|
بدايتها جوال ونهايتها مصيبة (حُلت المشكلة 131)
السلام عليكم ورحمة الله وبركاتة ان شاء الله الجميع بخير في احد الايام من شهر شوال 1431حدث مالم يكن بالحسبان دق الجوال الساعة 10 صباحاً رديت انا الو البنت هلا انا مين البنت اسف غلطانة كنت ابي ادق على خالي دقيت عليك بالخطأ انا لا عادي البنت مو مشكلة وسكرت الخط تكررت الحركة ثلاث مرات تقريباُ في غضون اسبوع وكل مرة نفس العذر ولاكن المرة الاخيرة قالت ماعليش اخوي ازعجتك رقمك يشبة رقم خالي بس فرق رقم قلت معقولة قالت وهي تضحك تبيع رقمك قلت لا والله و شوي شوي الى انا أخذتنا السواليف الين ارتحنا لبعض فصارت علاقة ولاكن تطور الامر وصارت المكالمات يوميا وصرت اشكيلها عن وضع زوجتي وبيتي و عطيتها كل خصوصياتي وانا انسان عندي هموم مثل كل الناس وصار لنا اكثر من فترة على الوضع والى قبل يومان حدثت المصيبة وهي اني قررت الانفصال بسبب كذبها وبسبب اخر فيوم الاربعاء الماضي الساعة 7 صباحاكلمتني وقلت لها خلاص انا قررت الانفصال قالت لماذا فقلت بسبب كذبك وبسبب اخر فقالت انا احبك وما راح اترك وبكت قليلا وقالت انا اعرفك راح اسأل عنك من بعيد واخذ اخبارك اذا تخليت عني **تفاجأت بكلامها فقلت كيف تأخذين اخباري من بعيد فقالت انا قريبه منك واعرفك واعرف زوجتك واخواتك انا انصدمت وصمت قليلا فقلت من انتي لا تلعبين باعصابي قالت راح اقولك بس مو الحين قلت لا الحين قالت اخاف من المجهول وما ادري وش ردت فعلك قلت اوعدك اكون هادي واخذ الموقف بكل سلاسة فأصرت على تأجيل الموضوع بعد اسبوع بسبب عدم استعدادها نفسيا للموضوع المهم بعد مفاوضات دامت ساعة تقريبا قالت انا وحدة من جيرانك وانا عندي اثنين من الابناء هاة عرفتني ففكرت ولم استطع التفكير بسبب صدمتي من الموقف فقالت المصيبة الكبرى قالت انا وحدة من حريم اخوانك اقسم بالله يا اخواني انصدمت صدمة قوية جدا وعم الصمت دقيقة تقريبا بدون كلام ابي استوعب الموقف قلت مو معقولة اكملك الفترة هذي كلها وانتي مرت اخوي قالت انا فلانة و انا احبك من العام بسبب مدح اختك عندي كثير وبصراحة صرت اراقبك كثير وعن قرب ويوم عرفتك تعلقت فيك والله اني احبك وبكت قلت خير ان شاء الله روحي نامي الحين وبعدين اكلمك فقالت وهي خايفة راح تعلم احد قلت لا وراح اكلمك مساءً و سكرت الخط ودخلت في دوامة تفكير صرت اسهى في الصلاة وطول اليوم ساهي بعيد عن الناس عايش معهم جسد فقط وتعبت نفسيا كثير فكلمتها في نفس اليوم باليل لأستوعب الموقف فبعد السلام قالت انا ما نمت ولا اكلت افكر وش ردت فعلك فقالت انت الحين تحبني وإلا كرهتني قلت والله ما اقدر اعبر عن شعوري الحين لأني ما اقدر افكر بس عطيني وقت وراح ارد لك خبر في غضون ايام قالت اذا ما تبيني قلي عادي ماراح ازعل بس لا تقول لأحد لأني خايفة وشكلي تهورت يوم قلتلك من انا قلت لا حلو انك قلتيلي من انتي على اساس اعالج المشكلة قالت خلاص انا في انتظارك لا تطول علي قلت ok باي وانتهت المكالمة ارجوكم ابي حل عاجل يخلصني من المشكلة وقفوا معي هذي المرة بس الله يخليكم |
حل لايش يااخي
انت تبي حل عشان تلاقي طريقة للابتعاد عنها ولا حل عشان تعرف اذا تحبها ولالا ياريت توضح حل لايش بالضبط؟ |
اللي يخون مره يخون مرات
وانت واللي تفهمه عاد |
أقولك الحل ....... روح كلم أخوك وقوله انا كنت أحب زوجتك .......
كيف شعورك الحين بعد نصيحتي لك ؟؟؟؟ معقول لا زلت محتار وتسأل عن جواب ؟؟؟؟؟؟؟؟؟؟ انت تعرف انه موضوعكم لو انكشف بيخرب فيها بيوت مو بيت ولا اثنين ؟؟؟؟؟؟؟ تخيل موقف والدك ..والدتك .. حتى لو ما كانوا احياء بينا .... شنو بيكون رأيهم بابنهم .. ما أقول انه تربيتك غلط لا سمح الله ...لكن والله موقف لا يشرف اطلاقا ...اسمح لي أكون صريحة وانت اللي يسأل ويطلب النصيحة ... ومافي أي ظرف ممكن يبرر لعلاقة مع اخرى مجهولة اذا متضايق من زوجتك .... نعم مجهولة حتى لو قالت لك انها زوجة أخوك .... افرض انها لا زالت تكذب وهي بائعة هوى مثلا أو اخت زوجتك أو زوجتك نفسها ؟؟؟؟؟؟؟؟؟ أخي ....وقف اتصالك فيها نهائيا .... اذا تحب أرسل لها مسج بأنك نويت الستر عليها وعليك وبس ....لا تزيد ولا كلمة ولا ترد على اتصالاتها وانساها ..... حاول تصلح حياتك مع زوجتك ... وأصلح من أحوالك مع رب العباد ....استعين بالله على نفسك الامارة بالسوء وعلى شيطانك ...أكثر من الاستغفار ومن قراءة القرءان ومن الدعاء بنية أنه ربنا يربط على قلبك ويبعد عنك هوى نفسك ويبعد عنك الزنا ...فالزنا له صور مختلفة فالاذن تزني والعين تزني ... اللهم اغنه بحلالك عن حرامك وبفضلك عمن سواك واعف عنه وارض عنه وأعنه على نفسه |
أنت خايف.. منها ..
صدقني هي خايفه أكثر منك.. الحل أبعد عنها .. غير رقمك.. ركز على بيتك وزوجتك.. الله يهديك.. وصدقني مايجي من وراء هالحركات الا المصايب.. وخلي هذا درس لك .. بس لا تنساه.. |
من جد أأنها ماتستحي ((شين وقوي عين ))
زوجة أخوك !!! متزوجه وتسوي هالحركات !! ومع مين مع أخو زوجها ؟!! حسبي الله ونعم الوكيل ماأقول غير الله يكون بعون زوجها والله يكون بعون زوجتك |
اسمح لي ، هذه انسانة وقحة و إنت بتستمر في الموضوع ؟
و كيف تشكي عن زوجتك لأي وحدة تعاكس بالتلفون ؟ و يوم عرفت إنها زوجة أخوك .. فين شرف العيلة و شرف أخوك و زوجتك اللي ائتمنتك ؟ إيش تبغى بالضبط ؟؟؟؟ لسى مستمر معها ؟؟؟؟؟ جابت ولدين من أخوك و ما تخجل على نفسها تكلمك من وراء زوجتك ؟ ليت أخوك يدري عنها و عنك و لا أحد من أهلك شكلكم بتعملوا دراما جديدة ؟ مهند و سمر ؟ هذه نهاية الأفلام التركية :29: |
أللي أبغى أعرفه أنت تبغى حل لأيش ؟؟
يعني خايف تفضحك ؟؟ لو فضحتك رايحه تنفضح قبلك أكيد !! لكن المصيبه لاتروح تتبلى عليك وتقول انك أنت أللي ملاحقها وأنت أللي داق عليها ماتدري يمكن لاتحبك ولاشي بس كانت مخططه لشي الله وحده العالم لأن جرأتها جداً غريبه والأدهى أنها أعترفتلك هي مين ماأدري أيش هدفها من هالأعتراف !!!! واللي مستغربته كمان انك بعد ماعرفت كمان مستمر معاها وتدق عليها وتكلمها !!!! يعني ماهمك أخوك ولافكرت فيه ؟؟!! ولا صح أللي مايخاف من ربه أكيد مابيردعه أي شي يعني انت ماقطعتها ألا لأنه كذابه وشي ثاني مو لانك عارف أنه ذنب وخوف من الله أذا انك صادق الله يعينكم على أللي جاي سواء بالدنيا او بالآخره بالذات أن كان لك نيه أنت وياها بالأستمرار ! |
أعوذ بالله من غضب الله أخوي وباقي كمان بعدماعرفتها تدق عليهابعد أنت صاحي ياخوي ولا منت بصاحي أنت الموت بعينه الحمو الموت الحين لو إشتكت لزوجها وعلمته عنك وقلبت السالفه عليك وش بيكون موقفك عند أخوك وأهلك وبين الناس وترى الحرمه
هاذي مادقت عليك إلا إنها عارفه إن وضعك أنت وزوجتك فيه هشاشه وتبغى تزيد النار حطب وبتخرب بيتك أنت من الأفضل إنك تبعد عنها نهائيا وغير جوالك وأهتم بزوجتك وبيتك هاذا شئ مايبغى له سؤال ولو أزعجتك هددها قول لها تراني بدق على أخوي وأقوله عن حركاتك ولوعندك رسايل لها هددها فيها بأنك راح تفضحها ياخوي عجل وخارج نفسك قبل لايقع عين زوجتك على رقمها أو رسايلها وتعرفه وتصير لك فضيحه عند أهلك وجرح لزوجتك مايندمل وكل مازوجتك تشوفها أو تجتمع فيها بتصير فضائح وبلاوي وكلهاعلى راسك أنت كيف بتكون صورتك بين أهلك حتى لوكانت هي الباديه المفروض أنت ماتسايرها حتى لو ماكانت زوجة أخوك وأنتبه الشيطان لايلعب عليك وتستمر على هاذا الطريق تراه طريق مظلم وأتقي الله في نفسك وأهل بيتك وأتقي الله في عرض أخوك إبن أمك وأبوك هاذا أخوك من لحمك ودمك وين المرؤه والشهامه إللي فيك والوفاء لزوجتك أم عيالك يا أخي كل الأزواج عندهم هموم ومشاكل بس يستعينوا بالله عليها حتى لو أتصلت عليك بنت ليش تفتح معاها الطريق وتاخذوتعطي معاها تفضح أسرار بيتك لإنسانه غريبه عنك بدل ماتفتح قلبك لزوجتك وتصلح أمورك هداك الله وأصلحك وغفر لك وسامحك على ما أقترفته في حق نفسك وحق زوجتك . |
اخوك هذا لحمك دمك
مهما صار هذا اخوك , عرض خوك من عرضك شرف اخوك من اخوك اقولك شي استر علية بس قول له اخبار لها وسجل له بهاتفك كلمها عشان اذا في يوم حبت تعمل لك مشكلة تواجها بيها |
| الساعة الآن 08:36 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©