|
اسئلة عن النظرة الشرعية؟
بغيت اسأل عن النظرة الشرعية
كم مدتها في المتوسط؟ وهل تكون البنت في كامل زينتها او المفترض انها تكون على طبيعتها؟ وهل تغطي شعرها؟ والسؤال الأهم، بالنسبة لي كخاطب ايش افضل المواضيع اللي اقدر افتحها وقت النظرة الشرعية على اساس ناخذ ونعطي مع بعض واقدر اتعرف على اسلوبها وتتعرف على اسلوبي؟ وماهي افضل الطرق للتغلب على الارتباك والانحراج في مثل هذي الاوقات سواءا من قبلي كخاطب او من قبل البنت المخطوبة؟ ياليت نتعرف على تجاربكم المشابهه؟ شاكر ومقدر تفاعلكم مقدماً |
اقتباس:
الارتباك والتوتر شي طبيعي ولازم يكون موجود عندنا البنت تكون على طبيعتها بس في ناس تكون بكامل زينتها حسب بس انا افضل البنت تكون على طبيعتها احسن والطبيعي انو مارح يكون في كثير وقت تتكلمو في يعني ممكن لو هي بالمدرسة تسئلها لو تبغى تكمل دراسه او تشتغل ايش هواياتها يعني مارح تقدر تسئلها اسئلة شخصية يعني مواضيع عامه يعني انت بشكل عام ايش تحب يكون موجود بشريكة حياتك اسئلها وانا اصلا اتوقع مافي امامكم فتره طويله للتحادثو والبنت ممكن تستحي وماترد:d >>> توقع كل شي يعني الله يوفقك ان شاء الله |
طبعا يبين شعرها وتكون في وضع شبه متزينه يعني طبيعيه بس بتطلع لك كاشخه ومرتبه
كعادة البنات يحبوا يكونوا ملفتات للنظر ومصدر اعجاب الكثيرين من خلال اهتمامهم بانفسهم ومدتها على حسب العائلة بعضهم بيخلي البنت بمفردها مع الخاطب بس الباب مفتوح والاب واقف برع المجلس او انوا يروح ويجي عليهم وبعضهم تدخل وتعطيك عصير وتروح وبعضهم تجلس 5 دقايق وتروح ولازم تشوفها لانك بتكون في موقف محرج وبتخجل بس اعقد العزم انك رايح مشان تشوفها وبعضهم بتدخل معها مامتك انت واسئلها 1- والله اتمنى انو اليوم ناسبك وماعندكم ظرف وازعجناكم <_ يعني تسولف 2- ان شاء الله موافقه ومرتاحه للموضوع ؟ <_ هذا سؤال مهم عشان تعرف ردة فعلها في الخطبه 3- تخرجتي ؟ شو تخصصك ؟ عندك اهداف مستقبليه ؟<__ اذا قالت ايوا يعني هي طموحه وبس كده |
اقتباس:
بالنسبة لي أنا كانت مدة النظرة 10 دقايق أو أقل , وأنا أعتبرها كافية والحمد لله وفقني الله . أما كامل زينتها فلا ولكن تخرج لك بطبيعتها لكن بدون مكياج ساتر للعيب فإن فيه غشاً وتلبيساًو لا حرج في إخراج الشعر وما يظهر منها غالباً كاليدين والرجلين والذراع والرقبة ونحو ذلك . أما المواضيع : اسألها عن دراستها وتخصصها وكيف وضعها في الدراسة متضايقة ماشية أمورها .. وبعدين يمكن ما تعطيك فرصة تسأل وتتكلم لأن بعض البنات يغلبهن الحياء فلا تقدر أن تتكلم بكلمة واحدة , ولا تنظر إليك حتى .. وأنت تكلم بتوسط يعني لا تكن متحفظاً بزيادة ولا متفتحاً ... لأن بعض الشباب الله يهديه مثل (وجه ابن فهرة) يعني ما يستحي ويستخف دمه , (وهذا مثل مشهور _ على على الهامش) أما الارتباك فقد يحصل لكن قو ثقتك بنفسك وخذ لك نفساً عميقاً :) وتذكر أنها ستيصير زوجتك في المستقبل إن شاء الله وستتذكر هذا الموقف وتقول : كيف حصل مني ارتباك وخوف ؟ ما يمكن تتصور يعني خل الوضع عااادي لا تشيل هم ترى الأمر أهون مما تتصور |
الارتباك شي لا بد منه بس راح يخف بمجرد ما تتكلمون اما بالنسبة لزينة المراءة تكون على طبيعتها
بالنسبة للحديث اسالها عن تخصصها طموحها وعرفها بنفسك والله يتمم لكم على خير |
بارك الله فيكم جميعا ومشكورين على تفاعلكم واثرائكم الموضوع بالمعلومات القيمة
|
اخوي مقبل مافي مدة محددة للنظرة ووقتها بينتهي اول ماتعطيها هديتها هذا اذا انت بتقدم هديه يوم النظره يعني قدم هديتك واستأذن واطلع (هذا اذا ما سبقتك البنت) وبالنسبه للسوالف فبعض البنات الله يزيدهم حيا وعفه خجولاااات ولو تسوي المستحيل ماتنطق بحرف واحد فلا تتعب نفسك وتجلس تفكر ايش بأقول بس بأقولك شي مهم يوم تروح تنظر حاول قدر المستطاع انك انت اللي تدخل اول وبعدها يدخلوها عليك واذا جلست اجلس بمكان يقابل الباب بالظبط عشان لما هي تدخل تشوفها مضبوط لانها اول ماتدخل وتلمحك بس لمحه بتنزل وجهها الأرض (من الحيا طبعا) ومابتقدر تشوف وجهها وهذا من واقع تجربه وبالنسبة لكون البنت ع طبيعتها فأذكر اني كلمت امي وقلت لها تكلم عمتي ان البنت ماتحط روج ولا ميكياج ولا تسوي بنفسها شي يوم النظرة واني ابغى اشوفها زي ماتكون بالبيت كل يوم وراحت وقالتلها وقتها ردت علي عمتي رد افحمتني وقالت خلاص بس قولي لإبنك لا يحلق دقنه ولايتعطر ولايكوي ثوبه ولا يلبس شماغ ولا يسوي شي ويجي يشوف البنت الشاهد من هذا الكلام ان البنت مستحيل تكون ع طبيعتها ميه بالميه ولازم انها تهتم زيادة وتجمل حالها أكثر وهذا من ابسط حقوقها لان اللي بيشوفها بيحكم عليها من نظره وفي اقل من دقيقة او دقيقتين اسأل الله يتمملك ع خير |
بـ النسبة حق بلـدنا البحـرين الوضع مختلف شوي ..
يعني عادي إن النظرة تستمر من دقيقة فـ ما فوق عادي لو مثلاً خذوا 3 ساعات البنت مع اللي خاطبها وإحنا تكون لابسه حجابها وجذي .. ويقعدون مع بعض بروحهم ويكلمها ويسألها اللي يبيه واهيه بعد لازم تسأله اللي تبيه وياخذون الوقت اللي يبونه ويكونون بروحهم ما معاهم أحد .. اللهم لازم يكو نفيه شخص يدخل البنت على الولد وبعدها يطلعون ويخلونهم بروحهم وبس |
السلام عليكم النظره الشرعيه مالها وقت محدد فيه اللي دقيقه او اقل مثلي انا ! وفيه ناس اكثر ... يعني كلام اختي الورده زينب انو النظره الشرعيه بالبحرين ممكن توصل لثلاث ساعات او اقل شوي مناسب . بالنسبه للزينه اللهم ياكافي فيه من اللي تروح للكوافيره وهذا من رائي خطا كبير اعرف شباب طلقوا زوجاتهم ويقولون ((( انغشينا )) . يعني لو فيه ترتيب بسيط واناقه يكون احسن والله يكتب اللي فيه خير وخيره ... |
| الساعة الآن 04:36 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©