|
العانس ومشكلة السفر
في السابق لم اعاني من مشكلة السفر والسبب اني اسافر مع اهلي واخواني لكن هذا الكلام قبل لايتزوجون وقبل لا انتقل للعيش في بيت اخي ألحين اخوي ناوي يسافر مع زوجته لمدة اسبوعين لاحدى الدول وطلب مني ارفقهم واخذ اجازة للسفر معاهم مدري انتم اشرايكم؟؟ هل اعتذر؟؟ لاني اعرف شعور زوجته فجميع المتزوجات يتمنون السفر لوحدهم مع ازواجهم واعرفها راح تضايقني بنظراتها أثناء السفر وتتأفف وتشعرني بأني ضيفة ثقيلة لكن شنو الحل؟؟ الا يكفي اني ضغطت على نفسي ورفضت الخروج مع اخي وزوجته عندما يرغبون في التنزه والذهاب للمطاعم كنت اتحجج بالتعب وان عندي شغل ما سويته ومن هالسوالف لاني اعرف ان زوجته ترغب بالخصوصية مع زوجها اثناء الطلعات وكل هذا حرمني من الخروج والطلعات اذكر مرة اخوي الح علي وبشدة ان ارافقه مع زوجته للذهاب لاحدى المطاعم ووافقت لكني لم اشعر بالراحة لان زوجته التزمت الصمت طوال خروجي معهم وكان واضح انها متضايقة بعدها حرمت نهائيا اطلع معهم لكن السفر؟؟ بصراحة خاطري اسافر ودي اغير جو على الاقل اطلع من حالة الاكتئاب اللي انا فيها لكن انا الان بين نارين اما اوافق وعندها راح تتضايق زوجة اخي وادري راح تنكد علي السفر او ارفض واذا رفضت اين اذهب؟؟؟ مافيه احد في البيت اكيد اخوي راح يخليني اجلس طوال هالفترة عند احد اخواني المتزوجين والله اعلم بردة فعل زوجاتهم اخوي ينتظر ردي خلال هالاسبوع اشرايكم؟؟؟ والله ما توقعت اني اظل الى هالعمر بدون زواج واني راح اعيش عند اخوي وزوجته واعاني مثل هالمعاناة |
أختى ليدي سوفت
انت فعلا بحاجة لتغيير جو واقترح تسافري معهم ومثل ماكنت تتركيهم بعض المشاوير لوحدهم هنا افعلى كذلك هناك المهم ان تخرجي وتغيري جو خطأ أن تبقي والسفر فرصة لك ولو كان فيه بعض المضايقات لك من تصرف زوجة اخيك اهون من بقاءك وزيادة الكآبة والضيق0 اسأل الله أن يرزقك ابن الحلال الذي يسعدك ويهنيك بحياتك إنه سميع مجيب |
سافري معهم وغيري جو
وكوني كما قال لك الاخ الكبير .. اي خفيفة عليهم حتى بالسفر ربنا يوفقك |
ليدي اذا عند زوجة اخ ثانية وطيبة وحبوبة روحي عندها وبما انك ضيفة فأكيد راح تطلعون وتتتمشون صح؟!
واذا مافيه توكلي على الله وروحي حتى لو تضايقت شوي تحمد ربها مع زوجها وعيالها ومسافرة وش تبي بعد اكثر من كذا وانت عشان تكسبينها اذا طلعتو سوق اشتري لعيال اخوانك هدايا وعشيهم مثلا انا من رأيي روحي والله السفر يجدد من طاقة الإنسان ويشعره بالسعادة |
حبيبتي الله يرزقك ياب ياقادر ياكريم باللي تتمنيه وإن شاء الله أدعيلك
نصيحتي روحي سافري معاهم لكن خليكي خفيفة ولاتتدخلي بكل شئ وباين ماشاء الله على أخوكي محبته لكي الله يسعدكم وقبل لاتسافري أتمنى تقوليلنا وان شاء الله ترجعي بالسلامة |
هلا أختي ..
من حقك تسافرين وتغيرين جو .. ومو من حق زوجة أخوك تتضايق إلا إذا كانو توهم معاريس وشهر عسل .. ووافقي مادام أخوك عرض عليك هذا الشي .. وأخوانك عليهم حق أنهم يسفرونك مثل مايسفرون زوجاتهم وعيالهم .. و المفروض مكانة الأخت ماتقل عن مكانة الزوجة .. والله يوفقك ويسعدك.. |
أنا من رأيي انك تسافرين
واذا وصلتو هناك حاولي تطلعين انت لوحدك وهم لوحدهم اذا حسيتي ان زوجه اخوك متضايقه منك الله يرزقك بالزوج الصالح اللي يسعدك وجميع بنات المسلمين |
اختي
اذهبي معهم وانبسطي وتاكد ان زوجة اخوك ما راح تتضايق منك ابدا الا اذا كنت تفرضي رايك في السكن والاكل ووووووغيره اما ان كنت مسالمه وهادئه فبالعكس سيفرحون بك كثيرا وستغيرين الجو معاهم واذا كان عندهم اولاد نوميهم معاك وانبسطي معهم وبالشكل هذا راح تتعلق فيك زوجة اخوك وفي اي سفرة راح تعرض عليك انك تروحي معاهم |
اماك حلين :
الاول راي الاخت شوبارد الثاني : سافري معاهم وكانك مو معاهم يعني اعطيهم الحرية اكثر من اللازم مره تخرجي معاهم ومرتين لا , واشتري الهدايا ترا الرسول اوصى بتهادي والهدية لها اثر على النفس , واجعلي لها وقت خلوه مع زوجها الله يعينك ان اعرف انه الوضع حساس ومحرج , بس اقنعي نفسك بانك راح تنبسطي ترا يااختي مجرد انك تحضري شنطك وتنامي في مكان غير عن مكانك الي كل يوم راح تتغير نفسيتك خذي معاك كتب , اشرطة تسمعيها وان شاء الله راح تتسلي |
اختي الليدي : هل اخوك عنده اطفال ..؟؟ يمكن لو يكون معهم أطفال أهون شوي .. عموماً .. سافرت مره مع أخوي ... تمشينا ورحنا وجينا ... بس ما أدري ..؟ أحس اني في حلقي غصة .. أحس اني مخنوقة ... ما في وناسة أو سعادة حقيقية .. أيييييه أسأل الله ان يفك أسرنا جميعاً عاجل غير آجل الحمدلله على كل حال لك مني أرق تحية محبتك / بنان |
| الساعة الآن 06:44 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©