|
طموحي والمجتمع.. مشورتكم تهمني؟؟
السلام عليكم... اخواني واخواتي.. حابه أتكلم عن موضوع... يعانون منه البنات في بعض المجتمعات.. وانا وحده منهم.. 1المشكلة الطموح.. 2-المجتمع.. 3-الاهل.. مشكلة لما تكون البنت طموحه جدا.. وتسعى لتحقيق طموحها بكل جد ... تحاول تتخطى الحواجز.. لتحقيق هدفها وطموحها.. وتكون مرأة مبدعه.. المجتمع.. المجتمع مو بكل البلاد العربية.. لكن في بعضها ومنها بلدي.. المجتمع يرفض الفتاة المبدعه.. اللي تحقق انجازات سواء على التعليم.. او على المشاريع والانجازات.. ينظر لها المجتمع انه امرأة لا تصلح للزواج.. او يتقدم لها من يكون طامع في المال.. عليها تكون الام والاب.. الزوجه والزوج.. الرجل ما عليه الا حق الفراش.. ومشروط بالمال..وفي حالة امتنعت.. راح يمتنع هو عن اعطاءها حقها.. وراح تكون الضرة بالانتظار... الأهل.. نظرتهم في بعض الاسر الخوف.. على بنتهم الطموحه.. خوف من المستقبل.. خوف من المجتمع.. ويكونون عائق لطموحها... مشكلة تواجها كثير من الطموحات.. والمبدعات.. كثير في مجتمعي حاملات اعلى الشهادات.. بكافة التخصصات.. لكن غير متزوجات.. العذر يكون انها مشغوله..على انه ساعات عملهم احيانا.. تكون اقل من 15 ساعة بالاسبوع..وهذا بخصوصا دكتورات الجامعات.. انا وحده طموحه.. عند افكار لمشاريع..وعندي كذا مصدر ممكن احصل منهم دعم مادي.. اشياء اذا الله كتب يكون اشرافي مباشر يعني اتواجد بالمكان.. وفيه اشراف مو دائم.. من خلال نظرتي للاوضاع على السنين القادمة.. لكن مأجله لفكره صار لي اكثر من 5 شهور.. ما اقولكم مشاريعي تدر ملايين... لكن بتوفيق الله.. تكون مصدر دخل ممتاز... لكن اللي مخوفني.. مجتمعي.. اخاف ابدأ مشروع ويكلل له الربح.. والنهاية اما اتزوج من يبغاني اصرف عليه... او اني ما اتزوج..!!! كثير من البنات المبدعات.. يضطرون بنهاية المطاف.. انها تتزوج من غير العرب.. او من غير البلد.. وانا افكر مع السنوات القادمة.. اكمل ماجستير.. متى ما صارت الفرصه مناسبه.. خارج بلدي... لكن التفكير ماخذ من وقتي الشئ الكثير... من سنة بدأت اولى الخطوات..بس لي 5 شهور كل ما قلت ببدأ التنفيذ.. اتراجع.. اذا تذكرت المجتمع فما اعرف ايش تشورون عليه فيه ؟؟؟ |
ابدأي مشروعك بقوة ولا تنظري الى الناس وفقك الله
|
هلا وغلا دلوعه ومو منحوسه :d
تفائلي بالخير .. ( تفائلوا بالخير تجدوه ) الطموح والإبداع نعمه من الله .. وفرصه حلوه ... استغليها لصالحك ومستقبلك :17: من رأي تتوكلي على الله .. وتستخيري .. وتواصلي طريقك على بركه الله خوفك من ردة فعل المجتمع راح تقتل طموحك وراح تكوني ( مكانك سرك ) لا تشغلي بالك بالزواج والمستقبل لأنه بيد الله وحده .. |
موضوعك رائع يادلوعه
تصدقين هذا ما اعاني منه شخصيتي ولله الحمد شخصيه مبدعه وايضا طموحي جدا كبيييييييييييييير من وانا صغيره لين هالحين ولكن مشكلتي تكمن في خوف اهلي علي كل ماقلت ابغى اشتغل في اي شغل واطور من نفسي يقول الوالد اذا قاصرك شي انا موجود وبصراحه الله يطول بعمره مو مقصر معاي ابد يعني اشتغلي بالاسهم بس انا ما ودي احسها يوم طالعه وعشره نازله ودي اغير واشتغل واكسر من الروتين الي عايشته الله يسر لي يارب |
حبيبتي ..
أولاً : توكلي على الله .." ومن يتوكل على الله فهو حسبه" ثانياً : أعملي وتفوقي وأبدعي ولاتنسي أن تجعلي نيتك خالصة لوجه الله في كل اعمالك حتى لايفوتك الأجر والثواب"إنما الأعمال بالنيات" ثالثاً: لاتحملي هم الغد ، فالله عزوجل تكفل بك منذ أن كنت جنيناً في بطن أمك وقد كتب لك الرزق قبل أن تخلق السموات والأرض ، وهو لن يضيعك " وفي السماء رزقكم وما توعدون" رابعاً : عليك بالدعاء ثم الدعاء ثم الدعاء وفوضي أمرك الى الله " وأفوض أمري الى الله والله بصير بالعباد" خامساً : تأكدي أنك إن أخلصت النية لله وتوكلت عليه وأحسنت الظن به فسوف ترزقين من حيث لا تحتسبين " ومن يتق الله يجعل له من أمره يسراً". وفقك الله وسدد على دروب الخير خطاك .. |
استخيري الله فان لن يضيعك سبحانه
|
فهمت من الموضوع أنك تبي تكملي دراستك برى
إذا كان هذا صحيح فهل كل السبل ميسره؟ إن كان هناك من ستسافري معه محرم فالأمر سهل ومايحتاج تفكري بالمجتمع بالعكس فكره ممتازه وإن لم يتوفر من تسافرين معه فلاتغامري فالدين بالدرجه الأولى ثم يأتي المجتمع ونظرته بالدرجه الثانيه أسأل الله لك التوفيق وأن ييسر لك أمرك وأمري والمسلمين آجمعين |
أهلين .صباحك ورد يالغالية
شوفي اختي أهم شيء توكلي على ربك وربي يرزقك واستخيري قبل كل شيء والله انك يام السوسة مثلي جتني وظيفة ببنك نسائي وكنت بدووام فية بس وانتسب بالجامعة بس الوالد رفض وماكتبت لي الحمد لله على كل حال استشيري وربي يوفقك والله اذا بتناظرين المجتمع والناس ماراح تتقدمين خطوة وحدة ربي يكتب لك الخير والسعادة ويرزقك الزوج الصالح |
وجهه نظرك لها حظ من النظر ففعلاً كما قلتي الزوجة الطموحة المنتجة ينفر منها الكثير من الخطاب الجيدين وليس كلهن ويطمع فيهم أشباه الرجال الطامعين في أموالها فتنجرح الأنثى في أعز ما تملك وهي كرامتها فيكون إعجاب الرجال بها مو لذاتها بل لأجل مالها فتحس أنها جسد بلا روح
الأخت دلوعة ممكن كسب الأثنين وذلك بجعل المشروع مشروع عائلياً فيشارك فيه الجميع من أخوه واخوات والوالده فتكوني حصلتي على الكسب المالي وكسب الخاطب الراغب في دلوعة لذاتها مو لمالها وشرأيك براي أخر تعطيني الفكرة وكيفية الحصول على الدعم وكيفية عمل المشروع ولك مني قول شكراً |
اقتباس:
وبارك الله فيك |
| الساعة الآن 05:27 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©