|
بنتي تعبتني من ناحية الحمام
السلام عليكم
بنتي يوم كملت سنتين و 10 شهور علمتها عالحمام والحين كملت شهرين على تعليمها الحمام حاليا عمرها ثلاث تميت كم يوم اعلمها والحمدلله عقب صارت تعرف يوم احطها عالمرحاض انه لازم تسويها هني والحمدلله مافي مشاكل من ناحية تكرمون خروج البطن وتسويها بالحمام وبالليل وقت النوم اللهم لك الحمد صارت ناشفه لكن في مشكله وايد متعبتي وانا اشوف انها اهم شي انها ماتبين لي رغبتها انها تبغي الحمام يعني لازم انا اقول لها حمام وحمام واتم وراها واذكرها وطبعاً هي تعاند ماتروح بروحها او تبين لي رغبتها لازم انا اوديها وفعلاً تكون محصوره او بطنها بيمشيها وللاسف لين الحين تغلط يعني اذا انا ماذكرتها عادي تنسى وتسويها على نفسها وعقب ماتسويها تقولي ومبين انها متوهقه جربت اللين وياها وجربت المكافأه وخلاص لما مر اكثر من شهر بديت اضربها يوم تسويها على عمرها لكن الله يحفظها عنيده وماتتأثر بالضرب وعادي تضحك والحياة حلوه ف اللي ابغي اعرفه شو سويتوا عشان عيالكم يتكلمون يبينون رغبتهم انهم يبون الحمام للعلم انا دوم اشرح لها الموضوع واقول لها وين يروحون اذا في بول ؟ تقول نروح الحمام يعني ماشاءالله عليها تفهم وتعرف انه لازم بالحمام بس ليش لين الحين تغلط وماتقول لي بروح الحمام او حتى لو تروح بروحها ماعليه بس احسها ماتخاف ولين الحين تغلط تسويها على نفسها اذا ماذكرتها لين متى لازم انا اوديها واذكرها ان شاء الله بعد سنه بتدش الروضه |
رد: بنتي تعبتني من ناحية الحما
عزيزتي ربي يحفظلك ياها وتشوفيها احلى عروسة وبأعلى المراتب
بهيدي الشغلة بدها صبر وطولة بال من الام لانو وصلت لعمر يعتبر واعية شوي وكانت معودة انها ما تدخل الحمام فطبيعي بشهرين تنسى انها بدها تدخل الحمام والولد مرات بينسى باول فترة انا باولادي الثلاثة ابقى ست اشهر انا اللي ذكرهن كل ساعتين وصرت مع الوقت زيد الوقت لصار اربع ساعات وخمس وبنتي اول فترة من بعد الست الاشهر صارت تسحب معها سبع ساعات او ثماني وما تطلب فانا اللي الزمها تدخل واشرحلها ما بيسوى تبقى كل هالوقت و ابني اللي عمره 13 سنة مرات بيبقى كل النهار من وقت دخوله الصبح فدايما انا وياه بصراع انو اقل شي بعد خمس او ست ساعات يدخل ليصير اربع مرات دخوله كرمال صحته يعني مرات بنتعب مع الصغير والكبير بس بدها وقت اعطيها مجال لست اشهر وذكريها وهيك مع الوقت لوحدها بتصير تدخل وما تحب تعملها على حالها دعواتي |
رد: بنتي تعبتني من ناحية الحما
اقتباس:
مصيرها تتعلم، رفقاً بها، واستمري في عملية التوجيه حتى تتعلم ولو تأخرت، وعليكِ بالصبر وعدم استعجال النتائج، وليس كل الناس يتعلمون بسرعة لأسباب مختلفة، واياكِ والضرب رفقاً بتلك القارورة الصغيرة |
| الساعة الآن 10:02 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©