منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   العلاقات الأسرية والإجتماعية (http://www.66n.com/forums/forumdisplay.php?f=91)
-   -   اخوي زاهد في الدنيا\مستجدات 19/ 28 (http://www.66n.com/forums/showthread.php?t=230379)

تعبت ! 21-11-2011 05:54 PM

اخوي زاهد في الدنيا\مستجدات 19/ 28
 
السلام عليكم ورحمة الله


حياكم الله

انا استخدم العضويه وهي ليست عضويتي لكني استعرتها من صديقي


عندي مشكله أسريه وقلت احطها بالمنتدى يمكن الاقي حل او على الأقل تفسير للي يصير لأخوي

أخوي أصغر مني بسنه وهو إنسان محترم جداً وخلوق وصاحب كلمه طيبه هو الآن أول سنه في الجامعه

لكن فيه مشكله تؤرق العائله كلها بسبب أخوي احنا ناس مستوانا المالي متوسط بس مرفهين نفسنا والحمدلله

المشكله في اخي انه يستحقر نفسه في كل شيء حتى ابسط الأشياء حتى الأكل والشرب والملبس ودائما

يكرر كلمة مردنا لحفره ! خصوصاً مره من المرات ذهبنا لمحل للملابس الرجاليه وبرفقتنا اختي وامي كل واحد

من اخواني ووالدي اشترى وأخذ احتياجاته اما اخوي يروح لراعي المحل ويقوله وش ارخص شي عندك ؟

مع انه الوالد هوا للي يدفع لنا الله يحفظه ودايم هو وابوي هواش عند هالنقطه ويقوله الوالد انا اللي بدفع وش عليك انت

لكن دايم يقول ليه اشتري غالي مردنا لحفره وانا ما استاهل انتم بكيفكم اشترو ماعليكم مني ويحب راس ابوي ويقول الله يخليك لنا ذخر

وفي البيت احنا نلبس بدلات وثياب هو يلبس قمصان عنده من زمان وينام في المقلط ما ينام معي في الغرفه

اشترى له ابوي سياره قبل فتره غاليه وحلوه وكان دايم يستكثرها على نفسه ويقول ليه يابوي انا وش ابي بها كان شريت ارخص

وجت فتره صار اخوي الصغير اللي اصغر منه يزعج في البيت ويزعج ابوي يبغى سياره جديده وهو معاه سياره قديمه شوي

قام اخوي عطاه سيارته واخذ السياره القديمه اللي معه وزعل الوالد وقال ليه تعطيه السياره انا بشتري له بس موب الحين

طبعاً بدون ما يسمع اخوي الصغير وكارن رده على ابوي انا ما ابي سياره غاليه هذي تكفيني وليه تشتري سياره ثانيه وتخسر نفسك

واذا ابوي عطاه فلوس وهو اساسا ما يطلب الا لشي ضروري يرجع باقي الفلوس عليه ولما ابوي يقول خذها لك الباقي

يرفض بشده ويقول لا انا وش ابي فيها انا خذت اللي يكفي ويزعل ابوي ويضيق صدره ومحتار ما يدري ليه هو يسوي كذا

ومره من المرات كان نايم رامي نفسه في زاويه كأنه فقير او ما ادري وش اقول المهم انه ينرحم كان ابوي وامي واختي جالسين يتكلمون عنه وعن وضعه

وقالت اختي عن حسن نيه تصرفاته تصرفات واحد مودع الدنيا وجلست امي تبكي بشده وبكى معها الوالد وقلبوها حزن وجلسو يدعون له حتى انا بغيت ابكي معهم


امي دايم تدق عليه اذا طلع وتخاف عليه فدايم يكون رده اني في المسجد وبعض الأحيان يقول ما ادري ويني والله بس انتي تبيني ؟


تقول امي ايه ابيك ويقول ابشري الحين اجي لمك ويجي البيت واساسا امي ماتبي منه شي بس تجلس تدلعه وتسولف معاه مع انه انسان قليل الكلام بس يتكلم مع امي ويسولف

ياليت تقولون لي هالحاله تمر على الناس طبيعي ؟

لكن هو من بدا يكبر وهو كذا ما تغير

كيف نقدر نغيره ونخليه يهتم من نفسه على الأقل يحط لنفسه قدر واهتمام

LYESLYESSE 21-11-2011 06:20 PM

سبحان الله
أخيرا وجدت أحد طباعه تشبه طباعي
لكن أنا ثرثار

البليغ 21-11-2011 06:31 PM

*أخوك حفظه الله فيه زهد في الحياة..وأرى أن هذا حصل نتيجة تعرضه لموقف نفسي أثر على مشاعره، وأكثر هذه المواقف تنتج عن وفاة أحد الأشخاص العزيزين لديه..وربما يكون مردّها إلى قراءات مكثفة في بعض الكتب.
*فقط يحتاج إلى إعادته لحالة التوازن بلا إفراط أو تفريط..وهذا يتم عن طريق شخص ثقة متعلم كتوم واع يتحدث معه على مراحل، وسيكون خيراً إن شاء الله.
*أقترح ما يلي في حال قوله الدنيا آخرها حفرة:
1) قل له "ولاتنس نصيبك من الدنيا".
2) قل له: الرسول صلى الله عليه وسلم كان يحب التزين ولبس أجمل ما عنده، ويلبس ما يُهدى إليه..وكان يحب الروائج الجميلة والعطور، ويستخدم المسك.
3) طبق معه هذا لمدة أسبوعين ثم أخبرنا.
4) إن استطعت إقناعه بالمجيء هنا أو مراسلتي هنا عن طريق الإدارة فهذا حسن.

تعبت ! 21-11-2011 06:45 PM

LYESLYESSE

مشكور على الرد


البليغ

اختي الكبرى دائمة الإتصال به ودائمه النصح له وتقول له ولاتنسى نصيبك من الدنيا وهو لم يمر بموقف لا اعتقد ذالك لانه منذ بداية عمره وهو على هذه الحال

يستحقر نفسه كثير وما يحب اي ترف

وهو ما يدخل الانترنت الا لحاجته للبحث او الدراسه فقط

حتى يدخل من الكمبيوتر المكتبي الخاص بالوالده

ماعنده كمبيوتر شخصي وعنده جوال عادي من ارخص الجوالات واحيانً ما يشيله معه

البليغ 21-11-2011 06:51 PM

1) انصحه أن يتجه لطلب العلم الشرعي.
2) انصحه بقراءة السيرة النبوية وسير الصاحابة خصوصاً الأغنياء منهم.

تعبت ! 21-11-2011 07:22 PM

راااح احاول

شكرً البليغ

روح المساء 21-11-2011 11:41 PM

اقتباس:

أخوك حفظه الله فيه زهد في الحياة
كما قال الأخ البليغ كما استشعرت من وصفك لحالته
مع إني ماأشوف إنه اللي يسويه غلط ولاإنه يستحقر نفسه أو يقلل من قيمته بالعكس
لكن هو اكيد مرت عليه شي خلاه يتصرف كدا
حاول تتقرب منه وتخليه صديقك الأقرب إليك تتبادلون الأحاديث والأسرار وتشكي إليه ليساعدك

أمل@ 22-11-2011 12:09 AM

إذا هذه أوصافه فهو من الزاهدين في هذه الدنيا
لاتقول عنه يستحقر نفسه غلط هالوصف ظلمته فيه
هو يستحقر الدنيا فقط وانتم يمكن مستحقر مبادئه وتوجهاته
وهو صااادق مردنا لحفره وقبر

الله يهنيه ويجعله من الأتقياء الصالحين
تأثرت بصفاته ماشاء الله عليه اللي مثله نادر نااااادر

GREEN222 22-11-2011 01:25 AM

هذا ليس استحقار

هذا زهد في الدنيه

وانا اقرأ تدمع عيوني
وكل سطر يزيددمعي لحين وصلت الى هذا السطر ولم اتمالك نفسي بكيت مع والديك

وقالت اختي عن حسن نيه تصرفاته تصرفات واحد مودع الدنيا وجلست امي تبكي بشده وبكى معها الوالد وقلبوها حزن وجلسو يدعون له حتى انا بغيت ابكي معهم

الله يحفظه يا رب ويخليه لكم
كم هو بار بوالدته ووقت تطلبه يترك كل شي ويعود لها مسرعا

اقول وقت تشوفو على الارض جالس انزل اجلس معه

واختك ايضا

لتقدرو تخرجو من اللي هو فيه لازم تنزلو معه وتطلعو للوسط

بحيث تستفيدو جميعا من الامر

جميل جدا ما يفعله اخوك ولكن يلزمه القليل من المساعده

والله نحن اللي لازم ناخذ منه دروس
ترف الدنيا آخذ الناس وشاغلهم عن الآخره


GREEN222 22-11-2011 01:29 AM

اقترح انو لو يتغير العنوان

من استحقار الى

اخي زاهد في الدنيه اجمل واليق له

اخوك والله سعيده به جداااااااااا

ولا قادره اعطيه وصف

اختك تحب الزهد في الدنيه هل لي مكان قربه بنفس الغرفه على الارض

ادعو الله ان يرفع مقامه دنيا وآخره ويرفعنا جميعا معه


الساعة الآن 02:25 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©