|
هل احتاج طبيب نفسي ؟
السلام عليكم ...
سبق و حطيت موضوع عن عصبيتى مدرى حساسيتى المفرطه الان احس الموضوع استفحل بشكل كبييير ... اعصابي ماعدت اتمالكها و لا اقدر امسك نفسي عن النرفزه تعبت جدا جدا جدا صحتى تاثرت واخاف تجينى جلطة ^_^ لاحظت انها نقطه ضعف لاحظوها بعض الناس و صاروا يتعمدون يثرون اعصابي و يخلونى احرق دمي .. صرت اتجنب المواضيع و عشان لا اتنرفر واعصب ... مدرى هل العلاج النفسي يفيد بحالتى وايش ممكن يوصف لى الدكتور ؟ اخاف جد يجى يوم واسوى جريمه من الغضب .. انا اتعرض لضغوط حاليا و بالعمل و بالبيت و الاحظ ماعدت اتحمل اى كلمه خاصه باحد المواضيع موضوع يزعجنى جدااا جدااا و اى نقاش فيه او احساس ان احد يتعمد يستفزنى فيه اثووور عجزت اقاوم جد .... ضغط من العمل و ضغط البيت و مشاكل مع الاهل يفيد معها علاج ؟؟؟ |
رد: هل احتاج طبيب نفسي ؟
اليوم تداركت نفسي يوم تفاجات بطالبة نرفزززتنى تتتكلم و تتكلم و عصبت عليها
و مدرى ابش قلت صراحه و قت عصبيتى و قومتها من جنب زميلتها و قالت لى طيب يا ابله بس اعصابك ... ^_^ انتبههت و قتها وهديت . حسيت انى يمكن احتاج علاج . |
رد: هل احتاج طبيب نفسي ؟
فجأه صرتي كذا
ولا انت من قبل حاره وعصبيه ؟ |
رد: هل احتاج طبيب نفسي ؟
والله مدرى ..
لكن لاحظت من سنتين تقريبا هذا الشي و السنه الاخيره زاااد مره انا بطبعى هاديه و كتومه جدااا و اتحمل وجدا صبوووره جدا لكن سبحان الله مدرى ايش قلب حالي ؟؟؟ يمكن الضغط مثل ماقلت لكن من زمان وانا مضغوطه بس كنت متعايشه ونفسيتى. حلوه ... اما الان ياسااتر ماعدت اتحمل لو كلمه تفضل تاكل بقلبي الى ما انفجر نفسي اتغاضى و اتجاهل و لكن فشلت .... اخاف ابتلى مع احد واندم او اجيب لنفسي مشكله ... قالت لى وحده لاحظى الفاظك و قت عصبيتك ترى ماتحترمى كبير و لا صغير والفاظك حاده جدا ... انا والله ما امدح نفسي طيبه جدااا جدااا و الكل كان يشهد باخلاقي ولا زالوا لكن مشكلتى الغضب و خاصه الفتره الاخيره ... ما اقدر اكتم بقلبي احس يمكن ماعاد يشيل ... |
رد: هل احتاج طبيب نفسي ؟
مثلا مواقف عاديه ماتستاهل الغضب و ممكن تمر بسلام لو تغاضيت
لو هديت لو تجاهلت لكن للاسف اعصب واتنرفز وانكد على نفسي ... يعنى قومت طالبه تقرا تاخرت هى و هي تفتح الكتاب و تدور الصفحه نرررفزت عليها و قومت ثانيه قالت طيب انا واقفه ندمت ... اعصب ان قالوا عيدي الجواب و اعصب ان مافهمت بسرعه ... مواقف عاديه حتى قالت وحده ابله ايش فيك كنتى طيبه ^_^ فعلا انا بالعاده خلوقه و يحبونى بس تجينى عصبيه اقلب مره وحده وحده زميله قالت لى كلمه يمكن ماتقصد عصبت ورديت عليها بكلمه قويه وضحكت قالت عاد ايش اسوى ... حسيت انى جرحتها فيها ... طيب هى عصبتنى ... بس فعلا كان ممكن اتغاضى اخذها بحسن نية و ارتاح انا .. |
رد: هل احتاج طبيب نفسي ؟
على فكره لما اقول اعصب ..
مو عصبيه عاديه لااا ،، عصبيه شديده جدا ارمى اللى بيدي اصارخ و ارفع صوتى بالكلام و كلام خارج النطاق ^_^ تجينى رجفه بعدها لكنى اتعوذ من الشيطان مرات... احس دمى يحترق بجد ... |
رد: هل احتاج طبيب نفسي ؟
لأنك تكبتين هم وحمل مضايقك لذلك تفرغين بصوره ثانية ان قدرتي تعالجين اسباب المشكلة حلو وان ماقدرتي لازم تروضين نفسك مره مرتين لين تتعودين
اذكري الله كثير وتعوذي من الشيطان اول ماتحسين بالغضب وحاولي تصمتين كم دقيقه اذا صار شي ينرفزك بعدين تكلمي في البدايه صعب بس بعدين تتعودين ،، انتِ معلمة استشعري ان هالبنات كلهم اضعف منك وفي ذمتك لاتضغطين نفسياتهم عشانك انت مضغوطة ،، شوي شوي وبتروضين ردات فعلك وتتعودين أنا أرحمهم جدا حتى اذا عاقبت اجلس ادورلهم اي مخرج يشفعلهم عشان اسامحهم ،، لأني استشعر ضعفهم وقلة حيلتهم ،، |
رد: هل احتاج طبيب نفسي ؟
فعلا لانى يمكن كنت اكبت كثيير ..
اقولك لو اقدر اصمت كان ماقلت مشكله ،، ما اقدر اتمالك نفسي ولا اصمت جدا يمكن احتاج دكتور .. الطالبات مو اطفال ، ثانوي ... وهم ينرفزونى و احس بالذنب وخاصه لما ارفض اعيد اجابه او اعيد كلمه او اصارخ على وحده و لما اشرح بسرعه احس بتقصير فعلا ... |
رد: هل احتاج طبيب نفسي ؟
مايمنع تراجعين طبيب وتستمرين في جلسات علاجيه
بس نصيحتي لاتاخذين أدوية أبداً لاني اشوف انك ماتحتاجينها وبتأثر على اعصابك وتدمنين عليها وبعدين صعب التراجع |
رد: هل احتاج طبيب نفسي ؟
فليكا انت محتاجة شي واحد بس
محتاجة "تفضفضين" ! |
| الساعة الآن 10:43 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©