائة مرة من تعرض أحد أهلك لموقف ما يقدر يتخلص منه... وصدقيني أذا سكتي فأنت لست بكامل قواك العقلية.... آسف بس الموضوع خطير جدا... فمثل ما تجرأ عليك قد يتجرأ على أخوانك الصغار.. ولهذا حرم الأسلام الخلوة... ونصيحة لا تقولينه إلا شخص عاقل لأن ممكن يوصل الأمر للدم مع السائق الحيوان (اللي قد يستاهل يوصل للدم)... ومثل هذا ما يوقف عند حدة و يترك!!! بل يمسك ويكفر فية ضرب حتى يحب الأرض.. ولا يترك في البيت ثانية واحدة نصيحة لوجه الله... بس ممكن سؤال؟ من أي جنسية هو؟ لا تقولي بنقالي... والسلام |
السلم عليكم
انتبهي ثم انتبهي شغل الاستغلال والملعنه اعطي امك خبر بالسالفه اذا ماتقدرين تقولين لابوك او احد اخونك خليهم يطونه ويدوسونه ويقلعونه برى هذى بيجلس كل يوم بقول لبابا لين يسوي لك شئ تهديد حتى يلين راسك وترضخين له وانتي ماتدرين مع الايام ولا تنسين انك انثى مهما كانت جرائتك يقدر يختلي فيك وي الجرأة قولي لامك الله يرحموالديك بكل السالفه وخالتك هذي اصحي تروحين معها مره ثانيه الله يكفيك شرها الاصيله ماتقبل اعطي اهلك خبر نصيحه لوجه الله هذى ناويك ناويك ويرسل بعد اخوانك يعني الفكره موجوده وتطور وراح يسوي الي يبي اذا ماتعطين خبر امل القى ردك هنا بانك اعطيتي الاهل خبر او اني ماعاد اشوف الموضوع ابو فهد |
السلام عليكم
الله يحفظك يابنتي ويحفظنا جميعا من شر السواقين لاتذكريني بتحرشات اخر مره سواق كان عندنا من 14 سنه خلاص من اهل البيت يوم مو راضي ينتظرني عندي مقابله شخصيه وعصب عليه ويصرخ والله لو تشوفين يماتعرفيني صرت اصرخ بأذنها واطلعه من السياره الين سحبت مفتاح السياره وصرخت فيه الين طلع من السياره وقفلت على نفسي من جو وجلست الين اتصلت على اخويا والله ثاني يوم الا هو مسافر قبلها طلع علي كلام اني اروح بيت شباب وامي بغت تجيها جلطه والله قلت لها خليه يوديك البيت اللي اروحه وادخلي وشوفي بيت مين اروح ياختي ياحبيبتي لاتخليه يمسك لك شي على طول احكي لأبوك ولاتسكتي لازم يتأدب ولا يعرف انك خايفه من ابوك لاتتأخري لازم تكلمي الوالد بأقرب فرصه قبل لايبرد الموضوع لاتحكي لأبوك خالتك ايش سوت لالا قولي له طلعنا للسوق واحنا رجعين نركب السياره عاكسونا شباب ولما نزلت خالتي كملي الباقي عادي والله يحفظك ويكفيك شر شياطين الجن والانس |
:)
حصنتك بلا اله الا الله اخي الفاضل ( ابو فهد) اول مره اشوفك معصب الله يستر عليك وعلى ذريتك فوق الارض وتحت الارض ويكفيكم شر شياطين الجن والانس اختي الفاضله نسيت نقطه لازم لازم تنبهي خالتك وتقولي لها الحركات هذي مو عندي لازم تحترميني وتحترمي السياره اللي راكبتها اذا تبغي تلعبي العبي بعيد عني انا مره وحده من زميلاتي كذا كل ماطلعنا مع بعض الا وشباب ورانا وكل مره اتضايق وارجع من الطلعه وانا متضايقه الين صارحتها وقلت لها يابنت الناس احترمي رغبتي انا مااحب التصرفات هذي ولفت الانظار وبعدين انت بسيارة اهلي يعني ممكن اخواني اصحاب اخواني يعرفون السياره وايش بيقولوا غير اني انا اللي اعمل الحركات هذي مو زميلتنا ولاتنسي الرجال ماشاء الله اذا السياره في السيد الثاني يلقطوها حقت فلان فأرجوك انا ماعندي هذي الحركات والله بعد كذا ياتجلس مؤدبه يانتقابل في المطعم وكل وحده بيسارة اهلها وبكذا ارتحت نهائي هيا توكلي على الله ولا تتأخري |
يااختي لالالالالالالاتركبين معااااااااه ولا تخلين اخوانك الصغار يركبوون معاه ويجسلون لحالهم معاااااه
هذا الحيوووووان علمي الوالده او الوالد لاتسكتييييييين خليهم يسفروووووووووونه وش تنتظرين لين يعتدي علييك وعلى اخوانك !! وقولي لخالتك تحترم نفسهاااااااا وانها السبب باللي صاااااااااااار سفرووووووووووووو القذرررررررررررررررررررررررررررررررر لو شفته قداااااامي هذااااااا ذبححححححححته |
الله ينتقم منه
يحاول ذبح أعراض المسلمين الله يجازيه بالدنيا قبل الاخرة حادثة يجعل الدم يفور حسبي الله عليه و نعم الوكيل و انت اختي ... لا تخافي و اخبري أهلك مثل هذا يجب ان يعود من حيث أتى .. لأنه لم يقدر النعمة الذي هو بها .. و كما يقولون اتقي شر من أحسنت اليه .. لاحول ولا قوة إلا بالله لم ينقصنا إلا هذا استغفر الله العظيم |
| الساعة الآن 06:19 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©