الحق مع مين معي ولا مع زوجي ؟
حبيت أعرض عليكم موقف حدث معي ومع زوجي
دائما زوجي معودني أني لما ارجع من العمل العصر أسوي له قهوة ويتقهوى مدة ساعة أو أكثر ، اليوم وأنا راجعة من العمل قلت له لما أخلص دوامي يوم الاثنين الجاي راح نطلع أنا وصديقتي للمول نشتري حاجات فأبغاك تعذرني ماراح أجي أسوي لك قهوة، قالك أوكي ماعندك مشكلة أنا أسوي لنفسي، اليوم العصر لما جيت أسوي له قهوة كلمتني صديقتي نفسها وقالت يالله خل نطلع اللحين للمول، قلت لها ماقدر بسوي قهوة لزوجي، قلت لزوجي عادي أطلع بعد ساعة بعد ما أخلص القهوة، قال لا أجلسي نتقهوى وبعد ثلاث ساعات لما أكون فاضي أسمح لك تروحي أما الآن فالوقت لنا ، بس بعد ثلاث ساعات ماتقدر صديقتي والوقت غير مناسب نطلع ، أنا ما أعجبني كان يفترض أنه موافق أني أطلع معها بعد ساعة ، أيش رايك الحق مع مين ؟؟؟؟ |
رد : الحق مع مين معي ولا مع زوجي ؟
مو شرط يوافق تطلعين بعد ساعه ......يمكن يبغاك تجلسين معاه وبعدين قلك روحي بعد 3ساعات يعني ما رفض خلاص قولي لصديقتك انا ما اقدر اطلع معاك الا بعد 3ساعات ومو لازم تقولين لها زوجي ما وافق خلي عندك خصوصيه واذا ما تقدر تطلع معاك في الوقت اللي قلتي لها قولي انا ما اقدر اطلع معاك خلي عندك رأي مو كنتو بتروحون يوم الاثنين وزوجك موافق ....طيب ليه غيرت وقالت لك اليوم ؟؟؟ اكيد عندها ضروف يوم الاثنين وما قالت لك عليها !! |
رد : الحق مع مين معي ولا مع زوجي ؟
مع كلام نورة
وبإختصار الحق مع زوجك حتى انتي عندك ظروف وماهو اي وقت يناسب زوجك |
رد : الحق مع مين معي ولا مع زوجي ؟
صديقتك غيرت الموعد الي من المفروض يكون يوم الاثنين وقالت لك الان نلتقي اكيد التغيير لصالحها
لماذا تقحمي زوجك في هذا وهو قد وافق على يوم الاثنين .. الرجال دقيقون جدا في المواعيد ولا يحبون التغيير المفاجىء للمواعيد واكيد الحق معه .. اتفقي مع صديقتك على موعد جديد يرضي جميع الاطراف |
رد : الحق مع مين معي ولا مع زوجي ؟
الرجل يتالم عندما يرى ان زوجته تفضل قضاء وقتها الخاص به مع اي كان، و من احلى الاشياء على قلب الرجل ان تقولي له افضلك على الجميع او انت اعز علي من الجميع، كان يريد منك ان تقولي له اذهب معها في وقت اخر هذا وقتك انت.
|
رد : الحق مع مين معي ولا مع زوجي ؟
ما شاء الله زوجج متفهم الله يحفظكم لبعض...
يعني ما رفض رفض قاطع.. و لكن عطاج تروحين بعد 3 ساعات... حلوه منه الصراحه و تحسب نقطه له... و زعلج مب في محله... لأن صديقتج غيرت موعدها تغيير مفاجئ... يعني من يوم الإثنين صار اليوم... و في مده زمنيه قصيره.. المفروض تحط في بالها انج ممكن ما تقدرين تطلعين لأن عندج مخططات اخرى... |
رد : الحق مع مين معي ولا مع زوجي ؟
عديها ...و اتفقي مع صاحبتك.بوقت ثاني
بس ما تغيره..و اخبري زوجك قبلها ... بس معقولة تتقهون ثلاث ساعإات!!! |
رد : الحق مع مين معي ولا مع زوجي ؟
مسز داني اتوقع يتقهوى و يسولف و يقضي كواليتي تايم مع زوجته
|
الساعة الآن 12:41 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©