|
ساعدوني في علاقتي مع زوجتي وأهلي
متزوج جديد
أريد أن أعرف كيفية التعامل مع الأهل بعد الزواج يعني هل تذهب زوجتي لأهلي كل يوم وتجلس معهم؟ هل نأكل أنا وزوجتي وأهلي معاً؟ كيف أعمل بالنسبة لراتبي هل أعطيهم جزء من المال؟ مع العلم أن أبي موظف مع العلم أنني أسكن في شقة مستقلة في نفس بناية أهلي وزوجتي تريد حياة مستقلة أرجو الإفادة لأنني أعاني من مشاكل دائما بسبب هذه القضايا |
يعني هل تذهب زوجتي لأهلي كل يوم وتجلس معهم؟
هل نأكل أنا وزوجتي وأهلي معاً؟ كل هذا يكون بينك وبين زوجتك اتفاق بالنسبه للمال اذا انت كنت تعطيهم من قبل الزواج فلاتقطع العاده لانهم راح يفكروا ان اللي قطع عادتك هي زوجتك زوجتك معها حق في حياه مستقله ماتبي اي احد يتدخل في حياتكم عشان تعيشوا هانئين لان الاهل اذا تدخلوا في المشاكل راح تزيد |
شوف ياابن الحلال علاقة الزوجة باهل زوجها شيء راجع لتربيتها في بيت اهلها فإن احسنت لهم فمن طيب اصلها
صراحة ياخوي زوجتك لاتلزمها بشيء انت وضحلها اساسيات علاقتك معها تجاه اهلك يمعنى كيف تحب يكون تصرفها معهم وهي وشطارتها .. هذول اهلك وانت ملزوم فيهم وفي زيارتهم اما هي فهذا شيء راجع لها زي ماقلت .. ولاتجعل من موضوع الزيارات مدخل للمشاكل بينكم |
الف مبروك الزواج اخوي .. عشان تسير العلاقات الاجتماعيه بشكل سليم لازم يكون هناك حدود و ضوابط و خطوط حمراء وخصوصيه يجب ان ينتبه لها جميع الاطراف .. ويجب ان لا احد يتعدى على حقوق الاخر او يتدخل في خصوصياته .. الميانه الزايده و الاحتكاك الزايد لابد انه يسبب مشاكل .. يعني وقت ما تحب ان تزور اهلك خذ زوجتك معك .. اذا زوجتك محتاجه غرض ناقصها تقدر تاخذه من اهلك بما انكم في نفس المكان .. ممكن هي تعمل لهم زياره خفيفه اذا كانت فاضيه .. لكن الاحتكاك الدائم بسبب وبدون سبب يسبب مشاكل .. كل شي بحدود يكون افضل للجميع .. بالنسبه للمصروف اذا كان هذا لا يؤثر على مصاريف بيتك و احتياجات زوجتك و لا تنسى لازم توفر لك مبلغ من الراتب للزمن .. فإذا بقى شي من راتبك بعد ذلك ممكن تساعد فيه اسرتك .. اما اذا كان راتبك يدوب على قد مصاريفك ممكن كل شهرين او ثلاثه تقتطع من راتبك مبلغ بسيط تعطيه لوالدتك .. يجب على الاهل ان يراعوا هذه النقطه و لا يضغطوا على ابنهم في هذه الناحيه .. وربي يسعدك .. |
لابد من تحديد وتقنين الزيارات لكي يدوم الاحترام
بينهم مثلا يوم وسط الاسبوع تروح زياره خفيفه لااهلك مع زوجتك تجلس مع الوالد والوالده وبنهاية الاسبوع سهره عندهم بالتوفيق |
أعتقد أنه من الأفضل أن لاتكثر زوجتك من الزيارات لأهلك لأنها بتكثر المشاكل..مرة في الأسبوع..
أما أنت فمن الواجب عليك الزيارة المتكررة لأمك وأبوك وإخوانك.. أما المصروف.. فإن كان والدك لديه راتب يكفي وأمور أهلك ممتازة فمالداعي لأن تصرف عليهم لأنك ستحتاجها فمتطلبات الحياة كثيرة.. لكن لاتنسى أن تعطي أمك بعض الشيء لتسعدها.. وممكن تجيب لأهلك أي حاجة محتاجينها.. |
ما الفائدة من السكن المستقل إن كنت ستأكل كل يوم عندهم
أنصحك بأن تستقل بحياتك على أن لا تقاطع أهلك بإمكانك زيارتهم باستمرار و بالنسبة لزوجتك فتزورهم مرة أو مرتين في الأسبوع ::::: وفقك الله |
اخي الكريم
من الافضل لاهلك ولها ولك ان تكون الزيارات قليله مره بالاسبوع جيده اما المصروف من الافضل اذا كانوا متعودين على مصروف انك ماتقطعه اما اذا كنت من الاساس ماتعطيهم مصروف بل تحاول تنوع مره هديه للوالده ومره طلعه لتمشيه ومره فلوس وابي انبه انك تحط زياره لك انت يوميا للوالده وهذا اقل شي |
اول شيء من الافضل لك ولها انت تقلل الزيارات
انت عادي متى مابغيت سير زوجتك بالاسبووع كفايه ترا كثر الزيارات راح تجيب شوي من الحساسيات وراح ادخلك بمشاكل انت في غنى عنهاااا ...<< حاول تكوون زوجتك معاهم رسميه عشان يكون مبدا الاحترام فوق كل شيء واهم شيء حاول تفصل بين بيتك وبين بيت اهلك يعني لاتقول لزوجتك كل شيء يعني ((الاهل في البيت بيزعلو من بعض وترجعو عادي واكيد فاهم علي الشباب بيزعل من حركه قالها ابوه او امه واحنا من حقنا وواجب نصبر عليهم ونتحملهم والابن وقت قصير وبيرجع ))لكن لمن تقول لزوجتك راح تبدا تحط فبالها تفكيير وراح تنحاز معاك وراح تكره اهلك الشاهد في الامررر ((** حصل معااي ان زوجي الله يهديه ويجي يحكي لي وانا ماكرهتهم بس موو مثل اول احبهم واعزهم دائم اناظر بعيون عمي وواتذكر كلامه لزوجي )) مع ان والله مايقصرووون معي ومهتمين في اكثر من زوجي... والمصرووف اذا كنت تعطيهم جزء من المال انت في بدايه زواجك راح تحتاج مصاريف حاول انك تجيب مقاضي للبيت ومن مسلتزمات يعني مايخالف لو انت مار السوبر تبي شيء لبيتك تجيب كم قرض لأهلك ... لان صعبه تقطعهم مره وحده ... وفي العيد تعطيهم عااادي والمناسبات اتمنى لك التووووفيق واسفه للاطاله تحيتي |
| الساعة الآن 08:19 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©