تساقط شعري بشكل جنوني
السلام عليكم ..
بادش بالموضوع على طول من 10 ايام بدأ شعري بالتساقط بشكل جنوني طبعا اليوم عاشر قبل شوي كنت آخذ شور بعد الشامبو فتحت عيني لقيت الحمام وانتوا بكرامة قلب اسود من غير مبالغة كأني طالعة من هوشة! شعري بكل مكان ما كملت حتى الشاور من الخوف ياريت اللي عندهم حل سريع لا يبخلون علي فيه |
رد: تساقط شعري بشكل جنوني
اهلًا زين
سوي تحاليل فيتامين د و الهيموجلوبين |
رد: تساقط شعري بشكل جنوني
سلامتك زين
يمكن سببه خلل هرموني او فقر الدم الي بعرفة انه الثوم جيد لوقف تساقط الشعر اهرسي الثوم وحطيهه في زيت الززيتون وقفلي عليه لمدة اسبوع بعدين استعمليه كحمام زيتي انصحك تعمليه في اليوم يكون زوجك موجود لانه ريحته تجننhyi |
رد: تساقط شعري بشكل جنوني
هلا زيون 🌹
اعملي فحص دم لهذول الاربعة مخزون الحديد Ferritin فيتامين دال Vitamin D زنك Zinc الغدة الدرقية TFT النقص فيهم يسبب التساقط واذا تبين شعرك يتحسن لازم يكون مراحل فوق الحد الطبيعي اول شي انتبهي لاكلك حاليا وزيتي شعرك.. جسمك وشعر وبشرتك مراية للي تاكلينه ولاتروحين لاخصائي جلدية وفحوصاتك هذول مو معاك بالتوفيق جميلتي 💜 |
رد: تساقط شعري بشكل جنوني
وايوه صح
اختاري شامبو مناسب.. احيانا يكون وحدة من الاسباب ابتعدي عن الشامبوات االي فيها رغوة استخدمي شي مناسب لطبيعة شعرك والافضل شامبوات طبية 💜 |
رد: تساقط شعري بشكل جنوني
مسز وميمي وفانتي
حبايبي مشكورين جدا جدا في نص الشهر اللي فات كنت مسويه تحاليل من ضمنها هذي الاشياء وكانت كلها سليمة الحمدلله كانت دكتورتي طالبه مني تحاليل شاملة حق كل شيء باجرب خلطة ميمي وابشرج زوجي ما يشم منذ الولادة فاقد هالحاسة ... ميمي شكثر لازم استخدم هالخلطة ؟ ونتايجها سريعة ؟ و راح اشتريلي شامبو طبي مثل ما قالت فانتي... متغبنة عدل .. طريقة تساقطه جدا مخيفة |
رد: تساقط شعري بشكل جنوني
انصحك بمرهم الشعر فيرموكال ... مفيدة جداااال
|
رد: تساقط شعري بشكل جنوني
الطريقة بالضبط لا اتذكرها لكن ابحثي عنها تلاقيها هي معروفة ومتداولة عاليوتيوب
عندك دوا تشربيه حاليا؟ |
رد: تساقط شعري بشكل جنوني
جت فتره طاح شعري خصل خصل
وضاق صدري كنتي مسويه فرد ياباني والحين كليت حبوب ممتازه للشعر من اول عليه حسيت بتاثيرها اذا تبغي اعطيك اسمها فيه زنك وماده ثانيه اكليها ثلاث شهور وغيري الشامبو انا استخدم لوريال ومرتاحه عليه واكلي بيوتين هو الي يحافظ على الشعره والدعاء قبل كل شي |
رد: تساقط شعري بشكل جنوني
اقتباس:
|
الساعة الآن 08:45 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©