|
وضع الدرجات للطلاب ...تتسامح
السلام عليكم
تو شفت فيديو عن قاضي اجنبي رحم امراه كانت ضروفها جدا صعبه عليها مخالفات مروريه ومرت بعام صعب فقدت فيها ولدها والمخالفات كانت باسباب انها تراجع بعد قطع راتبها ومره انطردت من شقتها وهي مفلسه وماعندها تدفع ال400 دولار فرحمها القاضي ونزلها ل50 وسالها عندك فلوس اذا اخذنا هالمبلغ قالت 5 دولار قال لها مايرضينها تطلعي بخمسه دولار اعجبت برحمه القاضي لكن هذا ذكرني بموضوع الطلبه والدرجات والعداله و التساوي وبنفس الوقت تكون رحوم وانساني معظله مايواجها الا معلم عنده الحريه بوضع اي درجه ومااحد يحاسبه الا رب العالمين لما كنت بالمدارس عمري ماكان هالموضوع مشكله لاننا مقيدين جدا بلوائح الوازراه والف شخص يراجع وراك لكن بالجامعه الامر مختلف وهالشيء يعرفونه الطلاب ويجونك يتسولون الدرجات وخنا نحتاج وحنا بنفصل وحنا علينا انذار و احنا بننطرد من الجامعه ولازم تعطينا الدرجه الفلانيه عشان يتحسن وضعنا فاقول لهم الدرجه بناء على ماتستحقون وليس ماتحتاجون وانا اعرف نفسي غير قاسيه ابدا لا بوضع الامتحانات ولا باخذ الحضور والغياب وعندي بونصات يستفيدون منها احس سهل وطبيعي اي طالب ياخذ عندي درجه كويسه اهم شي يلتزم ويذاكر بالمعقول ويقدم كل الطلبات بالوقت وبالنهايه كلهم ارفعهم بمقدار الدرجه كلهم سواء الشاطر او الكيلان الكل ياخذ فوق درجه النهائيه درجه واعلمهم بذلك انهم اخذو فوق مايستحقون مع هذا لايزالوا يطالبون بالامثر ويطمعون طبعا هذا مايهمني هم طلبه ويبغوا درجات باي وسيله والحمدلله باب الواسطه مصكرته لان اي احد يكلمني اقول ايوه اصلا انا رافعتهم وانا صدق رافعتهم كلهم مايمشي عندي طالب يجيب واسطه ويرتفع بدا عن غيره ابدا اذا فيه بونص للكل واذا فيه رفع للكل والحمدلله مريحه صميري وراسي المشكله وين بطالبه جتني العام خلتني افكر طبعا نزلت الدرجات وكلهم رفعتهم مرتين بالبونص و رفع نهائي بالدرجه يعني ساعدت كل الشعبه سواسيه بعدها جتني طالبه وقال بشرح ضروفي رفضت قلت لها كلنا عندنا ظروف من الي مايمر عليه ضرف انا ساعدتكم بلي اقدر عليه الباقي جهدكم وهذا قضاء وقدر والحمدلله على كل حال كانت محتاجه درجه مرتفعه عشان هذي اخر فرصه لها بالجامعه اذا ماعطيتها الدرجه بتنطرد راحت لزميله لي تدرسها وقالت ظروفها ان زوجها مدمن ويضربها ويطردها من البيت ضروفها صعبه وعيالها صغار وهي تبغى تتخرج وتتوظف وتصرف عليهم لان زوجها مايصرف زميلتي قررت تعطيها الدرجه الكامله مع ان البنت غايبه نص المحاضرات ويادوبك درجتها جيد وبتطلعها لامتياز لظروفها وطلبت مني اعمل نفس الشي عشان ماتنطرد رجعت البيت وفكرت واحترت واستخرت موقف صعب جدا جدا جدا وفكرت ببقيه بناتي الي مافتحت لهم المجال لشرح ظروفهم والي يستحوا مايتكلموا شلون اعطي وحده درجه ماتستحقها واساويها بطالبات فائقات جابوا كامل بكل شي اذا كنا بنحط الدرجات على حاجات وظروف الطلاب ليه نختبرهم ونقيمهم ونتعب بدلك من اولتها نعطي التقدير للطالب الاكثر احتياجا ماقدرت احط الدرجه لاني بالاساس رافعتها من حيذ الى جيدجدا نفس مارفعت القاعه كلها ماقدرت ارفعها هي زياده حسيت بظلم البقيه ومااقدر ارفعها هي وباقي الطلبه رفع ثاني واوصلها معاهم بامتياز لان درجاتهم كويسه وهي بعد كويسه لكنها محتاجه تقدير معين عشان ماتنطرد خليت درجتها ماغيرتها هل ظلمتها لو كنتو بنفس الموقف وش تسوو |
رد: وضع الدرجات للطلاب ...تتسا
يا موضوع الدرجات والمعلمين اللي صدعنا اسبوع كامل hty
ماقدر اجاوبك لاني طالبه من طلاب اللي يشحتو درجات مو لاني محتاجتهن لان بس هاذي من عادات وتقاليد لازم نقتدي بها jh ماشاء الله عليك عادله وما الومك لما ما ساعدتيها رغم ظروفها مفروض تشرح لك موقفها من قبل مو تغيب وتهمل وتجي اخر لحظه تستعطفك بظروفها امس اختي الصغيره نزلو درجاتهم جابه فيهن كلهن فوق 90 الا وحده 89 وكانت تشتكي من معلم الماده هاذي انه فصل من فصول ظلمها عمدا والفصل هذا نفس الشي ظلمها جابت 48 من 50 ف فاينل وقالت عطاها 41 د رغم انها ضامنه درجات جميع الاختبارات عندنا فاينل 50 والمعلم بيده 50 يعني اللي من عنده 41 هي كانت متوقعه انه بينزلها بس تفاجئت انه عطاها اقل درجه في شعبه انتي تعرفي طلاب يكون مستواهم متفاوت احد شاطر واحد يبي بس ينجح وكذا راح عطاها هي اقل درجه بينهم وهي ماشاء الله متميزة معدلها التراكمي امتياز وقالت لا احتاج درجاته ابدا بس مستغربه فيه بالمرصاد لها وقد قالت لي فلان يظلمني وصل موضوع لرئيس القسم زملائها اخبروه وراسلها قال لها فتحت اوراق الدرجات والمعلم كان قاصد يعطيك كذا هههه طبعا هو قال عطيتك كذا لان درجتك في النهائي عاليه !! عذر اقبح من ذنب ،انا اتوقع والله اعلم يكرهها لانها من نوع الجري و واثق من نفسه حبتين وحب يكسرها خصوصا انها من نوع المعجب بنفسه ويلفت النظر ومعلمينها معطينها جو خاص وهو ماعجبه الوضع ههههه بس مفروض مهما كان لا يظلم |
رد: وضع الدرجات للطلاب ...تتسا
موضوع القاضي اللي ذكرتيه ما ينفع للقياس على موضوع درجات الطلاب
لما القاضي سامح المرأه على مخالفات مروريه أو خفف العقوبه فهذا الموضوع متعلق باستيفاء حق الدوله والمجتمع ضد من يخالف قانون المرو لأنه حق عام وليس خاص, والقاضي لديه صلاحيه بتخفيف العقوبه أو تغليظها بما يتناسب مع الوضع أما لو كانت جريمة هذه المرأه مثلا قتل ولا سرقه وهناك حق متعدي للغير ما يقدر القاضي يسامحها عن حق الغير . موضوع الدرجات شي مختلف تماما عن موضوع القاضي زيادة الدرجات لمن لا يستحق ربما تخرج طلابا غير مؤهلين علميا للوظائف والمهام اللي بيكونوا مسؤولين عنها تخيلي مثلا لو انك مدرسة طب ونجحتي طالبه فشلت بإجراء عمليه جراحيه لمريض أو تسببت بخطأ كان ممكن يؤدي لوفاة المريض ورسبتيها وجتك الطالبه ثاني يوم تبكي وتشرح ظروفها .... الخ هل بتنجحيها وانتي تعرفي انك لو نجحتيها على وضعها الحالي ممكن تتسبب بوفاة مرضى ؟ لا تقولي انا ما ادرس طب وتخصصي نظري ولا في ارواح ناس وهناك فرق .... لأ .. المبدأ واحد لأن الغير مؤهل علميا وحصل على نجاح لا يستحقه بيكون ضرره متعدي للغير من أفراد ومجتمع , كل في مجال تخصصه وبتكون جريمه في حق الجميع . |
رد: وضع الدرجات للطلاب ...تتسا
هي من حيث المبدأ انت محقة لا يستوي الذين يعملون مع الذين لا يعلمون
لكن ان كان انها ممكن تنطرد عشان نقطة ازيدها كان عندي تلميذ بلغ 14سنة في الابتدائي واحنا اقصى حد 11 ويعيد كل مرة اخذت الاذن من عند المديرة وساعدته عشان ينتقل للمتوسطة لانه صار يشكل خطر على الصغار دورة المياه ولا اسمح له يروح اخاف يتحرش باحد الصغار وايضا عشان نفسيته في طولي ويدرس مع الصغار اتفقت مع استاذة العربي وافتكينا منه لانه ممنوع ينطرد حتى يصير سنه 16 |
رد: وضع الدرجات للطلاب ...تتسا
أحيانا نحتاج أن نتغافل عن القوانين لأجل أن نكون أكثر إنسانية ,, فالقانون للجميع يُنصِفُ ,, لكن الحالات الشاذة نحتاج لأن نتجاوز فيها الإنصاف إلى الرحمة ,, مع التأكيد على تدارك الأمر لمن رحمناه بأن يجتهد قدر الإمكان ,, فهناك قلوبٌ قد يواجهونها تكونُ منزوعة الرحمة ,, ,, , |
رد: وضع الدرجات للطلاب ...تتسا
اقتباس:
فعلا مثل ماقلتي يشحتو درجات مدري ليه صار ظاهره في طالبات مايحتاجو بس كذا صار بدمهم يشحتو تخيلي طالبه جايبه درجه كامله بالمعدل جت تقول ليه نقصت شويه هنا انا انصدمت قلت انتي بالنهائي جايبه علامه فل مافي اعلى منها قالت ايه صح شكرا مت ضحك عليها وبنفس الوقت حزنت على الطلاب فيه شي اسمه كرامه وش هالجيل الي بنطلعه وماعنده ثقه بنفسه ولا احترام للنظام نعلمه اللف والدوران و الشحاته والاتكاليه |
رد: وضع الدرجات للطلاب ...تتسا
اقتباس:
التقييم امانه وحنا مو فاتحين لجنه خيريه والظروف بتاثر بتاثر يعني الجامعات و المدارس ماحطت قوانين الا عشان المخرجات تكون الاحسن والشخص الي حدته ظروفه ينفصل نتيجه لغيابه واهماله حتى لو شي فوق ارادته هذا نصيبه بالدنيا يعني الفصل مايجي الا بعد انذار اول وثاني وثالث وعقبه الرابع وانا ادرس طلبه بلامبالغه بيطلعوا اهم حتى من طلبه الطب وياثروا باجيال واجيال بارك الله فيك |
رد: وضع الدرجات للطلاب ...تتسا
اقتباس:
وش الي يقعد طالب لعمر 16 بالابتدائي اتوقع الي سويتيه صح وللمصلحه العامه قبل مصلحه الطالب والله اعلم |
رد: وضع الدرجات للطلاب ...تتسا
اقتباس:
الكل يشوف نفسه حاله شاده ومحتاج يجوني طالبات يبكو يبغون التحويل ورفع المعدل وطالبات يبكو مايبغوا ينزلوا عن مرتبه الشرف لانه تنقطع عنهم المكافاه وطالبات يبكو يبغوا يشيلوا الانذار وطالبات يبكو يبغوا يشيلوا الفصل وطالبات يبكوا يبغوا يتخرجوا وغيره وغيره اذا بنفتح المجال خلاص اجل لا نقيمهم ناخذ حالتهم و نعطي على اساسها الدرجه وانا بالاصل متغافله القوانين اكثر صرامه اساعد بلي اقدر عليه وبلامبالغه الطالب ماخذ فوق حقه مرتين فوق درجته النهائيه درجتين مااقدر فوق هذا بعد ارفع الى وين بستمر برفعن واطمرهم بالدرجات مدري كانت الحاله هذي استوقفتني وللحين افكر فيها هل اخطات ام لا |
رد: وضع الدرجات للطلاب ...تتسا
لا تفتحي المجال للكل وسيكون غير مقبول ان فعلت
لكن ان تنطرد طالبة ويضيع مستقبلها عشان نقطة فاشوف هنا مش لازم نطبق القانون بكل صرامة لم تفهميني حبيبتي قلت عندنا يمنع يسرح الطالب للشارع قبل سن 16سنة عشان ما يضيع مهما كان مستواه ضعيف |
| الساعة الآن 05:50 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©