منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المطلقات والأرامل والمتأخرات (http://www.66n.com/forums/forumdisplay.php?f=36)
-   -   طليقي يكلمني (http://www.66n.com/forums/showthread.php?t=270611)

قسمه الأيام&£ 05-12-2016 12:41 AM

طليقي يكلمني
 
السلام عليكم
انا مطلقه من 7 اشهر وسنوات زواجي 5وعندي طفله وعند طليقي ماخذها ولا شفتها
سبب طلاقي ان زوجي كانت سفراته كثيره للعمل وكنت اجلس بالساعات لوحدي وكنت ادخل دردشات وقروبات وسوالف اعرف انها كانت خطا لكن كانت مضيعه للوقت
وطليقي كان مايتصل فيني او يراسلني وقت غيابه وكان انسان كتوم حتى لو يخرج للبقاله واساله وين بتروح يقولي قريب قريب تبغين شي اساله عن عمله عن ترقياته يكتفي بالصمت كان انسان جامد انا ماأبرر خطأي لا معترفه بخطأي والله يسامحني لكن اوضح لكم حياتنا
الي حصل اني تركت هالاشياء ومليت منها وانتهت وتبت لله
بعد مده طويله اكتشف زوجي الموضوع بسبب صوره كنت مصورتها من دردشه وكنت ناسيتها وليش صورتها كانت محادثه سوالف وضحك سالني عنها واعترفت على السريع وبهدوء فهمته غلطي وان هالشي قديم واني الان بنت عاقله وكارهه الشيء الي حصل وكان غفله مني
ماتقبل اعتذاري ورفض التفاهم وطلقني على طول واخذ طفلتي
هو راح وخطب وتملك على طول وتزوج كلها خلال شهرين
من فتره عدتي كنت اطلبه العوده هشان بنتي ويفكر فيها وبمصلحتها وهو على كيفه يتزوج ويشوف حياته وله حريه العقاب لكن يفكر بالبنت الي بينا
وكان رافض مره بس طول الفتره كان يقول احبك ومقدر اعيش من دونك وخليك قريبه مني وكنت متعلقه اننا بنرجع الين انتهت عدتي وتزوج بعد انتهاء عدتي باسبوع طلب مني مسامحته وانه يحبني لكن مايقدر يوجعني الحين ولا يحب زوجته الحاليه ولا متقبلها لانها على كلامه عصبيه وغيوره ونكديه
قلت طيب والحل يعني؟ قال ابيك تصبرين سنتين تزين احوالي الين اجمع فلوس افتح بيت ثاني
قلت مايحتاج طلق زوجتك قبل تجيب منها اطفال ضحايا قال لا ماقدر وهو يخاف من اهله كثير ماله شخصيه عندهم
قلتله طيب خلينا نتملك الين تزين احوالك
قالي مقدر توني متزوج لي شهر وش بيقولون اهلي واهلها؟!!!
للحين يكلمني عالواتساب ويطمن علي واسال عن بنتي كل يوم وكل يوم يسمعني كلام حب مع اني عاديه مشاعري له حنيني بس لينتي وشفقه لها
ووعدني انه يدلعني ويصحح اشياء كثيره بحياتنا بسببه وانا ماذكرتها احتفظ فيها

انصحوني ياناس انا بنت ضعيفه قلب ماعرف افكر مالي احد اكلمه واستشيره
كلام طليقي صحيح ولا يراوغ
ولا مايبغاني اتزوج غيره منه؟ ومايبي احد ياخذني؟
طليقي تغير كثير خلال طلاقنا اصبح انسان ثاني عاطفي رومانسي هاديء مثقف!!! هذي عكس صفاته الي عشتها معاه فارق العمر بينا 12 سنه وانا عمري الحين 24
اصبر ياناس وارجع له
ولا اشوف حياتي واتزوج وبنتي استودعها ربي ويحفظها

كلامي مخربط ماعرف اتصرف ارشدوني مثل اختكم

Rudi 05-12-2016 12:51 AM

رد: طليقي يكلمني
 
هو يمكن مشاعره صادقة لكن مع الوقت بتبرد لأنك معطيته وجه بزيادة
وبعدها بيمل منك و بيرجع لزوجته وحياته


اذا تحبينه ابعدي عنه يا اما يشتاق لك وفعلا ما يعيش بدونك ف يرجع لك وَيَا اما جالس يضيع وقته معاك ف فرقاه عيد
و تذكري من ترك شيئا لوجه الله عوضه الله خيرا منه


بعدين يا اختي لا تأخرين نصيبك عشان طليقك
اذا جاك الشخص المناسب وافقي .. هذا هو طليقك اول ما رحتي شاف البديل عنك


مشكلة الحريم قلوبهم مثل العصافير بسرعة تصدق و تثق
وإذا وعدها الرجال حست انه صادق وان الظروف أقوى منه

سديم الذكريات14 05-12-2016 06:32 AM

رد: طليقي يكلمني
 
اولا مايجوزكلامه معك بعد العدة يعتبر اجنبي ابتعدي عنه واذا يبغى يرجعك يعرف طريق اهلك
وبنتك ماتزورك وتشوفيها الله يفرج همك ويعوضك خيرا منه اذاجاك من ترضين دينه واخلاقه استخيري

روان . 05-12-2016 08:08 AM

رد: طليقي يكلمني
 
يبي يعلقك باوهام واحلام
حتى يضيع عمرك وماتتزوجي بعده
انتبهي
انتبهي
انتبهي
لاتسمحي له ابدا يتلاعب بمشاعرك
لا تصدقيه
دام طلقك وعدتك خلصت وراح تزوج
يعني بايع
الرجال شاف حياته
ومستكثر عليك تشوفي حياتك مثله
انسيه تماما
وفكري بمستقبلك
ولا تطلبي يرجعك
هو اذا بيرجعك يعرف الأصول ويدل بيت اهلك

الله يرزقك الزوج الصالح اللي احسن منه

بياض الديم 05-12-2016 08:27 AM

رد: طليقي يكلمني
 
نصيحة من أخت لا تتواصلي معه
سنتين يبيك تنتظريه عشان تزين أحواله وان شاء الله ما زانت .؟
لا وبعد اخذ البنت ويبي يربطك معه
شوفي نصيبك والله يحفظه يروح في حال سبيله

أنا مسلمة 05-12-2016 09:26 AM

رد: طليقي يكلمني
 
انتبهى يكون بيختبر عفافك و شرفك
لا تتكلمى معه ولا تعطيه مجال قولى له بيت أهلى مفتوح فى أى وقت تيجى حياك الله و أنا ما راح أرفضك لكن كلام و خرابيط لا

البيلسان 27 05-12-2016 11:26 AM

رد: طليقي يكلمني
 
انتبهي منه انتبهي
صار غير محرم لك لا يجوز التواصل معه في امور خاصه

om omar78 05-12-2016 03:20 PM

رد: طليقي يكلمني
 
أفيقي أخيتي..اتبعي اوامر الله يرزقك الله...الرزق بيد رب العالمين..والزواج رزق..قال ربنا سبحانه ( ومن يتق الله يجعل له مخرجا ويرزقه من حيث لا يحتسب) فاتركي عنك الكلام المحرم واتجهي إلى الله وأكثري من الاستغفار...ساعتها امورك بتزين بحول الله وأحسني الظن بالله...ولا تحسني الظن بمن خذلك ومنع عنك فلذة كبدك...هداك الله

ريماس 3 05-12-2016 03:29 PM

رد: طليقي يكلمني
 
لا تواصلين معه
و لاتثقين بوعوده ...

لو صادق وعنده ذمه وضمير مارسل لك رسايل حب وانت اجنبيه عنه


بعدين من جدك مصدقة ووعوده؟؟؟
تشوفينه ماعطاك بنتك وحارمك منها
لو يحبك من جد عطاك بنتك
ولو صادق ارتبط فيك ولا عليه من احد والرجل اذا حط براسه شي ماعليه من احد

فرضا صادق علشان ظروفه ..ليه تهرب وطلع اعذار مجرد ما ذكرتي له ملكه فقط بدون زواج؟

ناسية44 05-12-2016 04:07 PM

رد: طليقي يكلمني
 
كيف يتزوجك وانتي طليقته
الي اعرفه ان لازم تتزوجي واحد ثاني عشن ترجعي له ؟ ولا كيف ؟

عموما لا عاد تكلميه واذا جاكي واحد مناسب فهو خير وبركة اقبلي فيه واذا لا ف راح تشوفي صدق طليقك من عدمه .


الساعة الآن 10:51 AM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©