،، احمد ولدي محيرني بارتفاع حرارته والترجيع
 

السلام عليكم

بنات

احمد البارحة فتح درج المكياج ومطلع فرشاه جلوسات وحمر مثل هذه

http://3.bp.blogspot.com/-Vo4-d1Edvr...U/s1600/13.jpg
http://3.bp.blogspot.com/-Vo4-d1Edvr...U/s1600/13.jpg


ودخلها في حلقه من الجهة اللي بدون شعر ، وجت الخادمة قبلي وسحبتها ورجع شوي من الأكل اللي في بطنه ، طبعا ما دخلها كاملة بس شوي منها ورجع

ومن بعدها حسيته كل شوي يبي يرجع ، بعدها بشوي ارتفعت حرارته أعطيته مسكن
وخفت لا يكون في شي عالق في حلقه ، لكنه طبيعي جدا مجرد ما تنخفض حرارته يلعب وينط ويتهاوش مع اخته نفس كل يوم،

شكيت ان السالفة فبها تسنين لانه مايبي الحليب ، فتحت فمه لقيت الطواحن ورى قاعدة تطلع

الحين انا مو عارفة المشكلة عنده بالتسنين
ولا في شي بحلق ولدي وانا ماعرف ؟!

اليوم وقفت سالفة الترجيع الا قبل شوي سواها
خدوده منتفخة ويطلع لعاب منه

ساعدوني

رد : الحقوني بنات ،، احمد ولدي محيرني
 

ممكن انجرح وينزل للمعده فماتتحمل ويرجع
او تسنين
وبما اننا نخمن
فالمستشفى حل فوري

رد : الحقوني بنات ،، احمد ولدي محيرني
 

حبيبتي هذا تسنين مليون بالمية ،، انا بنتي الاحظها من وهي صغيرة بين كل فترة بعد بزوغ الاسنان الامامية المعذبة تصير فيها حالة ولدك يعني تسخن بشكل مفاجئ وغير متوقت من غير سبب واعطيها بندول وتصير فل الفل وترد ترجع بعد فترة فاكتشفت انها الاسنان الخلفية كل ما يبدا يطلع واحد تسخن مرة وحده وبعدها تختفي الحرارة! واللي ورا بعض الاحظها يومين ثلاث مسخنة زبعض الاحيان مثل البرد ويختفي يومين ثلاث مع البندول فقط ..

فلا تخافي لو كان فيه شي بحلقه كان ما قدر ياكل ولا يشرب ولا يقعد ساكت ولا دقييييقة ،،، الترجيع بسبب زيادة اللعاب من بزوغ الاسنان لتلطيف الالم عند الاطفال وايضا ممكن لما دخل هالشي بحلقه صار كشط او تجرريح بسيط جدا جدا للحلق وهالشي ساعد ع الترجيع اكثر ... راقبيه كم يووم وراقبي حرارته اذا نزلت وقل اللعاب اذن لا خوف واذا لا وديه الطبيب لفحص عادي للحلق ..

رد : الحقوني بنات ،، احمد ولدي محيرني
 

جزاكم الله خير يا بنات
ردودكم مطمئنة

وديته المستشفى ومافيه جرح ولا مبتلع شي
كلها أعراض تسنين

الحمدلله

جزاكم الله خير

رد : ،، احمد ولدي محيرني بارتفاع حرارته والترجيع
 

الحمد لله على سلامته
الله يحميه

رد : ،، احمد ولدي محيرني بارتفاع حرارته والترجيع
 

رد : ،، احمد ولدي محيرني بارتفاع حرارته والترجيع
 

استخدمي له القسط الهندي عشان التسنين وبتطلع بسرعه وبدون حراره
ومايشوف شر يارب

رد : ،، احمد ولدي محيرني بارتفاع حرارته والترجيع
 

شكرا أخواتي

عزيزتي رائحة البخور
كيف أستخدم القسط الهندي

رد : ،، احمد ولدي محيرني بارتفاع حرارته والترجيع
 

عن جابر رضي الله عنه أن النبي صلى الله عليه وسلم دخل على عائشة (رضي الله عنه) وعندها صبي يسيل منخريه فقال: ما هذا ؟ فقالت: إن العذرة. فقال: (ويلكن لا تقتلن أولادكن، أيما امرأة أصاب ولدها العذرة أو وجع في رأسه فلتأخذ قسطاً هندياً فتلحكه ثم يسعط به ) فأمرت عائشة فصنعت به فبرئ.
وقد روى البخاري أن أم قيس بنت محصن الأسيدة أتت النبي صلى الله عليه وسلم بابن لها قد أعلقت عليه من العذرة فقال النبي صلى الله عليه وسلم:(علام تدغرن أولادكن بهذا العلاق؟ عليكن بهذا العود الهندي فإن فيه سبعة أشفية منها ذات الجنب ) يريد الكست
حبيبتي معروف القسط الهندي للتسنين انا بنتي جننتني بالاسنان وطلع عندها عظيم ورحت لحرمه ترفعه والله معاناه لين قالت لي صديقه استخدم القسط الهندي فسبحان الله حتي حراره مافي،،،الحين بنتي مثل ولدك جالسه تطلع الاضراس والانياب كمان والحمد لله لا حراره ولا ترجيع
انا اشتري القسط الهندي الي لونه بني واكسره واطحنه ناعم ،،، طعمه طبعآ غير مقبول والطفل ماراح يحبه يبي له فتره يتعود عليه،،، حطي شويه من القسط المطحون مع حليبه بالرضاعه واحسن يكون جيعان عشان يشربها وماينفر من الطعم
طريقة الرسول باستخدام القسط للاطفال كالاتي:
تطحني القسط وتخلطينه مع زيت الزيتون وتنقعيه يومين
بعدين تحطيه بقطارة الانف وتقطري لطفلك منه عند اي برد او ترجيع او حراره
القسط الهندي ممتاز للامراض الروحيه كالمس والعين والحسد والجن وغيره
سبحان الله اول مااقطر لبنتي باانفها عطول تعطس واذا عطست خرج كل شي بالراس من جراثيم او غيره ع حسب تفسير حديث الرسول
حتي اولادي الكبار انقعه لهم بمويه واخليهم يتغرغرو ويشربو منه لو جاهم التهاب لوز او زكام او مغص
الرسول يقول خير ما تداويتم به الحجامه والقسط الهندي
انا استخدمه بعد
شوفي حبيبتي انا ارتحت لبنتي عليه وحمدت الله بعد عذاب الترجيع وقلة الشهيه والدكاتره والادويه الشعبيه وشفت نتائج تمنيت لو استخدمته لااولادي الي قبل
اتمني تدخلي قوقل وتقرائي عن القسط الهندي لااني مهما بتكلم ماراح اوفي الموضوع حقه
بالتوفيق حبيبتي،،، اي سؤال انا حاضره🌹🌹

رد : ،، احمد ولدي محيرني بارتفاع حرارته والترجيع
 

حبيبتي حرارة الاسنان ماتزيد عن 38 انتبهي لهذي النقطه
احيانا يكون ملتهب ( يسمونه شمم ) تحصلين اللثة منفخه زياده ويبكي
وعلاجها بسيط افركي اللثة بنعومه بمر مطحون مرتين باليوم
فيه بالصيدليات جل مبرد للثة يريح الطفل
وفيه انواع من العضاضات تريح الطفل ، انا ولدي كان مايرتاح الا بالأسلاك
خوذي سلك وغسليه كويس وعطيه يعضه بس انتبهي لازم يكون طويل وعريض عشان مايفكر يبلعه
عمتي عندها طريقه للاطفال في وقت التسنين بس انا تقرفني الريحه وما اسويها لعيالي
بس طريقتها تجيب شاش طبي وتحط فيه محلب مطحون وتبرمه وتعطيه الطفل يعضه