|
حركة الجنين القويه جداً في الشهر الثامن ؟؟
السلام عليكم ورحمة الله وبركاته ...
دكتورة انا في الاسبوع الأول من الشهر الثامن وحركة الجنين احس انها قويه جداً وكثيرة بحيث لو انا جالسه في مكان عام الناس يلاحظو بطني بيتنطنط فوق تحت وتكثر الحركة من نص الليل حتى الفجر وبهسبب لا استطيع النوم >>>>>>>وناس خوفوني وقالو انه احتمال يمزق الكيس وينزل الماء قبل موعد الولاده ....وهل يدل على عصبيته او انه ادا طلع على وجه الدنيا بيكون حركي زي ماهو في بطني .... وبنسبه للحازوقة احس تجيه بكثرة بكثرة بعد اكلي مباشرة هل هذا طبيعي ايضاً ؟؟؟ وثاني شي الضغط على المثااانه جايب لي الارق لانه بدقيقه الحمام عزكم الله واحس روحي خلاص باقي اشوي وانفجر واخر شي اروح على فشوش مايطلع ولا نقطة هل هذا طبيعي ؟؟؟ :15: اسمحي لي اول حمل الي وماعندي خبرة |
اضم صوتي لك نفس المشكلة يبدو انه امر طبيعي
انا مثلك بالضبط ننتظر الرد |
ادري انك تسالين دكتورة المنتدى
بس حبيت اقولك هذا كله طبيــــــــــعي وكل الحريم في الاشهر الاخيره يصير لهم نفس الشي ،، وانا كمان نفس حالتك بالضبط ما عدى اني لسه بالسابع والبيبي يتحرك احسن من انه ساكن وهادي ،، ربي يحفظ لنا اجنتنا والله يسهل علينا ويقومنا بالسلامه |
شوووووكرااااً حبيباتي على الرد الكريم
بس انا بنت عمتي معاي في نفس الشهر وجنينها يتحرك بنعومة مش زيي والله ساعات اخاف منه لانه الحركة قويه جداً جداً جداً صحيح في السابع يتحرك بس مو زي الحين ادري بتقولو كبر بس ماشااء الله هذا الطفل الحديدي :18: على هالحسبه انشاء الله ترد علينا الدكتوووره والطمنى ((( دكتورتي الي اراجع عندها اخر مراجعة شافته وقالت راسه كبير بحيث يعطي انه اكبر من عمرة بسبوووع يعني عظمة الفخد تعطي عمرة بضبط وحجم راسه يعطي ازياده اسبوع في الجهاز وقالت لو يعطي ازيادة اسبوعين او فوق يكون مش في حدود الطبيعي )))) هل هذا الكلام يترتب عليه اني لما اروح اولد يقولوولي ماتقدري تولدي طبيعي لانه حجم راسه كبير لازم قيصريه ولا عادي اقدر اولد طبيعي ؟؟؟؟؟ يادكتورتنا العزيزيه |
أم زوجي تحلف لما كانت حامل ببنتها خرعوها في المستشفى وقالوا لها راسها كبييييير والله يعينك وماراح تقدرين تولدين طبيعي ..
ولما جابتها طلع راسها صغييير كأنه تفاحة .. بالنسبة للحركة .. تجنبي الأكلات الحارة المتبلة لأنها تزيد من نشاط الطفل .. ولا تتناولي عشائك في وقت متأخر .. بل قبل النوم بثلاث ساعات على الأقل .. أما الأعراض فهي طبيعية .. وأنصحك بعدم المقارنة بين حملك وحمل واحدة أخرى .. أو حتى حمل آخر لك في المستقبل .. فكل جنين له طبيعة مختلفة .. والله يخليه لك وتولدين بالسلامة .. |
ضحكتيني يااختي وذكرتيني بحملي ابني كان كذا حركة مو طبيعية فيه وطول الوقت يعني مافي وقت تزيد ووقت تخف احيانا يصحيني من النوم من كثر الرفس واحيانا اصحى من النوم القى بطني مقسومة اثنين مرة بالطول ومرة بالعرض واكون خاااااايفة واتصل على امي عشان اطمن بس تجلس تضحك علي اما بالنسبة للحازوقة في الاشهر الاخيرة تزييييد وانا احيانا في اليوم 6مرات تجيه او اكثر وتطول كمان يعني كنت عايشة بقلق لانه كان اول حمل الله يسهل عليك ولاتخافين كثير دكاترة يحبون يخوفون عالفاضي ومو كلامهم اللي يصير ربك يسهلها بعدين ياما سمعت قصصص زي كذا بعدين اسهل ولادة تكون واحلى اطفال يجون توكلي على ربك |
مشكووووريييين اخواتي يعني من رايكم احط في بطني بطيخه صيفي واطمن تعرفو رجت اول حمل ماعندنا خبرة اقل شي نخاااف وينبسطو الجماعه لما يخوفوكي وتطلع لك قصص غير شكل تزيد الطين بله بس مالينا إلا ان نتوكل على الله .......
نسئلكم الدعاااء اخوات تحياتي |
اقتباس:
اختى انا معك تقريبا فى نفس الظروف لكنى اسبقك بكام يوم وايضا هذا اول حمل لى والدكتوره التى اتابع معها قالت لى كلما تحرك الجنين اطمئنى فالحركه تعنى الصحه بالنسبه له ثانيا لا تخافى من حجم راسه او الولاده القيصرى ان شاء الله ربك بييسر فى وقت الولاده واذكر لكى كلمه قالتها لى اخت من اخوات التى احبها جدا قالت لى تذكرى ان الله لا يكلف نفسا الا وسعها يعنى ربنا مش هيحملك فوق طاقتك ابدا مهما كان بالنسبه للضغط على المثانه هو طبيعى جدا لا تقلقى وكلما تقدم الحمل كلما زاد الضغط الله يعنك ويعين جميع نساء المسلمين تمنياتى لك بولاده سهله متيسره :15: وتذكرى دعاء اللهم يسر ولا تعسر |
السلام عليكم
كما ذكرن الاخوات الاعراض طبيعية ولا تسبب اي مخاطر ابداً و الجنين في هذا العمر يتأثر بالاصوات الخارجية لذلك اذا تجلسي في مكان مزدحم و الاصوات عالية يتاثر الجنين فوراً وواضح ان الاصوات لا تعجبه و سببت له صداع ,, لذلك عليك مراعاة ذلك و تجنب الاصوات العالية و فرصه تتكلمي مع جنينك و تجعلي زوجك يتحدث بجانبك كثيراً لان الجنين يخرج و هو لديه معرفة بالاصوات التي حوله بسبب ما سمعه و هو في بطن امه .. و قللي من السكريات اذا تتناوليها بكثرة .. تحياتي .. |
:d
:22: :17: :18: يعني جنيني زي البم الحمد لله طمنتوني حبيباتي ودكتورتنا لا ننساها لانه زوجي كل يوم يقول لي خلينا نروح المستشفى نشوووف وانا اقول له انتظر اسئل دكتورتي الخاصه الدلع عليه مشاااء الله لانه هالمنتدى كل ما يسئلني شي على طول اجاوبه يقووووول المنتدددى كذا كذا واطمن انه مصادر معلوماتي كلها من اطباااء ومتخصصين الله يخلييكم لنا يالله ويقدركم على فعل الخييير سوااااااء دكتورتنا ولا الاخوات المجربااات على قولتهم الواحد يضرب عصفورين بحجر اسئل مجرب ولا تسئل طبيب وانا سئلت المجرب والطبيب :22: .... تحيااااتيييييييي ياحلويين |
| الساعة الآن 03:52 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©