زوجي يذهب للاسواق مع اصحابه :(
 

[size=1]باسم الله ابدء كلامي

انا زوجي من النوع الي في نهايه الاسبوع يروح مع اصدقائه المجمعات التجاريه ويقعد في الكافيه الي هناك ..................... والصراحه اخر مره شاف اختي وزوجها وعيالها وبعد شافه اخو زوجي وزجته وولده :mad: :mad: وانا زعلت بس ماقلت له شي (( بيني وبينكم ماحب ان يروح هالاماكن ويشوفونه الناس مع ربعه )) الي ما يعرف اخلاقه ممكن يقول عنه كلام مب زين ........... ومب حلوه في حقي انا بعد ............... برايكم شسوي ؟؟ يحق لي اتضايق ول لاء ؟؟

مع العلم انه هم ماعندهم مكان يروحونه ويحبون يروحون الكافيه الي في المجمع ..... بس انا ماحب الناس تجوفه مع ربعه ,........ هو يكسر خاطري ما عنده حد غير انا وربعه بس :( :( :( :( [/size]

عزيزتي شامبو ليش معصبة هالكثر؟؟؟؟ انت ما تحتاجين وقت تقضيه مع خواتك أو مع صديقاتك ، وعشان بحكم اختلاف الجنس والتقاليد فانته تتقابلون في البيوت، ولكن لا تصيري شذي على زوجك تراه يمل ويطفش، بعدين دام انك عارفاه وعارفه خباياه لا يهمك كلام الناس والي يتكلم ردي عليه وقولي انك راضية. ترا حلو الواحد يبعد عشان يشتاق ولا لأ؟؟؟؟؟

انا معاج يانجوى وادري ان الي تقولينه صح ............ وانا اقعد مع هلي وهو يطلع مع ربعه بس ماتحبين ان الناس اللي مايحبونك يشوفونه يعني يتشمتون

الباب اللي يجيلك منه الريح .........
 

يعني مافيه الا المجمع يتمشى فيه ...اذا انتي ضامنه زوجك كيف تضمنين الفتيات والنساء اللي هناك اللي اغلبهم رايحين بدون قصد الشراء واللي الوحدة منهم تلبس اجمل واضيق ماعندها وتكشخ آخر كشخه وريحة عطرها فايحة من بعد ...واذا ضمنت زوجك كيف تضمنين الشيطان اللي معروف ان اكثر مكان تكثر فيه الشياطين هو الاسواق .....................

بصيـــــــــــــــــــــــــــــــــــــــــــــــ ــــــــــح يا هدى الي فيني مكفيني ...................

لاحول ولا قوة الا بالله....... انا ماقصدت ازعلكي ولا اضايقكي بس والله انها الحقيقة واسألي امك او اللي تبين ....انا قصدت انبهكي عشان تنتبهين له وتدعين وتطلبين الله انه يحفظه لكي من شر هالاسواق ....اللي ماكان شي احب لقلبي مثلها واحلى طلعة بس الحمد لله اللي كرهني فيها وبعذري والله من كثر بلاويها والذنوب اللي تصير فيها وكل يوم تزيد الله يحفظنا واياكم ....على فكرة خليكي عمليه شوي ولا تقعدين تضايقين نفسك وتصيحين ياما صحنا ومااستفدنا شيء ويوم عرفنا الدعاءوالاستغفار وعظمه عند الله سبحانه وانه مخ العبادة صار احب لي من كل شيء والخير جاء معه والحمد لله والله يزيد ومن مايطمع في كرم ربي وفضله فهو مسكين ...................

تسلمين يا اختي هدى وردج حلوو وانا مازعلت الا خذيت الموضوع بطريقه مزح ........................... ومشكوره من كل قلبي

اختي شامبو55 اعتقد ان الموضوع مبالغ فيه ،، و اين المشكلة اذا خرج مع اصدقاءه ؟؟ و لماذا تقولين ان الناس راح يتشمتون ؟؟ اين المشكلة في خروجه مع اصدقاءه ؟؟؟؟؟؟

هل يجب ان يكون الزوج 24 ساعة مع زوجته حتى لا يتشمتون الناس ؟؟ غريب !

الموضوع مبالغ ،، عطي زوجك بعضا من الحرية ،، فهو انسان و بشر و يحب ان يجلس مع اصدقاءه ،،


مجرد نصيحة ،،

أختي المباركة ( شامبو55 )

من منطلق أن كوني رجل أتحدث إليكِ .... لأقول :

إني أتفهم نظرتك وحرصك ... ولكن أخشى من أن الموضوع ينقلب عليكِ ... فاتركِي للرجل الحرية .... أرجوكِ لأن الرجال ـ غالباً ـ لا يحبون أن يشعرون بشيء من التحكم ... وإن كان القصد الخير له ( وهذا الأصل )

وكي تحققي هدفكِ ( الذي تقريباً واضح بالنسبة لي ) فاختاري أطايب الكلام .. وأحسن الأوقات .. وأبلغيه أنه لو أمكن تغيير المكان وبيني له وجهة نظرك والسبب في هذا الطلب ...... وأؤكد جدا جدا على توضيح السبب وذكره ، لأن هذا سوف يجعله أكثر راحة ، بعيداً عن الانزعاج أو المضايقة ... إن شاء الله

أرجوكِ فقط حتى لا تخسري زوجكِ لسبب بسيط .. وهو أمر طبيعي من أمور حياته الخاصة التي هي حق له .... مادام أنه لا يرتكب محرماً أو فعلا مخالفا للأخلاق ...
ولستُ أخفيك حين قرأتُ عنوان الموضوع ..... تبادر لذهني لوهلة ... أن هناك زوجة تشتكي من ذهاب زوجها إلى الأسواق مع أصدقائه بهدف معاكسة البنات .
فاحمدي الله عز وجل .....

جزاك الله خير على حرصك ... كتب الله أجركِ .. وزادك حبا وحرصاً على زوجك .. ولكن بدون تشدد
هذا رأيي والله أعلم ..
وأعتذر إن كان قد خرج مني لا لا يليق من ألفاظ ....

تحياتي ؛؛؛

مرحبا

حبيبات قلبي
وين الثقه ؟؟؟؟؟؟؟؟؟؟؟؟؟؟؟
انتي اوثقي فيه والباجي على الله يحفظه من شياطين الجن والانس
عني لو يحطون ريلي بين الف لا مليون مره من طقه هيفاء اثق فيه وانا مغمظه
لانه حبيبتي اللي بسوي شي يسويه اي مكان حتى وهو معاج

وما فيها شي يروح مع ربعه شنو الشماته من اللي يشوفونه
انتي ما تروحين مع صديقاتج وخواتج واهلج
الناس اللي تشوفج تتشمت
بس بسال وين وليش الشماته ؟؟
حبيبتي مثل ما احنا نحتاج حريتنا اهم بعد
واذا بطالع بعيونه واهو في السوق
خليه يطالع
ترى اللي بسوق احنا يالحريم نفج حلوجنا عيل شلون الرياييل
واولا واخيرا تراه يعرف اهو شنو عنده ووين ما يروح ويلف راح يرجع
بس الله كريم خير حافظ