|
موسوعة مطاعم الرياض>> اجتهاد شخصي
جمعت لكم هالموسوعه
اللي عنده اي استفسار يسالني،،، انا كتبتها بنفسي وكلها زرتها ((قولووو ماشا الله)) اذا حابه شي كلاس ( شموع واضائه خافته واحيانا ميوزك اذا طلبتوا) يعني مرررررررره فخم بيكون سعره فخم ( ضخم) عندك 1- انتوريم < مطعم فرنسي خطير،، الشخص اقل شي 100 بس قمة الرومانسيه 2- هيديارد بالتحليه < اسعاره مرتفعه بس معقوله رووومانسي مره 3- سنترو بشارع التحليه <شكله فرنسي برضو وغالي 3-71 سفنتي ون ،، في برج المملكه >> معقوله اسعاره وفيه بلكونه تطلع على الرياض ترد الروح بس مافيه بارتشن 4-المطعم الايطالي اللي بنهاية التحليه >> الديكور مره رائع والاسعار شوي مرتفعه 5-ست الشام >> اكل شامي،، خصوصيه وديكور رائع شامي ووجيه تفتح النفس >ههههه امزح في ايام فيها بوفيه ،، الشخص ب 130 يمكن 6-دايموند الصيني في سوق لوكالايزر بالتحليه>> ممتع جدا وخاصه لو جابو لك وجبه تبنياكي مدري تمنياكي ههههه يخبطون بالصحن عندك لين يوجعك راسك واسعاره حلوه مره 8-سكويزيتو الايطالي فيه 3 مطاعم راقيه ماذكرتها لاني مازرتها بس اثق في ذوق اللي زاروها 1- الفيصليه القلوبل اتوقع مطعم فرنسي>> ناذره اني اذا نجحت اعشي اهلي فيه 2- سنتو بير سنتو 3- عبدالوهاب < شامي بالتحليه الدرجه الثانيه مطاعم حلوه مرتبه واسعارها حلوه بس ازعاااااااج 1- البيت الايطالي لاكازا> ديكور مرتب واسعار معقوله 2-الريف المكسيكي > اكلهم لذيذ مره وفيه خصوصيه بس ازعاج بزارين 3- الريف الايطالي 4-بيتزا فيوجن > صغير مره يمكن فيه 6 طاولات والديكور عادي مره بس حلو لعشاق البيتزا 5-ستيك هاوس -ابل بيز -تشليز>> نفس المتسوى والديكور والاسعار الاكل مخلط امريكي ومكسيكي وفيها مكان للعب الاطفال وفيها ازعااااج 6-سزلر هاوس اكلهم اتوقع ايطالي مرررره لذيذ واسعار معقوله بس الديكور عادي مره 7- بيتزا اروما 8-لافيلا بسنتريا >> احلا مافيه جلساتهم برا يعني تتعشين وانتي تتفرجين علي العالم 9- كوبر شندي الهندي < اللي شكله مثل مقصوره هنديه بالتحليه 10 - ابل بيز-تشليز- مطاعم ماراقت لي 1- الفيروز قاردن<< من المطاعم الراقيه ،ديكور حلو وخدمتهم احلا واكلهم كمان بس مشكلتهم اجبروني ادفع للشخص 150 وماكان مكتوب بالمنيو < وجه معصب وصرنا نكرر الاكلات اانا واهلي عشان نوصل للسعر الاجمالي اللي غصب علينا ندفعه تخيلو صارت طاولتنا تضحك لاننا كثار سلطاااات وشوربااات وجميع اللحم والدجاج بانواعه 2- الشريف حسن مطعم سوري بصراحه ماحبيته لان مفرش الطاوله كان معفط والتبوله كلها ملح والدجاج ماش ماعجبني احس مااستوا 3-نينو>> اكلهم حلو بس جلساتهم مااعجبتني ازعـــــــــــــــاج واصوات بزارين وبنات مراهقات يترززون ،، ماتشوفون الا ارواج والغره المسبله 4- مايا >> الكوفي كانه غرفه مره صغيررررر وقبل يفتح تشوفون الناس طوابير ( على السمعه بس) كل وحده تبي تكشخ وتقول لصديقاتها انا اكلت فيه،،، واحنا جالسين،،، ناس يطلون علينا من البارتشنات يشوفون متي بنخلص هههههههههههه وفيه وحده تطل وطاحت علينا وطيحت البارتشن ههههههههههه وسعنا صدورنا عليها وبالنسبه لاكله ماعنده زود 5- لامبرقيني اللي مسوينه على اسم ماركة لامبرقيني من جوا كل شي مثلث ولونه احمر واصفر وازعاج<< مااعجبني ديكوره الوانه مو مريحه للعين ومافيه خصوصيه واسعارهم احس غاليه هبرجر على شكل مثلث ب 70 5- اوشال>> شي شنيع مره 6- الشرفه >> اللي يبي ينتقم من احد يعزمه فيه مطاعم معقوله جدا واسعارها حلوه سرايا التركي مره رخيص صاحب المطعم شخص محترم ويقول انه مازاد ولاريال من يوم فتح المطعم اكلهم لذيذ بس اذا المطعم زحمه ،، بيتاخرون عليك وانواع االازعاج دي كيو>> حلوين مره اذا ماعندهم زحمه الكوخ الهندي>> مره رخيص بس حاااااااااااار احلا كوفيات الرياض:o لونيتور كوفي بالتشوكلاته بسنتريا ويطل على الرياض توتي كافيه >> احلا شي بالرياض< الديكور مجنون وكله بنات واسعارهم مرررره حلوه باسكوتشي>> اكلهم وقهوتهم حلوه بس لا تطلبون الكوكيز ولا تروحون ايام الاسبوع تي قاردن>> يعني حديقة الشاي عباره عن مكان فيه زرع وكذا وكراسي وطاولات ،، فيه خصوصيه |
4-المطعم الايطالي اللي بنهاية التحليه >> الديكور مره رائع والاسعار شوي مرتفعه
مطعم لولمبوو حلو بس اأفضّل مطعم روما وفيه مطعم بيتزا روما عندهم فوتشيني حلو ينهبلون عنده خواتي 2- سنتو بير سنتو رحت له مره واعجبني صراحة الاكل لذيذ يمي يمي 3- عبدالوهاب < شامي بالتحليه رحت له كذا مرة كويس بس فيه اأفضل 5-ستيك هاوس -ابل بيز -تشليز>> الافضل تشيلز وفي مطعم أوت باك بلوكلايزر بالتحلية أفضلة اكثر 9- كوبر شندي الهندي < اللي شكله مثل مقصوره هنديه بالتحليه أفضل مطعم هندي بالنسبة لي أكلة لذيذ مررة 1- الفيروز قاردن أكله حلو خصوصا المقبلات والكبة والسمبوسة او بف اللحم لكن مشكلتهم نفس ماذكرت لازم حد للفاتورة مع ان اول مرة رحنا لهم قالو لنا هالكلام بس طلبنا اللي نبي وكانت الفاتورة 360 تقريبا لـ 5 اشخاص 3-نينو كويس اذكر صاحبتي ناوية تعزمني فيه قالت لاتروحين له بعزمك انا وصار لها 3 سنوات ورحت له مرتين ولا شفت عزيمتها :) 5- لامبرقيني ماأعجبني صراحة لا من أكل ولا من اسعار سرايا التركي الاكل مو مرة بس السعر كويس دي كيو عادي توتي كافيه حلو المكان ويوسع الصدر بس الاكل مو مرة تي قاردن>> يعني حديقة الشاي يجنن مرررررررة رحت له ثلاث مرات وكلها صادف مطر اجواء رووووووعه الاكل ابدا مو حلو بس السلطة اللي تجي مع الساندوتشات حلوة وحتى الحلويات مو ذاك الزود هذا اللي رحت له .. مشكلة اللي ترد وهي جوعااااااانه بشوف لي عشااااء دسسسم بعد هالموضوع يعطيك العافيه |
سلام عليكم
ايدولجيه وسمايل بسالكم عندكم ببيوتكم مطابخ ولا مافيه :d ماشاءالله عليكم مطاعم الرياض كلها عديتوها ومريتو عليها برغم اني اجي الرياض واكل بالفنادق والمطاعم مااعرف مثلكم |
اقتباس:
يعافيك،، لازم نتعرف عشان نكمل على الباقي هههههه |
اقتباس:
ياخي ثقافه واستجمام مو بس بلع صدق ان وزني زاد:30: بس الرياض فيها غير الاسواق والمطاعم؟؟؟؟؟؟؟ |
مشكووورة يالغلاااا
افدتيناااا كثيييير والله يعطيك العااافية |
عطيتوني اسماء مطاعم وقهوات بحطهم في القائمة علشان اذا باشرت العل ونويت اطلع مع بنات خالي اعرف وين اعزمهم
بالنسبه للاسعار انا وزوجي وكمان اهلي عندنا قاعده ماتهم الفلوس عشان راحتنا وسعة بالنا والاهم ان الفلوس نحطها في مكانها يعني ماندفع مبلغ وفي النهايه الاكل او القهوه مو حلوة هذا نظامنا وناويه اعلم عيالي هذا النظام. تشيليز وكوبر شندني وستيك هاوس وفرايديز هذولا عشقي الابدي تسلمي حبابه على الموضوع النايس |
اقتباس:
شكرا لمرورك وتعليقك |
اقتباس:
|
جاء في بالي نفس سؤال الشيح مناحي قبل مااشوف سؤاله :d
عندكم ببيوتكم مطابخ ولا مافيه شكلكم نهائياً ماتكلون في البيت كل عندكم ثقافه واستجمام :d ياليت بعد ترفقون الموضوع بالصور لان عن جد روووعه ومميز الموضوع :22: خصوص للي مش من الرياض راح يكون له مثل مرجع الله يعطيكم الف عااافيه ووفقكم الله لكل خير.. |
اقتباس:
بس يختي كم مره بنعيش؟؟؟؟؟؟؟ وحده:22: فلنسمتع:17: شاااكره مداخلتك |
شكرا لموضوعك فعلا استفدت لان بعض اللي ذكرتيها مارحت لها- وحازيد من عندي للافادة
مطعم كرم بيروت في شارع التحليه مطعم جديد فخم جدا واكله لبناني الدبلومات في طريق العليا سعره معقول واكله ماعليه كوفي بلان في لتحلية رايق وحلوو جربت الفطور فيه وكمان اللي جمبو ليمون لافيدا في لتحلية مكان ولااروع بس مافيه بارتشن ونادر ماتلاقي رجال فيه اغلبهم بنات بس كله هدوء ورقي والاضاءة خافته والاكل عادي جدا لكن المكان:22: مطعم خلفف من الفيصلية نسيت اسمو هندي وصيني مع بعض يعني اختاري منيو صيني وهندي بنفس المكان اسعاره رخيصة وبرضو لذيذ |
....تسلمين على المجهود
|
بنسبه للمطاعم
فيه مطعم بسليمانيه خنفشاري مطعم مصري شعبي لمحبين الاكل المصري // الريف المصري / مأكولات مصريه شعبيه مطعم بصراحه على مستوى عندهم ملوخيه في الصميم بنسبه للكوفي توتي كوفي حلو مثل ماتفضلت ايدلوجيه بس فيه عيب البنات الي هناك مخربينها مرره فاتشات ودخان وقلة حياء :( انا مو حق كوفيات وكيذا بس اتوقع توتي كوفي احلى شي |
سبحان الله على اني بالرياض بس قليل جدا اطلع للمقاهي
اعرف بجده اكثر من الرياااااض .. |
يعطيك العافية
|
يسلمووو بارك الله فيك حبيبتي .,~
صراحه عمري ما رحت الرياض .,~ =) |
عليك بالعافيه :) ابد مامثل التغيير
موفقه عزوتي |
باسكوتشي>> اكلهم وقهوتهم حلوه بس لا تطلبون الكوكيز ولا تروحون ايام الاسبوع
اعشقه هالكوووفي يجننن يعطيكـ العافيه مجهوود تشكرين عليه |
وكمان فيه مطعم وكوفي بس نسائي بالرياض اسمو سانتوا جلساتهم مره حلوه ورايق المكان تاخذين راحت فيه وخصوصا انو في مجمع نسائي يعني بعيد عن زحمة الشوارع والاماكن العامه رحت لهم تقريبا اربع مرات لقيماتهم مرررره تجنن وطريقتهم في تقديمها وممكن تتصلي وتحجزي اذا كان معاك اكثر من وحده عشان تضمني تلقي مكان لو كان زحمة مره مع امي واختي ومره والله تعشيت مع صاحباتي كنا عشره قليله اقولك يجنن واسعارهم معقوله بالنسبه للمطاعم اللي برا بس الفرق تاخذين راحتك عندهم يعني تكشخي وروحي تشيلين عبايتك كانك في بيتك بس نصيحه اذا كنتي بتتعشين معاك اكثر من وحده اتصلي قبلها بيوم واطلبي عشان تلقين عشاك جاهز بنفس الوقت اللي طلبتيه لانو يكون عندهم زحمة احيان فيتاخر طلبك شوي وللامانه خدمتهم مره حلو وعلى فكره كل حاجه عندهم ايطالي صيني هندي واكلات عربيه عندهم الفتوش والسيزر ادمنتها مره لذيذه وكمان يعملون بوفيهات خارجيه ويوصلونها لحدك وزوجات انا عملت عندهم ذبيحه وطلبت يقطعونها وتكون لوحدها بدون رز مع مقبلات مشكله اخترتها وحلى للعشاء والقهوه وطلبت 5 جيك عصاير ووصلوها لي وزينو الطاولات وقيمة الطاولات يضيفونها للطلب والتزيين طبعا كانو حريم العيله كلهم موجوين وتورطت ماعندي طاولات وأسأليهم عن صور البوفيهات اللي عملوها والاطباق صراحه روعه وكمان ممكن يزينون لك الاطباق اذا طلبتي بورق شجر وورد حاجه تبيض الوجه ويعملون حفلات حتى يجيبون لك دي جي وكل حاجه بسعرها صاحبتي عملت حفلة ميلاد لبنتها عندهم قفلو المطعم بس لهم ب1000 غير الطلبات لو برى 2000 واكثر من غير الطلبات والجيب يفضى حطو بلالين وورد وشموع وجابو مهرجه وشغلات تانيه بس انبسطنا والله واخذنا راحتنا وممكن يعطونك افكار لمناسبتك اذا ماعندك حتى عيد زواجك ممكن تكلميهم قبلها بكم يوم ويجهزون لك كل حاجه زينه وطاوله وتطلبي انتي بوفيه صغير على قدكم انتي وزوجك بالبيت تمنيت اصور المكان تشوفونه بس ممنوع عندهم التصوير وبالتوفيق للكل يارب
موقعه للي تبغى تعرف الروضه مقابل بلديه الروضه مجمع يارا النسائي مطعم وكوفي سانتوا بالرياض |
يعطيك العافيه آيدو بس ماعليك آمر حبيبتي ابي مكان توتي كافيه وين بالضبط انتظر ردك ي قمر |
| الساعة الآن 01:06 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©