ارغب باعطاء سيارتي لموظف عندي
اولا الحمدلله اشكر الكل اللى وحهونى بموضوع الورث وانتهى على خير ولله الحمد
وبشكل مرضى لنا الوالد تنازل فعلا لى و اخوى تنازل عن شيء من حقه > شيء بسيط المهم نتيجه دا انا صفيت بعض اشغالي .. كان عندى اثنين موظفتهم واعطيهم راتب متساوي و احد عنده سياره حقته والثانى لا انا سلمته سيارة يسوى فيها الشغل وتبقى معه طول اليوم .. الاول غير سعودي اجنبي و الثاني سعودي و معاه بكالوريوس .. بس الحق ان الاول شغله ممتاز و محافظ على المواعيد و فاهم يعنى الثانى لا مو مره فاهم و يغلط و يتعبنا بس انه يحاول يجتهد .. عطيت الاول مستحقاته اللى باقيه به عندى ومشيته ، زعل و قال خلينى ومابغى راتب اعطينى نسبة وانا راضي وفعلا كل وقت و الثانى ان احتجته طلبته وكذا .. بقى عندى الثانى و الان ابغى امشيه هو بعد ، لان زوجى معارض وجوده .. بعطيه السياره له كنهايه خدمة مع رواتبه .. لكن هل اكون كذا ظلمت الاول ؟! زوجى يقول دا معناه تعبير عن اعجابك فيه ! وراح يفهما هو كدا < ميت منه غيره هل فعلا راح يفهمها كذا علما انه صغير عمره 23 .. تم تعديل العنوان ليتناسب مع المضمون |
رد: هل تصرفي صح ؟
فيلكا مافهمت وش كان شغلهم
مندوب يعني وليه عطيتيه سياره ملك والف مبروك حليتي مشكله الورث وجزا الله الاعضاء خير الي وجهوك لا تنسيهم من دعاءك |
رد: هل تصرفي صح ؟
السياره مو ملك له انا عطيته اياها لزوم الشغل
بس الان بستغنى عنه و بعطيه السياره له ملك بنقلها باسمه .. لو على احتاجه مابغى استغنى عنه بس ابراهيم حاط دوبه منه ! مو متدوب شغل يخلص بعض الامور لي .. |
رد: هل تصرفي صح ؟
مادري اذا بتعبرينها صدقة
و هل لازم المساواة بين موظفينك هذي اسالي فيها مفتي كذلك ماعندنا خبره😅 من قال لا اعلم فقد افتى |
رد: هل تصرفي صح ؟
انت تقصدى ان السيارة مقابل مستحقات نهاية الخدمه حقه |
رد: هل تصرفي صح ؟
مو حقه
مستحقاته عطيته اياها كامله السياره شيء زايد من عندي له .. |
رد: هل تصرفي صح ؟
يستاهل الاجنبي ياكل على راسه ويتم فصله من العمل لأنه :
اخلص في عمله + اشتغل على سيارته + عرض انه يشتغل بدون راتب + لم يتذمر وكذلك يستاهل ابن بلد صاحبة العمل السيارة فوق مستحقاته لأنه : كسول + كلفها سيارة (لم يشتغل على سيارته) + كسر خاطرها لانه ابن بلدها |
رد: هل تصرفي صح ؟
هذاك رد (اعلاه) استفيدي منه
وهنا رد اخر ايضاً استفيدي منه : الحمد لله انتهى الورث على خير (وش صار بنصيب الجدة؟) بخصوص مفهوم حبيبنا الشيخ ابراهيم فهو مفهوم قريب من الصحة لانه: رجل مثله + احتك به وعرف مويته (طينته) --------- رد اخر: ماهو مقياسك في الموضوع اللي هو تساؤلك عن صحة ماتريدين فعله: 1- الشفقة. 2- الرحمة 3- العدل ؟ |
رد: هل تصرفي صح ؟
ابن البلد ماعنده سياره عشان يشتغل عليها
فعلا كاسر خاطري انه ماعنده سياره .. من باب الرحمه بعطيه اياها مو هاين علي اخذها منه عشان انتهى شغله ! فضلا على انى ماحتاجها ولو ببيعها ماراح ترجع قيمتها الاساسيه لانى شريتها جديده الاجنبي مايشتغل دون راتب ياخذ نسبة من الشغل يعنى باليوميه .، اللى مخلينى اتردد هو فعلا تفكيره حسب كلام ابراهيم ؟ مع انه مجرد تخمين يعنى لو انت مثلا وحده تعطيك سياره كيف راح تفهمها ؟! انا كثير اقضى معه وقت و كثير يسولف معي بكل شيء و كم مشوار يكون معى فيه حتى الميانه طاحت < واتوقع هذا اللى مخلى ابراهيم بيمشيه .. لكن مدرى هل هذا ظلم للاول ؟! |
رد: هل تصرفي صح ؟
هل هو فقير ومحتاج والسياره بتكون صدقه له
هل بتوقفي هالبزنس نهائيا |
الساعة الآن 12:44 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©