|
مشكلتى مع حماتى
السلام عليكم ورحمة الله وبركاته
مشكلتى باختصار حماتى بتغير منى جدا ودايما عامله مشاكل فى البيت احنا ساكنين معاهم فى نفس البيت بس شقه لوحدى هما تحت وانا فوق اخر مشكله حصلت انى كنت بنظف البيت فى وقت متأخر وابنى عمرة عام جيه ولعب فى الميه وكان عايز يمسك الكهربا خفت عليه قلت احطه فى حجرتى وانظف بسرعه واخده والله كنت خايفه يأذى نفسه المهم حجرتى فوق حجرة حمايا لما سمع صوت ابنى بيبكى طلع حماتى عشان تهديه وهى طالعه شتمتنى واتهمتنى بعدم الاخلاق وطردتنى المهم انا ما رديت عليها لانى محترمه وكانت عايزة تاخد الولد للصبح عندها لحد ابوة ما يجى من الشغل الصبح وياخده منها وانا رفضت وقلت لا هاتى الولد(والله على ما اقوله شهيد) كلمت زوجى فى الشغل واشتكت له وكلمت اهلى واشتكت لهم منى وانى رديت عليها وقالت لامى انهم ندمانين على هذه الزيجه وامى محترمه ما ردت عليها لانها مش عايزه تعمل مشاكل زياده طبعا ما قالت انها طردتنى انا بكيت جدا لزوجى وهو عارف والدته اد ايه صعبه وشخصيتها قويه جدا عليهم كلهم حتى على زوجها وحمايا لاحول له ولا قوة المهم زوجى راح يجيبلى ماء وانا ببكى وهى حست به وهوبيجرى يجيب الماء فافتكرت اننا بنجرى ورا بعض ونهزر عملتها حكايه ازاى يجى يهزر معايا وانا زعلتها وهنتها لما قلت لها هاتى الولد وغلطت بحق حمايا لما سبت الولد فى حجرتى اللى هى فوق حجرة حماياوهو صحى من النوم وسمع الولد وعملت فيلم هندى ان حمايا ما نام ليلتها وفضل قلقان وداخ وووووووو وكان المفروض انى اعتذر لهم بعد كل هذه الاهانات اليوم زوجى كانت اول يوم اجازة له وهو عنده اجازة 4 ايام زوجى قالى بكره روحى لبيت اهلك لمده 4 ايام وانا حبقى اجيبك مراعاة لشعورها لانها طول النهار تقوله انتم نايمينن مع بعض وانا هنا حموت منها انت بتدلعها وانت جبتها هنا واحنا كنا رافضيين الجوازه دى لانها عايزة تزوجه ببنت خالته انا رفضت اسيب بيتى واهلى زعلانين من حماتى ابويا متوفى واخويا طيب جدا وامى طيبه وزوجى اطيب وانا تعبت من المشاكل اليوميه انا قلت لزوجى حنزل اعتذر لهاا بشرط نعزل من البيت ده هو وافق وقالى امى منفعله استنى لما تهدى وبعدين نشوف ما فيه حد له عليها كلمه ولا حكم وطول النهار تدعى عليا انا وزوجى والله تعبت ايه رأيكم اروح عند امى كام يوم وارجع زى ما طلب زوجى ولا استنى فى بيتى |
مش عارفه ايش اقولك ..
طيب لو رحتي بيت اهلك 4 ايام .. هو بيجي يزورك و يقعد معاك يوميا ؟؟ لانه حرام باجازته ينحرم منك و من ابنه الله يعينيك حبيبتي ... بس هي كدا معاكي من اول ما تزوجتو؟؟؟ وهل حاولتي كسب ودها بالكلام المعسول ؟؟او بالهدايا ... في حموات بيفرحوا بالهدايا و بينسوا اي شي ؟ |
لا ابدااااااااااااا ماتروحيش بيت اهلك ولا تسيبي بيتك خالص وبعدين انتوا لو عزلتوا تقدروا تجيبوا شقة تانية منين ؟ متفكريش بالموضوع ده واذا كانت حماتك من النوع ده صدقيني انتي لو طنيشتيها هي اللي هتطفيش من اسلوبها بس عشان اقولك الحق انت كان ممكن تسيبلها الولد وبالعكس تردي عليها بكلمة واحدة جزاك الله خير ياحماتي انا من غيرك ماكنتش حعرف اعمل ايه وسيبلها الولد يبات معاها صدقيني كانت مقدرتش تعمل حاجة من اسلوبك والله انا حماتي كنت اسمعها بودني وهي تدعي علينا وتشتمنا من ورانا وتعاملني وحش قدام الناس لكن انا كنت ارد عليها واقولها والله انا بحبك وحتي لما يكون ابنها وهي زعلانين اقولها ان ابنك علي طول يقولي انا بحب ماما ومش عارف ارضيها ازاي مش بنافق بس والله ابنها كان ممكن يسب لها الدنيا ويهج بس انا اللي كنت ادافع عنها واقوله معلش مهما كان دي مامتك" ومهما عملت معانا كنت اعملها كويس جدا ابقي طمنينا عليكي الله معاكي بس افتكري انك كمان في يوم حتكوني حماة وعاملي حماتك زي ماتحبي مرات ابنك تعاملك واسفة جدا علي الاطالة
|
الحموات الفاتنات عايزين سياسة طنش ودانك وغمض عنيك وقول كلام حلو حتي لو من وراء قلبك تكسب ودهم:25:
|
جزاكى الله خير يا نورا
مش عارفه ممكن يجى يوم وهى كانت كويسه لحد ما زوجى ربنا فتح عليه ابتدت تغيير لكنه والله راضيها وعاملها مصروف هى وبناتها المتزوجه والاخرى انا وامى مش مقصرين والله لا فى الهدايا والكلام لكن ربنا يهدى الحال جزاكى الله خير يا سومه بالنسبه للولد انا سيبته لها قبل ما تنزل لما هو هدى وسكت وخاف منها وما رديش يروح لها لانها كانت متعصبه وبتزعق انا كل زعلى على اهانتها لاهلى لكن ربنا يصلح الاحوال جزاكى الله خير على النصيحه |
الله يعينك
خلاص ما تروحي بيت اهلك زوجك عنده عطله نصيحه غيري غرفة نومك نامي انتي وزوجك بالصالون لان يمكن بالليل السرير يهز (..........) وعقلها يوديها يمين وشمال هيدا يلي مجننها ما زال سمعو صوت الولد يعني يسمعو اصوات ثانيه غيري ديكور البيت اعملي الصالون في غرفة النوم واختاري غرفه اخرى اعمليها غرفة نوم روحي انتي وزوجك وراضي امك بمجرد دخول زوجك عليها رح تهدى وتفرح لاطمئنانها انو زوجك بصفك وخلي علاقتك مع عمك طيبه شكلو مسكين الله يصبرك ويعينك |
شكرا لك امى الغاليه جرين
شكرا لنصيحتك ادعيلى بس قوليلى اعمل ايه معاها اعتذر لها هى وحمايا ولا ااعمل ايه معاها يا امى انصحينى |
اعتذري حبيبتي
واعترفي على اعمال ما عملتيها واقوال ما قلتيها يا قلبي كلو علشان زوجك حبيبك قولي له عشان خاطر عيونك يا عيوني شوف كيف رح اعتذر فوتي عليها الفرصه ,خليها بينها وبين نفسها تكلم نفسها والله من حوالي اسبوع يقول زوجي وين رحتي بنزين السياره ما كان يقتنع لا مني ولا من ابني بالاخير قلت له انت اختر المنطقه وانا اقول لك صح مظبوط انا رحت هناك والله سكت صدقيني وقت تلاقيكي انك تبصمي على كلامها رح تسكت رح تقول في نفسها : هيدي معترفه ولا فارقه معها شي احيانا اقول لزوجي : مش محرزه تحكم عليي بالاعدام عشان غلطه انتظر غلطه لها قيمه ومن ثم اعدمني اهم شي يا قلبي تعيشي مبسوطه هالاربعة ايام زوجك بإجازه لازم يكون سعيد شوفي خذي معك باقة ورد احمر معك لحماتك ما تخافي يا قلبي كله بثوابه ياماما لا تحسبي انك تتنازلين ابدا والله ربي يرفعك في الدنيا والآخره لاجمل مكان واسعد عيش |
الله يعينك حبيبتى فى ميزان حسناتك والست الله يطول فى عمرها ويعطيها الصحه
أعطتك زوج حنون وطيب المفروض تتحملى عصبيتها مهما كان مثل أمك وياما أمهاتنا يتعصبون علينا بدون داعى ونتحمل ونقول معلش عشان دى أمك ( مثل أمك أقصد ) |
اختي الغالية كان الله في عونك لكن تحملي واصبري عشان خاطر زوجك
نصيحتي لك لا تتركي بيتك خاصة ان زوجك ماخذ اجازة وحاولي ما تتكلمي عن هذه المشكلة هذه الايام وكما نصحتك الاخوات روحي واعتذريلها عشان خاطر زوجك لكن بعد ما تعلميه وتقوليلو انك بتعذري رغم انك ما غلطتي لكن كلو يهون حبيبتي |
الاخوات وفوا وكفوا ما لي كلام غير اللي قالوه
اختي الكريمة اعتذري لها ربنا يهديها ما فيها شئ راضيها اختي هي ام زوجك وحتى كمان راح تكبر نظرة زوجك الك ويزيد معزتك ومحبتك المسامح كريم وانت ادعيلها ربنا يهديها بالصبر الانسان ينال اللي هو عايز وما تروحي ابدا لبيت اهلك ابق في بيتك مش عارفين شو يمكن تخبي الايام الاربع دي خصوصا وكما قلتي حماتك كلمتها على الكل خليك في بيتك جنب زوجك وروحي اعتذري لها قبل ما يكبر المشكل وراضيها بكلمتين حلوين اكراما لله سبحانه وتعالى بنية صادقة الله معك وطمنيني على حالك اسالكم الدعاء |
جزاكى الله امى جرين
والله زوجى سيبىه تهدى وكل شئ راح ينحل باذن المولى اختى المصريه بارك الله لكوادعيلى ربى يصلح الاحوال يورنا شكرا لمرورك ونصيحتك وجزاكى الله خير لمساندتك لى جزاكم الله على مساندتكم لى |
جزاكى الله خير يا رحمه بارك الله فيك وادعيلنا
بوركتم جميعا جزاكم الله خير على المسانده الطيبه وان شاء الله حطمنكم على اخبارى قريب جدا |
نقل للمكان المناسب ... المتزوجين وفقك الله |
السلام عليكم
اخر مستجداتى حماتى اخدت الولد عشان يتعشى معاها وقلت لزوجى انزل اعتذر لهم تحت رفض وقالى لا سيبى الامور تمشى عادى وحتتصلح مع الايام الحمد لله بدأت حماتى تكلم زوجى كويس ربنا يهديها ويهدينا |
لا يريدها ان تتعود على اعتذار كلما حصل معك موقف
وخايف تهينك الله يحفظه لك ويحفظك له قادر كريم |
امين يا امى مشكوره على مسندتك لى
الله يبارك لك ويحفظك |
حمليها خفيف
ووقت لا سمح الله تعيدها قولي لها في ميزان حسناتك يا رب انتي امنا الله يحفظك انتي وزوجك ويرزقك اخوه لابنكم يكونو بارين فيكم مثل ما تدين تدان |
ربنا يكرمك الحمدلله ربنا يسعدك انت وجوزك ويخليهولك وفعلا زي ماقالك ماتعتذريش لانك مش غلطانة ..بس ماتقلبيش معاها برضه مشي الامور كان مفيش حاجة والله دي امور بتحصل عند كل البنات مع حمواتها والحمدلله ان جوزك كويس ومتفهم وبيحبك ربنا يهديه عليكي كمان وكمان ويبعد عنكم كل شر
|
بارك الله لكم وجزاكم الله عنى خير الجزاء
امى جرين وسومه |
الحمد لله حمدا كثيرا ان زوجك انسان واعي ولايمشي ورى كلام امه
وهذه نعمه اصبري لاجل زوجك الطيب الصبر جميل في مثل هذه الامور ابتعد عن حماتك وكوني معها رسميه جدا ولاتشتكي كثيرا لزوجك مشي الامور الى ان يفرج الله عنكم لاتروحي لهلك ابقي مع زوجك |
مشكلة الحماة مشكله ازليه ليس لها حل الا الصبر
|
اه والله يا تاج ما فيش حل غير الصبر ربنا يرزقنا به
مشكوره على مرورك الجميل |
ابشركم اخواتى حماتى الفاضله لوحدها قالت لزوجى انها مسمحانى على ايه (لا اعرف)
والامور بقت كويسه لكن انا بقيت معها رسميه جدا وبمشى الامور عشان خاطر زوجى وصباح الخير يا جارى انت فى حالك وانا فى حالى وربنا يهدينا اجمعين |
اقتباس:
حاولي المحافظة على هذا السلام و مع الوقت ان شاء الله الزمن والنسيان بمحي اللي صار الله يهديها و يصبركم على برها آمين |
امييييييييييييييييين
مشكوره ماريا على دعواتك الطيبه |
الله يعينك على هالحماة بس أنا من رأيي إنك تروحين عند أهلك 4أيام على بال ماتهدى الامور وتسمعين كلام زوجك مرة وحدة باين إنه يحبك ومايبغى الامور تزيد وتسير هواشة وشوشرة الله يصبرك على هالحماة إذا كنت مظلومة أدعي عليها فإن دعوة المظلوم على الظالم مستجابة حتى لو كان كافر خذيها معلومة مني. |
اقتباس:
الحمد لله انها سامحتك على ذنب انتي لم تقترفيه اصلا ولكن انا اللي مستغربه من الجميع الحموات ليه يزوجو اولادهم قربهم تيراقبو الكنه ويستكثرون عليها نسمة الهواء بدل ما يفرحو ان ابنهم تزوج وسعيد لا ينكدو عليه مش عارفين انهم يقتلونه وينغصو عليه عيشته حبيبتي بدنا الاربعة ايام يكونو غير شكل للزوج الحنون وخليكي رسميه مع الكل مش حماتك فقط ما عاد حد تقدري تعطيه وج |
| الساعة الآن 08:20 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©