|
زوجتي وموضوع انتقالي الي مدينة أهلي!!
السلام عليكم ...
اسعد الله اوقاتكم اعضاء وعضوات هذا الصرح العظيم الراقي بطرحه واافكاره ومشاركاته وجزا الله الجميع كل خير... بداية عندي موضوع متعبني له شهر ..انا متزوج ولدي اربعة اطفال ولله الحمد عمري 29 واسكن الرياض من 10 اعوام اي قبل زواجي بسنه وكان سبب مجيئي للرياض حصولي علي وظيفة حكوميه وبعدها تزوجت واستقريت هنا.. الان اتتني الفرصه من عملي للنقل الي القصيم لاني كنت اطالب بالنقل ابي اكون عند اهلي امي وابوي واخواني واعمامي واقاربي..تعبت من الوحده والعزله مع اني اسافر لهم شهريا كل ويكند مرتين لكن خلاص مليت ولاعاد اتحمل وابي اكون بار بوالدي عن قرب اضافة الي اندماج اطفالي وخصوصا علي وجه مدارس بالصفوف الاولية وغيرها من الامور اللي راح اكسبها وتفيدني.. المهم ..زوجتي ومسالة تقبلها للنقل للاسف انها تضايقت وبكت وقالت انا مقدر ابعد عن اهلي من طلعت بالدنيا وانا جنبهم ..ومستحيل اترك وظيفتي مع انها قطاع خاص وليست حكوميه ..تناقشت معاها لكن دون جدوي تقول مابي النقل لو كان مايكون وصايره للاسف اغلب وقتها متضايقه وساكته لاتسولف لا تضحك والبارح اعطتني رساله كاتبه فيها كلام كثير وكله كان محاولة علشان اتراجع وقدمت تنازلات انا اصلا مارضيت انها تطلع منها بالشكل ذا ..بخصوص الراتب وعدم السفر والشغاله والطلعات للمولات وغيره وهالاشياء انا مابحرمها منها ابدا سواء حصل نقل ام لا..! شوروني لطريقة اقدر اقنعها او بالضبط في هالحاله وش السواة معها ولكم الشكر واي استفسار انا حاضر |
رد : زوجتي وموضوع انتقالي الي مدينة أهلي!!
مسكينة رحمتها ..
إنت الرجل تعبت من الوحدة والعزلة وتبي تنقل قريب من أهلك .. فما بالك بالمرأة وهي الاكثر عاطفية .. كيف لها مالم تقبله على نفسك ؟؟ هل وضحت لها ولأهلها قبل الزواج أنك في المستقبل ستنقل إلى مدينة أهلك؟ |
رد : زوجتي وموضوع انتقالي الي مدينة أهلي!!
يصير تسافر لوحدك حاليا؟
أنا أتعاطف مع زوجتك كثير حاول تتفاهم معاها و اقنعها انه المرة تتبع زوجها بطبيعة الحال يمكن تخاف تفقد حنان و دفء اَهلها اقل يمكن يمكن تخاف من الاحتكاك بأهل الزوج حالها حال اي زوجة او الأغلب اذا حسستها انك تغنيها عن كل شي راح تسافر معاك بدون نقاش راجع نفسك شوية و شوف |
رد : زوجتي وموضوع انتقالي الي مدينة أهلي!!
حاسه فيها لاني مجربه البعد عن الاهل متعب
وهذا انت مع انك رجل تعبت نفسيا فمابالك بالمرأه من رأيي قلها ماراح احرمك بكل اجازه تجين لاهلك وخلك على وضعك بكل شهر مرتين زياره وان شاء الله تجرب وترتاح |
رد : زوجتي وموضوع انتقالي الي مدينة أهلي!!
شرعا لايحق لك إجبارها اذا لم توضح لها من البداية انه ممكن ترجع للقصيم شي ثاني اي وحده مكانها بترفض خصوصا لما تنقل من مدينة مثل الرياض الى منطقه ابسط بكثير
بس طبعا كل شي بالتفاهم يصير ممكن تجيها بالسياسة وانك رح تخليها تنزل عند أهلها وتجلس معاهم بدونك وتضل عندهم وقت الاجازات |
رد : زوجتي وموضوع انتقالي الي مدينة أهلي!!
صعب جدا بعد البنت عن اهلها دمآر نفسي والله
يحق لها تحزن وتتضايق انت رجل باستطاعتك تروح لاهلك متى ما بغيت بس هي لا دايم مرتبطه فيك وفي ظروف عملك صعب انك تقنعها وان جات معك صدقني راح تتعب من تعبها وكلامي هذا عن تجربه |
رد : زوجتي وموضوع انتقالي الي مدينة أهلي!!
اقتباس:
|
رد : زوجتي وموضوع انتقالي الي مدينة أهلي!!
لا تنسى احتياج المرأة لأهلها أكثر من الرجل
مثلا في فترة الحمل والولادة والنفاس وغيره من الأمور اما انت كرجل تكفيك زيارة لاهلك على ما اظن أحاول تقنعها مو تجبرها علشان ماتتاثر علاقتكم |
رد : زوجتي وموضوع انتقالي الي مدينة أهلي!!
اقتباس:
تحملت بمافيه الكفايه ايجارات وديون وبعد مقر عملي 70 كلم خارج الرياض وفوقها ارتباطي معها بتوصيلها الي عملها وتوصيل الاطفال للحضانه وغيره من الامور المتعبه..انا اذا رحت هناك بستفيد وعيالي كذلك وراح يخف عني بعض الاشياء والاهم من كذا مسالة شراء البيت والاستقرار انا بنظري الرياض لاتنفع ابدا ابدا |
رد : زوجتي وموضوع انتقالي الي مدينة أهلي!!
أهلا أخوي ازمة هواجيس
أولا أنت لم خطبت زوجتك هل شرط عليها السكن في مكان معين ام لا ثانيا دامك تبغى تنقل من زمان ليش تزوجت من خارج مدينتك ثاثا من حق زوجتك انها ترفض مثل ما أنت تبغى تكون قريب من أهلك وهي كمان مثلك رابعا أنت رجل سهل عليك السفر كل ما أشتقت لأهلك دقيت سلف عكس زوجتك |
| الساعة الآن 12:30 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©