|
هل ألمح لأخته بأن يأتي لخطبتي؟
السلام عليكم ورحمة الله وبركاته
كل عام وأنتم بخير وتقبل طاعتكم .. حقيقة ترددت بالكتابة ,,لانه ولله الحمد أشعر أنه ماعندي مشكلة معينة وتهون عند مشاكل البعض عسى الله يفرج عليكم ويرزقكم من واسع فضله .. الزبدة مدري أحكي أولا /مدري كيف اوصل لكم كلامي!!! هذا الله يسلمكم الوالد الله يحفظه ,,كان دااايم يمدح شاب خلوق يتيم الأب أمه ماشاءالله ربته أحسن تربية وأخواني بعد نفس الشي يمدحونه وهو صاحبهم من الصغر يدرسون بحلقات التحفيظ ,,الوالد مشرف عليهم كان الشاب يحكي أنه والله كنت أحضر للحلقة على شان الريالات اللي تعطينا بعد مانخلص من الحفظ!! المهم بعد ماتخرجنا من الكلية درسنا بمنطقة غير منطقتنا هوأكبر مني بسنة لكن تخرج معي ,بعد التخرج يومياً بعد المغرب عندنا يجلس مع الوالد وأخواني وصاروا يتكلمون باأخبار البيت وصار عارف تقريباً كل شي عنا .. الوالد كان يعتبره واحد من أولاده ,خطب اخوه من عائلة هو جاء مستانس أنهم وافقوا على أخوه قام أخوي الله يهديه يلمز بالكلام غريبة وشلون وافقوا عليكم ,,مع أن الشاب واخوانه ناس محترمين جداً ,,مدري أخوي ليش قال كذا!! يمكن يقصد أنه أمهم أجنبية /على شان تصورون بالصورة بس ترا الوالد وأخواني متزوجين من أجنبيات ؟!! اللي بوصله لكم أنهم خلوني أعيش على أنه زوج المستقبل من كثر مايتكلمون عنه ,حتى أخوي دااايم يقول الله يستر من حب أبوي له يزوجه منا.. الحين صار يجينا بالسنة حسنة مع أنه بيتهم قريب منا ,,آخر مرة كنا طالعين استراحة عائلية وجاء بعد العشى ,,وبرمضان جاء يصلي بالمسجد هو وأخته الوحيدة أنا مااعرفها تدرس مع أختي بالكلية هي اللي قالت لي عنها ,,سبحان الله البنت من شفتها اعجبتني قلت بس نخلص صلاة بسأل خواتي ,قالت: بنت فلان!! هذا الموضوع الحين بستشيركم /أنا ماراح أصلاً اقدر اوصلهم ولا أعرف هو يفكر بي زي ماأنا أفكر فيه إلا عن طريق وحدة من صديقاتي تصير جارة أخوه تعرف من زوجة أخوه ,,بس مدري كيف افتح الموضوع لصديقتي لأنه بحياتي ماتكلمت ولا أحد يعرف بشعوري اتجاه ,,أقول اكبت أخاف اتكلم وانصدم انه ماني على باله ولايحزنون ..ولأني بنظر صديقاتي وأهلي عاقلة واستحالة أحد يسيطر على تفكيري ,,دائما أدعي أنه ربي ينسنيه ,,لكن للأسف كل مانسيته يطلع لي !!افيدوني جزاكم الله خير .. |
موضوعك هين ومايحتاج لتعقيد
شوفي تعرفي على اخته وصارحيها واذا يبيك بيجي يخطبك والا قولي لصديقتك مع اني ماانصح بذلك او قولي لأحد كبير وهو يدبر الموضوع مثل امك او اختك الكبيره |
لااا
لاتقولين لاخته ولا شي بيقولون وشي وسيعة الوجه هذي !!! مالك الا تدعين ربك وربي ان شاء الله بيسهلها عليييك .. والله يعطيك اللي تتمنين وزيااده :d |
اقتباس:
هلا فيك خيتو ,,تخيلي اسويها اكلم أخته صعب والله صعب .. حتى أمـــــــي صعب اقولها أنا الكبيرة اللي أكبر مني مو شقياقاتي.. اشكرك على تعقيبك .. |
انتي تعرفين مجتمعنا بس ما ادري اذا كانت والدتك اجنبيه يعني اخوالك اجانب واخوانك ايضاَ متزوجين اجانب يمكن يختلف الوضع عندكم شوي ونفس الشي الرجال امه اجنبيه
لكن في مجتمعنا العادي اذا كنتي سعوديه ، لايحق للمرأه ان تلتمس مثل هذه الأمور مع انها عادي الوحده تلمح لأي شخص عن طريق اهله او حتى عن طريق والدك ، هذا الشي عندنا عيب انا عن نفسي لو وحده بنفسها كلمتني وقالت لي اني احبك ومن هالكلام اعتقد اني بتقدم لها على طول لكن هذا لا يعني اني ادعوك لمكالمته لا والف لا لكن مثل ما قالوا الأخوان ادعي ربك الله يرزقكياه زوج |
اقتباس:
هلا فيك خيتو ,,صدقتي وهذا الي أنا خايفة منه .. ربي يفرجها عليك ,,ماتدرين وشكثر كلمتك اثرت فيني مالك الاتدعين ربك ,ونعم بالله .. بارك فيك.. |
اقتباس:
صحيح كلامك عن مجتمعنا ,,لكن وش نقول حنا كل شي حلال للولد والبنت حتى الحلال يصير بنظر البعض حرام الله المستعان.. تذكرت سالفة على الطاري ,,مرة كنت ارتب مع أبوي اوراقه ولافيه ورقة فيها عنوان أنا ماانتبهت ولا يقول لزوجته تذكرين وش هذه ؟! جلست تضحك قالت :هذا العنوان الي اعطيتك اياه أول ماتعرفنا على بعض .. أنا الحمدلله مااشك باابوي وهو تزوجها لظروفه وظروفها ,,بس قعدت افكر لو وحدة منا سوت هالشي وش راح يكون موقفه منا ,أنا مترددة افتح فمي بشي مع انه دايم يقول :مافيه شي اذا وحدة عاجبها شخص تقول لي !! بس أنا أخاف هذا بس كلام يبي يعرف وش عندي ,,وكم مرة اضغط على نفسي واعاهد ربي أني ماابيح سري .. لا إن شاء الله لو اقعد طول عمري من دون زواج ولاارمي نفس على أحد أعيش بكرامتي أفضل لي .. جزاك الله خير على دعواتك ولك بالمثل.. |
اولا استخيرى الله عز وجل فيه لكى يقدر الله الخير اما بان ينير بصيرته ويعلم بما فى قلبك ويتقدم لك او يصرفه عنك اما كيف يعلم بمدى تعلقك فهناك عدة طرق مثلا يمكن ان ترسلى له رسالة من رقم لا يعلم به احد فقط تقولى بنت فلان انسانة فيها الخير فأستخر الله لكى تتقدم لها هذه نصيحة لله عز وجل او يمكن ان تتعرفى على اخته وتبدأ فى الحديث معها وفى انه يتقدم لك شباب ولكنك لم ترتاحى لهم وربما هى تخبر اخوها واذا كان يريدك فأقل شىء سيجعل اخته تجس نبضك ولكن احب ان انبهك لاخت لنا جاءت تشكوا انها احبت صاحب اخوها وانتظرت الى ان وصلت الى الثلاثنين وعندها قامت صديقة مقربة لها بألاتصال به لكى تلمح له بأن فلانه تحبك وتريدك ولكن قال هى مثل اختى ولا افكر فيها ابدا كزوجة وهى نادمة انها ضيعت عشرات الفرص الجيدة جدا وهى تظن انه يريدها ويحبها لذا لا مانع ابدا من التلميج له لانه ربما يشعر انه لن يقٌبل به اذا تقدم لذا اعرض عنك ولكن مع التلميح سيزيل هذا الحرج من قلبه ويجعله يتجرأ على التقدم لوالدك ولكن اذا تم التلميح وهو لم يتقدم رسمياً فأنسى هذا الامر فورا وانتبهى الى نفسك واقبلى بمن تجدى فيه الزوج الصالح ذو الدين والخلق |
اقتباس:
ولي تعليق بسيط على العنوان .. ليس الخطأ انك تحبين لان هذا الشي لا شعوري ولكن الخطأ هو انك تنساقين مع هذا الحب وتسلكين الطريق الخطأ .. صح ؟؟ اقتباس:
الله ينور عليك ويزيدك من فضلهـ .. |
اقتباس:
حياك الباري أبو مريم دخلت براسي فكرة انه ارسل رسالة ..لكن عندي سؤال الحين أنا وشلون اجيب شريحة من دون مايعرف صاحبها لأني مااطلع ولاأصلاً اعرف كيف يحصلون عليها !! احس قلبي يعورني وأنا مانفذت شي ’الله يخليكم شوروا علي ,لأني مااحسن التفكير من خوفي . |
| الساعة الآن 06:22 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©