|
اشك في زوجي انه يكلم بنات
السلام عليكم ورحمة الله وبركاته
زوجي من فتره تقريبا اسبوعين او 3 و هو كل يوم الساعه 12 في الليل يقعد في مكتبه و يتكلم بالجوال و انا طبعا ممنوع ادخل هالغرفه لانه يدخن فيها و دايما الاحظ الساعه 12 او 12 و نص يتصل او يجيه اتصال من "عبد العزيز" يرد قدامي عالاتصال : "هلاااااا عبد العزيز شلونك؟... دقيقه..." و يروح المكتب دايما جي اذا اتصل له عبد العزيز فقمت اشك فيه و الله ما اعرف شاسوي مره قلت له قول لعبدالعزيز عيب يتصل في الليل و انت متزوج قال :صغير شعرفه (هو يقول ان هذا ولد عمه عبد العزيز بس انا مب متطمنه اتوقع يكلم وحده و يسميها عبدالعزيز على انها ولد عمه) بليييز ساعدوني ما اعرف شاسوي اشوف مكالماته زادت نص الليل و يطوووووول في المكالمات و هاي مب من عادته |
الحين هو مش موجود في البيت و اتصلت له خلال نص ساعه 3 مرات و دايما عنده خط
اول مره رد علي بس بعدين ما رد و الحين الساعه 1يعني من 12 و نص و هو يتكلم بالتلفون |
الله يعينك يالغاليه
ويسخره لك لي عوده بإذن الله |
فكري اول شي وش التصرف السليم اللي يناسب زوجك اذا كان فعلا يكلم بنت ..
اهم شي لا تتسرعين وخليك بنت حكيمه .. ترى هالمواضيع حسااااااااسه جدا .. وتأكدي ان راعي هالحركات ينكشف بسرعه الله يوفقك ويستر عليك.. |
رد البيت و على طوول راح المكتب و دخلت عليه لقيته ماسك التلفون
و بشوفه الحين شكلي بطلع اللي بقلبي ما اقدر استحمل بلييييييييييييز انصحوني بسرعه ما اقدر انطر اكثر من جي لازم اتفاهم معاه علموني شاسوي |
مشكورين عالرد و بانتظارج اخت جينز
اخ طفل ما اقدر افكر احس قلبي يعورني انا بس اتمنى ان اللي في بالي ما يكون صح مادري شبتكون ردة فعلي اذا تأكدت من الموضوع |
اقتباس:
هدي الامور شوي ,, وبعد وش بتكون ردة فعله عليك اذا كان فعلا يكلم ولد عمه .. نصيحه اختي خلي الامور تمشي طبيعي الى ما تتأكدي بدليل قاطع انه فعلا يكلم بنت .. بعدين تصرفي بحكمه .. ترى الشيطااااااااااان يدخل بهاللحظات ويصير شي ما تحمدين عقباه .. |
بذمتك بيكلم ولد عمه هالكثر اكثر من اسبوعين
و ولد عمه عنده مدرسه صغير عمره 15 و زوجي 27 و اذا ولد عمه ليش يتهرب توه مخلص من المكالمه من 12 و نص لين 2 و هو يتكلم |
اذا طلع من المكتب بسأله كنت تكلم من هالكثر
و اكيييد بيقولي مب شغلج بس خله يحس |
لا
لا تفاتحينه بالموضوع علشان ماينقلب الموضوع عليك حاولي تشغلين وقت فراغه وتحسسينه باهتمامك وحسسيه باحتياجك له غيري من نفسك شوي انا عارفه انك مشغوله بعيالك ياقلبي والحمل بس معليش غيري من الروتين اليومي يعني من الاخر اشغليه واملاي وقت فراغه علشان ما يلتفت لهذه الاشياء\ |
سهلةاستغفليةاذادخل الحمام خوذي ورقةوقلم واكتبي رقم عبدالعزيزواتصلي من اي جوال واحد من اخوانك او اي جوال المهم لاتتصلي من جوالك علشان مايعرف رقمك صارت معي بزوجي ترا الرجال مالهم اما وانا اختك خوذي بالك
|
اختي الله يعينك
بس مو معقول هي السالفه سالفه ولد عمه انت خذي الرقم من موبايله واتاكدي وبعدين اتفاهمي معه بس لا تعصبي ولا تقولي انك اخذتي الرقم حاولي انك تبيني له انك مو مرتاحه لهالاتصالات اللي بهالوقت وان هالوقت يكون الرجال فيه مع زوجته او حاولي انك قبل هالوقت تكشخي وتلبسي وتلهيه بنفسك واذا دق الجوال حاولي بدلع انك تخليه يطنش ومع الوقت صدقيني راح ينسى هالسالفه |
انا مع الي قالو الهيه بنفسك .. يعني تكشخي
بس لا تبينين انك حاسه انه وراه شي بعدين يقلب عليك ويعطيك على بلاطه بس بيني له انك محتاجه له موووت .. وبيستحي من نفسه الله معك وان شاء الله تسمعينا اخبار طيبه |
ما اعتقد انه واحد في عمر زوجك يكلم واحد في سن 15 هذا كلام صراحة ما يدخل العقل
وانتي تقولي انه يطول معاه في الكلام بصراحة انتي لازم تتاكدي من الموضوع والله يعينك |
مشكورين عالردود
بصراحه انا فاتحته بالموضوع مع ان الوقت متأخر و وراه دوام بس قلت له انا ابيك في سالفه بكره، اي وقت يناسبك ؟ قال لي تكلمي الحين بكره بكون مشغول و ما بفضى الا في نفس هالوقت (وقت النوم) قلت له بصراحه انا متضايقه منك و في موضوع انا متأكده منه بنسبة 99% و قلت له انا عندي احساس انك تكلم بنت نص الليل لان كل يوم في نفس الوقت اتكلم بالتلفون و مب من عوايدك تطول و لاحظت عليك هالشي من اسبوعين قعد يضحك و يقول ليش تسألين؟ يعني شالسبب؟ عشاني زوجج و لا عشانج تغارين علي قلت له لانك زوجي و حبيبي و اغار عليك بس بشكل طبيعي قال بشكل طبيعي خلاص ما برد عليج قلت له اغار واااااااااااايد لدرجه اني ما اقدر انام و احس قلبي يعورني قال انتي تعرفيني ما اعرف اكذب لاني ما اخاف من احد و اقولج اللي كنت اكلمه ريال بعد مب ريال كبير ياهل عمره 15 (طلع ولد عمه ) قلت له ليش هالكثر تتكلم معاه قال هو دايما يسهر الليل و يواصل و يروح المدرسه و لما يرجع من المدرسه ينام يعني نظامه متلخبط و يقول انه وااااايد يسولف و ياهل ما يعرف ان المتزوج عيب يتصلون له نص الليل بس اقولكم بصراحه انا فاتحته لاني اعرفه ما راح يكذب علي عمره ما كذب بس انشدت اعصابي لما شفته يتهرب من الاجابه قلت اكيييد هو يكلم بنت و ما يبي يجاوب عشان ما يكذب بس حلف لي انه ما يكلم و لا بنت بس قالي اكلم بنات في الشات!! انقهرت بس انا اعرف هالشي من قبل اعرف انه يشوف افلام اباحيه في النت و مره شفته داخل شات و فيه صور بنات بملابس داخليه بس تعبت ما اعرف شاسوي معاه ادمن على هالاشياء |
بالنسبه اني اشوف جواله
حاولت كذا مره بس ما اقدر عليه باسوورد ما اقدر افتحه احس ان فيه بلوتوثات بلااااااوي و يمكن بلاوي ثانيه عن التكشخ و الله اكشخ و اليوم بالذات كاشخه حدددددي كنت ناويه اسوي له حركات بس من بعد ما شفت عنده الانتظار انقهرت و كنسلت كل اللي كنت مخططه له و اليوم اول مره ألبس عدسات ملونه و طالعه كشخه مع ميك اب خفيف بس بودره و كحل و ماسكارا و غلوس و بيجاما يديده ورديه و كيوت (ما قدرت ألبس قميص نوم عشان لو كان تعبان ما يجهد نفسه عشان خاطري) و دايما اقوله مشتاقين لك اقعد معانا و ادلع و انا اكلمه و اشوفه مبتسم و انا اكلمه يقول و الله وراي شغل و يبوسني او يبين لي انه يحبني و انا اعرف ان عنده شغل واااااااااايد ما ينتهي بس اللي يقهرني انه اذا رد البيت قعد يتكلم بالجوال و بعدين يقول امشي ننام يعني حتى ما في وقت نسولف مع بعض ما ادري اصدقه و خلاص ولا شاسوي؟ المصيبه ما اقدر افتح جواله ما ادري اذا اقدر اشوف فاتورة جواله؟!! يصير و لا لا؟ اني اطلب فاتورة هالرقم مثلا؟ |
اقتباس:
قلتلك لا تستعجلين , بس كويس رجلك طلع حكيم شوي,, لو واحد ثاني صدقيني ممكن ما يعديها على خير .. بس شوفي !.. بالنسبه للأفلام الاباحيه وهالخرابيط ,, صدقيني هذي امرها سهل ان شاء الله ممكن يخليها بسهوله ... والحل بيدك انتي طبعا .. اول شي خوفيه من الله .. بعدين عوضيه قد ما تقدرين بالفراش ,, اشبعي كل رغباته في حدود ما احل الله سبحانه.. خليه يحس انك احلى وحده جنسيه ,, تفاعلي معه بقوه ,, وبدون ما يحس ان فيه تصنع منك .. لا تخلينه يجلس كثير لحاله ,, عند التلفزيون اجلسي معه وعند الكمبيوتر اجلسي معه ,, بس حاولي انك ما تصيرين ممله بالجلسه معه ,, بتشوفين إن شاء الله وشلون يبدا يكره هالاشياء .. الله يوفقكم ويسعدكم |
اقتباس:
بس و الله هالافلام الاباحيه مشكله كبيره حاولت معاه و ما تركها لقيت قنوات في الدش و مسحتها بس المصيبه في الكمبيوتر الكمبيوتر عليه باسوورد مره عرفت الباسوورد و شفت بلاوي و غير الباسوورد من الناحيه الجنسيه كل شي الحمد لله اوكي احاول قد ما اقدر اني اشبعه مع اني حامل و قالت لي الدكتوره لا تكثروا من الجماع بس و الله كل ما يطلب او يلمح اتفاعل معاه سالفة التخويف من الله و العذاب و هالسوالف هو عارفها و انا واااااااااايد مستغربه منه لانه يسمع اشرطه دينيه و يشوف برامج دينيه و ثقافته الدينيه احسن مني بس ما يـــــــــــــصـــــــــــــــــــــــلـــي و الله حاولت معاه بكل الطرق بالزين بالشين بالحنه بكل الاساليب مره قال لي انتي اول ما تزوجنا كنتي دايما تحثيني عالصلاه و تذكريني شفيج الحين ما تذكريني ذكريني بالصلاه و ان شاء الله ابدا اصلي و والله اذكره و احن على راسه قوم صل و حتى اذا كان محد اتصل له اذكره بس في النهايه نتهاوش و نبعد عن بعض شهر و طوووول ما هو في البيت اقعد معاه اشوف البرامج الممله اللي يشوفها شاعر المليون و البرامج الوثائقيه و استحمل عشان خاطره بس عند الكمبيوتر ما اقدر اقعد عنده لانه في المكتب يدخن |
اقولك شي بالبدايه تفاعلت مع قصتك بس من عند اهو ما يصلي اقولك الي مايخاف من الله خف منه صدقين لو كان يحافظ على الصلاه لنهته عن كل فحش ومنكر ادعي له بالهدايه ولا تياسي وتاكدي انه يوجد حكم انكي اسمحي لي لا تحلين له اذا ترك الصلاه لانه يعتبر كافر واسالي عن الحكم الله يسهل امورك ويهدي زوجك
|
يا اختي اهدي شوي... وانتي كلميه او اصبري حتى تعرفي ولا تستعجلي وتخلي الشيطان يخرب مزاجك.. ولو كان يكلم بنات .. صارحيه وخليه ما يكلمهم أو خليه يشترك في منتدى او يعمل تشات مع بنات هيك احسن.. وطبعا تشات محترم مش غزل ومغازلات..
|
اقتباس:
|
اقتباس:
يعني انا متزوجه كافر و هالشي حرااام بس بينا عيال 2 و واحد في بطني اخر مره زعلت منه (عن شي غير الصلاه) و كنت ابي الطلاق و تراضينا بس قلت له ما ارد لك الا اذا وعدتني انك تبدا تصلي قال انتي ذكريني و انا بصلي و السالفه يبيلها صبر لاني مب متعود مشكورين عالردود |
الله يهدي بالك أختي وتأكدي ان المشاكل تبتدي من شك فلا تتسببي على نفسك بمشاكل وأنتي في غنى عنها أدري المسألة صعبة بس أتحملي وبدال ما تقعدين تفكرين يكلم منو و تزعلين وتكبر المسافة بينكم أتقربي منه اكثر وعطيه الحنان اللي يبيه وسمعيه الكلام الطيب اللي يشرح النفس بحيث انه اذا اذا كان عنده خرابيط يحس بتأنيب الضمير و يرجع لك احسن ودايم أسغفري اذا وسوس لك الشيطان والله يسخر لج قلب زوجك..
|
يا اختي بصراحة مدري اش اقول لك لكن زوجك أمره غريب وانتي اغرب منه يعني انتي عارفة ان زوجك لا يصلي ويشوف افلام اباحية وكل اللي قلتيه يعني وعندك شك انه يكلم بنت يا اختي الصلاة تنهى عن الفحشاء والمنكر وزوجك تارك اعمدة من أعمدة الدين الصلاة عماد الدين يا اختيي مازال انه يشوف هالبلاوي كلها اش يمنعه انه يكذب عليك ويكلم بنت او اكثر ما اظن رجل عاقل وناضج يتكلم مع بزر طول هالوقت العذر منك اختي اختي انصحيه واجلسي زني على راسه لحد ما يقوم يصلي وخليكي على هاالحال لحد ما يتعود وادعي الله كثير انه يهديه لانه بصراحه ما يتعايش تارك الصلاة |
شنو باسورد ليش سامح له يسوي باسورد على تلفوناته وكمبيوتره الي ماعنده شي ما يحتاج باسورد
وليش ما تروحين بيت عبد العزيز و استدرجيه بالكلام قوليله ها شخبار ولد عمك يحبك وايد ويفرح يوم تتصل عليه وشوفي ردت فعله وأسأليه شخباره بالدراسة واكيد محتاج نوم وتأكدي من حكاية السهر مع العلم اشك في واحد عاقل يكلم ياهل ساعتين |
اختي k2k2انصحك وانا لا اريد ان ازيد وساوسك لكن حال زوجك مثل حال زوجي بالضبط وللاسف زوجي يكلم واحدة ويحلف انه ما يكلمها بس عرفت عن طريق موقع خدماتي للجوال يطلع لك المكالمات غير المفوترة وشفت كذبه كله بس مو قادرة اواجهه لانه مستني اقله انا بتجسس عليك والله يا اختي احنا مساكين الله يكون بعوننا علي ازواجنا ويهديهم ان شاء الله
|
اختي اذا ما في يدك دليل قوي على انه يكلم بنات ما تقدرين تواجهينه لانه راح ينكر مثل ما انكر يوم سألتيه ..
بصراحه وضعك صعب .. ان راقبتيه صعبه وان تركتيه وطنشتي الموضوع بعد صعبه .. ظلي راقبيه وحاولي انك تركدي لحد ما تمسكي عليه دليل على خيانته وبعدين واجهيه الدليل القاطع .. وربي يساعدك .. |
الله يكون في عونك
يعني توقعين لو انه يكلم له سافله بيقولك (بيحلف وعلى القرآن انه مايسويها) وبقواة عين بيقولك مالك دخل في خصوصياتي انتبهي لنفسك وخليه في حاله لحد ماتولدين وبعدين خبرينا يمكن فترة يلعب فيها ويبطل لكن المشكله انه يعاود الكرة مره وبصراااااحة هي ظاهرة خطيرة في المجتمع كللللللللللللله الله يفرج همك ويقومك بالسلامة ويصلح لك زوجك |
الموضوع يحتاج إلى طول بال وسوف أعود إن شاء الله وابدي رأيي بما أراه الأصلح لك ، لكن أوصيك لا تستعجلي في ردود أفعالك .. وفقك الله
|
أختي الحبيبة
أقولها وبكل ثقة لاتصدقينه!! ماعتقد أنه ولد عمه بس أبيج تقولين له كلمه إذا إنت تسوي شي غلط فحاسب وخاف من ربك قبل ماتخاف مني لأن هو اللي بيحاسبك ترا إذا تكلم بنت فهذا زنااااا ولا يمكن بعد جنس ثالث (ترا صايرة موضه) بس لازم تغيرينه في سالفة الصلاة شغلي اشرطه دينيه تحثه على الصلاه وترهبه من يوم القيامه قولي له انت قدوه لعيالك الله يهديه ويهدي أزواجنا يارب والله كلنا تعبانين من هالموضوع بس مانملك إلا الدعاء والله يشفي الرجال أشكالهم اللي مايخافون من ربهم في حريمهم |
خيال البحرين: اعطيه الحنان و اسمعه الكلام اللي يحبه و ألبس له و اتعدل له مع اني تعبانه مع الحمل و العيال بس احاول اتفرغ له قد ما اقدر
الهدى10: زوجي كل شي فيه اوكي بس يبيله يصلي انا عارفه هالشي لانه لو صلى بيترك الخرابيط و الافلام الاباحيه بس مب عارفه شاسوي معاه متزوجه و لكن: يعني شلون بخليه يشيل الباسوورد و انا قلت له انت حاط باسوورد لانك تعرف ان تلفونك مليان خرابيط و دايما رده مالج شغل فيني انتي مب مسؤوله عني وعن اني اروح لعبدالعزيز و الله مالي علاقه فيه و لا في اهله اعرف اخته بس ما اشوفها الا في المناسبات و علاقتي معاها مب قويه (كانوا يبون ياخذونها لزوجي فما احب احتك فيها) asaif: انا مش من السعوديه بس بشوف لي حل و اشوف الفاتوره اميرات: مشكوره عالتفاعل كواليس:مشكوره عالرد ، انا ما كنت ابي احمل بس مادري ليش هو وااايد مستعجل و يقولي انتي احلى و انتي حامل(اذا انا احلى و انا حامل ليش يخربط مع غيري) علي العلي : بانتظارك حصه: لااااا بليييز لا تقولين لي جنس ثالث ممكن اتقبل انه يكلم بنت و لا انه يكلم ولد و عن القدوه قلت له انت قدوه لازم اتعلم تصلي عشان عيالك يتعلمون منك الصلاه بس لا حياة لمن تنادي بس فكرة الاشرطه حلوووه لانه يحب يسمع للعريفي و طارق سويدان بشوف اذا في اشرطه لهم عن الصلاه |
الله يهديه
حلي مشكله الصلاة اول بعدها صدقيني بتقدرين تحلين باقي الاموور بليز يالغاليه لا تتهاونين ابد بسالفه الصلاة |
الله يعينك .. ويصلح زوجك
الصلاة اذا صلحت صلح سائر العمل واذا فسدت فسد سائر العمل ياااختي حاااااولي تخلينه يصلي .. لان الصلاه تنهى عن الفحشاء والمنكر الله معك |
مافي صلاه
افلام اباحيه باس وورد على اجهزته مكالمات نص اليل مده طويله ثقه في الرد بعد التهرب ميه الميه يكلم بنت |
وبعد الردود الله اعلم يكلم ولد
مصعووووووووووووقه انا في زي كذا يالله اغفرلنا واهدينا |
السلام عليكم----------------- ممكن تعرفى رقم عبد العزيز هذا ابن عمه وتطلبيه من تليفون عام ولاتردى تسمعى اللى ىرد عليكى اذا كان رجل اذا زوجك رجل صادق واذا ردت واحدة ست الله بعونك فى حل هذه المشكلة ان زوجك يعرف نساء وبالهدوء وبالذكاء ممكن حل المشكلة ----------والله الموفق--------
|
اقتباس:
|
| الساعة الآن 11:03 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©