|
بعد الشوفه.....
اهلين حبايبي اخواني واخواتي
اليوم زي ماانتو عارفين كانت الشوفه الشرعيه اخذت كل نصايحكم وكنت خايفه ومرتبكه وحالتي صعبه للغايه توكلت على الله ودخلت سلمت وجلست هذا كله وانا ماشفته لسى عيوني في الارض بعدين حاولت اشوفه وشفته وهو مانزل عيونه من عليا كان جريء جدا في الكلام يسأل عن كل شيء وانا مني عارفه كيف ارد بقولكم شكله بالتفصيل هو طويل شويه ووزنه فوق ال110 كيلو تقريبا اسمر شكله طيب بس كان يسال ويطل بنظارت تفحصيه ماحبيتها ابدا وهو خارج قال لاخويا لا تطولو علينا بالرد وسبحان الله ماارتحت ابدا كلهم قالولي طبيعي بس والله مني عارفه حاسه اني مو متقبلته مدري ايش رايكم وانا كمان حستخير زياده وهذي كل التفاصيل انتظركم |
هلا اختي
صدقيني انا متابعه مواضيعك الي قبل والحمدلله قبلتي صلي الاستخاره واذا على الشكل مو مهم الرجال مايعيبه الشكل اهم شيء مقبول مثل ماقلتي ربي يوفقك |
أنا أقول استخيري
ولا تجاملي نفسك ألحين أبد خليك صريحة وواضحة مع نفسك وكانك مو مقتنعة بعد الاستخارة لاتحرصي.. ويارب يدبر الصالح المبارك لك وللجميع أما من ناحية النظرات فهو شي طبيعي أنا شوفتي الشرعية شهر وفصفصتها من راسها إلى رجولها وأخوها ماقصر قال لاتطلع إلا وأنت شبعان ومقتنع بالشوفة الله يختار لك مافيه خير لك.. |
لا تستعجلي في الرد هذا زواج ،، أستخيري بعد كل صلاة ،، وإذا مشي الموضوع واكتمل معناه خير لك ،، واذا حسيتي ان الموضوع يمشي ببطء ممكن يكون مو من نصيبك ،،
الله يكتبلك اللي فيه الخير ،، حبيبتي أكثري من دعاء الاستخاره في كل وقت ،، بالتوفيــق عيوني ،، تحياتــي لينــــــــــــا |
أختي تقدم لها رجل واستخارت ورفضت , قالت لها اختي الكبيرة أنتِ وافقي إن تم فهو خير إن شاء الله
وإن ماتم فهو الأفضل لكِ , وسبحان الله تم وتزوجته وسعيدة معاه , الله يسعدها أكثر , ويسعدك ياإختي مغرورة بأمي ويكتب لك الخير آمين |
الله يسعدكم يارب
وان شاءالله حستخير اكثر والله يكتب اللي فيه الخير يارب ليا ولكم |
طيب ليش مارتحتي
عشان الشكل؟؟؟ ترى طبيعي الخوف واذا رجال محترم وخلوق وشكله مقبول فلا تطيعي الوساوس بس مستغرب ؟ كيف يقول لا تطولوا علينا بالرد في وقت الشوفه؟؟؟ ليش هو مصدق عمره؟؟ لايكون مغرور وقصده اذا بتوافقون ولا لاتعطلونا فيه غيركم ترى بعض الناس افكارهم غريبه |
نصيحة اختي لاتهملي ناحية الشكل والوزن لانه شئ ضروري
ليش لازم المرأة ماتهتم بالشكل وتقبل اي شيء والرجال لازم تكون شروطه ومواصفات العروس كاملة لأ انتبهي الوزن شئ ضروري لانه كل الرجال بعد الزواج يتضاعف وزنهم وبيني وبينك (( الرجل السمين لايستمتع بالجماع)) صلي الاستخارة وقرري والله يكتبلك الخير |
شوفي إيجابياته وسلبياته واستخيري الله وأقدمي
ترى خيرة الله أفضل من خيرة الوحدة لنفسها ثقي بالله وماراح تضيعين إذا مالك خير ماراح يتم الزواج الله يسهل أمرك ويريح قلبك |
الله يوفقك يارب يبدو لي انه اعجب بك ولهذا صرح لاخيك وقال لا تتأخرون بالرد علي عليك الان الاستخاره ان كنت تشعرين بالتردد استخيري لمدة اسبوع ثم قرري فورا بنسبه للشكل الرجل لايهم كثيرا إلخ ماعندي وقت اشرح بس فيه كم بنت من المعارف جميلات وبيضاااااء واخلااااق ... وازواجهم عادي بل اقل من كلمه مملوح واسمر وماشاء الله سعيده معه ورزقت باطفال حلوين وايضا التقيت اليوم بمناسبه عزيمة اغلب المتزوجات بشراتهم حلوه بيضاء وازواجهم سمر يعني الامر عاااادي اقتباس:
وبنسبه انك مو متقبله له يمكنك في بالك رسم معين لشكله فانصدمتِ بالواقع او يمكن في بالك صفات وشكل معين ولم تجديه فيه ! غلاتي اذا تبي الستر والاستقرار لا تتشرطين في الرجل زوج المستقبل يكفي انســـــــان قلبه طيب حنون يحبني يسعدني يوفر لي حياة كريمه رائعة هذا اهم من شكله لانك بتتعودين عليه( الشكل) فيما بعد ايضا بالمناسبه شفت قريبتي وهي بنت اموره جميله وجذابه سنها 21 سنه مخطوبه الله يتمم لها يارب وهي اجمل واحسن من زوجها ومن اهل زوجها يعني تعتبر ملكة جمال عند اهل الزوج واقاربه ومع ذلك رضيت بزوجها وهو اسمر غااااااامق مقبول و طيب الله يوفق الجميع الله معك مُبتسمة وكلي جروح [blink]انتباه!!!!!! [/blink] http://img86.imageshack.us/img86/779...10902josd9.gif |
| الساعة الآن 08:20 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©