ملكت .. وفسخت
انخطبت ... وملكت .. وكان زوج ممكن يكون مطمع كثير من البنات .. بس سبحان الله عجزت نفسي تتقبله .. وكل ما استخير انهار اكثر
بالنسبه لمواصفاته جيده جدا .. لكن كان ينقصه (( الوسامه )) اللي في بالي فبعدها يمكن صرت ادقق في صفاته الثانيه (( لديه سياسه الامر الواقع كثير وهذي ما تناسبني )) بعيد عن مقر عملي وبدخل بموضوع انقل له وانا خلاص مافيني كان اقرب للحرص في الامور الماليه وما يوجعه قلبه علي او ما قدم لي كثير ولا حتى قليل لو بالكلام .. ما يبغى اطفال ايدا .قادني فكرته هذي للاحساس بان العلاقه معه لن تدوم مدري لو كان وسيم .. كان يمكن زحلقت هالامور كلها ما ادري المشكله ان الشعب كله عرف ان روح انتهت ملكت .. حسيت بفشله كبيره او انه ممكن احد يتشمت باخواني او فيني وانا ما احب اووجع اهلي ممكن كنت متسرعه .. بس الحمدلله انه هالقرار جا قبل الدخول عليه وان شالله مستقبلا .. ما اعلم احد اني بتزوج الا بعد ما اتزوووج فعلا.. اخاف انام واقوم اقول ما ابغى |
رد: ملكت .. وفسخت
يعنى فكيتيها عشان ماهو وسيم
او عشان مايبغى اطفال ؟! اذا عندك اطفال ايش المانع من انك توافقى اذا ماقدم لك كثير مثل ايش مثلاً ؟! ايش هدفك انتى من الزواج ؟! |
رد: ملكت .. وفسخت
موضوع الاطفال انا ساكون احرص منه عليه .. لاني لا اريد علاقه غير ناجحه فيها اطفال .. فشايله هالفكره انا من بالي الا اذا هو اصر انه يبغى
لكن هدفي من الزواج الاستقرار .. مرررره ابي استقرار واحتواء مكالماتي معه رومانسيه بحته من طرفه .. حلو بس انا اولا اريد الامان والاستقرار .. والاحتواء قبل لا اسمع كلمه رومانسيه مثلا البيت .. اذا ناقشته فيه يعوم في الاجابات .. وما ناقشتني ابد ايش ابغى او ما ابغى. لما ناقشته في المصاريف و الامور الماليه .. لقيته مأمل علي كثير .. بصراحه ما عندي مشكله كبيره في الماده .. لو هو مسك الاساسيات .. لكن خلال ملكتي له مرررره دقيق في مهري ايش شريت فيه وكم حطيت ويتشرط ايش اشترياو ما اشتري .. وابدا ابدا ماااا حبيت ووالله حطيت فوق المهر اللي عطاني مثله .. ومن خاطر اشتري .. بس دقته علمتني انه ماراح يقدم لي شيء في حياتي حسيت انه حاط في باله فقط انه المرأه فقط تبي تخدير رومانسي وليته شاطر بعد في الرومانسيه |
رد: ملكت .. وفسخت
الله يعوضك
|
رد: ملكت .. وفسخت
اقتباس:
أنتي وافقتي وتحسفتي شئ اكيد ان اللي يبي يتزوج بها العمر راح يكون اقل رومنسية واكثر واقعية يبي المختصر المفيد قليل تلقين شايب رومنسي و مزيون و كريم ,, |
رد: ملكت .. وفسخت
كان الله في عنكما
أسأل الله أن يرزقك الزوج الصالح الي تقر عينك به |
رد: ملكت .. وفسخت
اقتباس:
|
رد: ملكت .. وفسخت
اقتباس:
عمره 38 بسسسس ومعيد في جامعه ورومانسي رومانسيه ما تجذب او مافيها رجوله بس مش وسيم وحريص عالماده انا اثق ان ربي ما راح يقطني على صخر فباذن الله بيجي |
رد: ملكت .. وفسخت
أشوفك انسانة متسرعة
خصوصا في قرار الزواج لازم تكون أكثر تأني بعد خروجك من تجربة سابقة. يعني كفاية جروح وتعب ، لازم تختاري بتأني و بعقل يعني في أشياء المفروض تعرفيها من قبل لا تملكي عليه، مثل إنه مايبى أطفال و مكان سكنك و إنه بيكون بعيد عن مقر عملك ! وبالنسبة للوسامة.. ففيه نظرة شرعية كان دققتي في اللي يهمك ! لكن حصل خير .. والله يعوضك بالافضل |
رد: ملكت .. وفسخت
يمكن الاخ قاصد مسيار ..
وان كان عندك كل شيء بس ينقصك الزوج كان وافقتى عادى .. عندك ماده و خلافه ، شوفي اللى ناقصك .. |
رد: ملكت .. وفسخت
مو كنك تسرعتي
عموما اتمنى انك استخرتي قبل |
رد: ملكت .. وفسخت
اقتباس:
غريبه فى هذا السن ولا يريد اطفال طيب لماذا يتزوج فقط للمتعه اشعر انه لم يملىء فراغ طليقك ولم يستطع ان ينزعه من قلبك ويجلس مكانه |
رد: ملكت .. وفسخت
قرار اخذتيه وانتهى
الله يعوضك باللي يرضيك علجلا غير اجل كوني اكثر تأني المره القادمه طولي فتره الخطوبه لاتروحي مباشره للعقد استعيني على قضاء حوائجك بالكتمان |
رد: ملكت .. وفسخت
اختي اخذت قرار مشابهه لقرارك، تقريبا لنفس السبب لم تتقبله شكليا
مع انه بنظر الجميع مقبول لكن سبحان الله الارواح جنود مجنده |
رد: ملكت .. وفسخت
لا تسرعت ولا شي بس كلامها واضح وواقعي ومو عاطفي والبنت تبي الأمان بعدين الحب وما لقت معاه هالشي وهذا عيل العقل
الامور الماديه والأولاد مهمه جدا والأخ مو في باله قرارج سليم اختي لا تتحسفبن اختي ترى غالبية الرجال نفسه ويمكن ألعن... وصلنا مرحله الخاطب يسأل خطيبته كم راتبك و خبرج انا على قد الحال....قمة بالانحطاط غالبية الرجال الي من هالنوع يكون متقدم ل مطلقه |
رد: ملكت .. وفسخت
أشوفك إنسانة حكيمة
واضح أن الرجل عنده رومانسية مؤقتة حادة ويبي يفرغها، والكثير من الرجال في بداية خطبتهم أو ملكتهم ينفجرون رومانسياً، ثم بعد الزواج تخبو وتنطفي وصفك له ولشخصيته وتعامله وتفكيره وأسئلته تكشف عن أنه رجل يتوقع أنه لايمكن أن يستمر في الزواج. من يريد أن يبني زواجاً مستقراً تتضح أهدافه من البداية. تصرفات هذا الخطيب وتدقيقه على المهر واعتماده عليك مادياً يكشف أنه يفكر في شيء وااااااااحد فقط يريده ثم سيمل ثم لا أحد يعلم إلى أين سينتهي هذا الزواج ذكرتي في البداية أنه مطمع لكثير من البنات!؟ أي مطمع وأنتي ذكرتي أنه لاتقبله النفس وتدقيقه على الأمور المادية بل واعتماده على زوجته بالإضافة إلى عدم وسامته!!؟ آخيراً، في أمور الزواج والخطبة والملكة وغيرهاااااااااااااا من أمور الحياة لاتقولينها لأحد إلا بعد أن تتم 100% |
رد: ملكت .. وفسخت
مدري استوقفني موضوع الأمان
الإحساس بالأمان هو رقم واحد لو ماحسيتي فلكي الحق في انهاء العلاقة وايضا الإستغلال مو حلو الرجل احيانا يبغ الزوجة مكسب تضيف له مادة او عالأقل مايخسر عليها يبغاها تثمر بدون مايسقيها استغفر الله |
الساعة الآن 07:52 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©