منتدى عالم الأسرة والمجتمع - وسائل جديدة ! ( جرأة )

بسم الله الرحمن الرحيم

هذه أول مشاركة لي في منتدياتكم ، بس حبيت أضيف أفكار رومنسية أتمنى إنها تضفي لمسات سحرية على حياتكم ، مع تمنياتي طبعاً للكل بحياة زوجية كلها سعادة وعسل ..

أولاً :
البخور / العطور / الورود / الهدايا التقليدية كلها وسائل معروفة للسعادة ، لكن جا وقت التجديد وانتحاء مسار حلو غير اللي تعودنا عليه بحيث إن شريك الحياة يتفاجأ بأشياء ماكان متوقعها من الأساس !

الخطة سهلة وبسيطة ، محتاجين لمريلة طبخ بس !
بدل ثوب النوم الشفاف والمثير ، خلي الجو فيه شوي روح فكاهة ومرح مثير ، البسي مريلة طبخ من غير ماتلبسي تحتها أي شي ، ولاحتى ملابس داخلية ، اخبزي كيكة تحبونها إنتِ وزوجك ، جهزي غرفة غير غرفة النوم واستقبلي زوجك بمريلة الطبخ وصحن الكيك ، فاجئيه بإن مافيه سرير الليلة إنما مرتبة عادية عليها سفرة بلاستيك من النوع القوي مغطية بورق ورد أبيض وأصفر وأزرق لكن لاتستخدمي اللون التقليدي الأحمر ، والعصير عبارة عن عصير فراولة طازج معصور في البيت ، اوقفي قدامة مثل ( غرسونة ) مغرية ، واستانسي بضحكاته على طرافة الموقف ، والسهرة سهرتكم !
ولاتنسِ تكن ريحة الكيكة هي المنتشرة في الغرفة بدل ريحة البخور والعطور ، ليلة تسلية ومرح رومنسية !

ثانياً /
الباشا زعلان يبيج تراضينه !

بسيطة ولايهمج ، مافي أسهل منها !
روحي المطبخ وسوي أي شي يحب ياكله ، دوري على شريط موسيقى شرقية ، البسي ثوب مغري لأقصى حد ، لمن يجي الباشا الزعلان سوي نفسج تكلمين صديقتج بالتلفون ، قولي لها : الليلة مسوية لكم سهرة ، رقص وضحك وكل شي !
طبعاً الباشا بيستغرب من كلمة رقص ، وبيفتح عيونه على الآخييييير ، ترقصين وبهاالثياب اللي تكشف أكثر ماتستر مع صديقاتج ؟! طبعاً زعلان هو مايتكلم ولايقدر يعبّر عن وجهة نظره دون ماتراضينه ويجي الكلام من طرفج ، المهم كملي الخطة وقولي للصديقة المزعومة : آنا بتدرب من ألحين على الرقص ، ياخوفي نسيت هزّ الخصر وتوابعه !
بيدور راسه من كلمة ( توابعه ) !
قومي شغلي الموسيقى وارقصي بالفستان قدامه من غير ماتعطينه وجه ، بعدين طالعي في الساعة وقولي بصوت عالي علشان يسمع : مالبست ثيابي للسهرة ، لازم أتمكيج !
دخلي الغرفة والبسي فستان أحمر مثير أكثر من اللي عليج ، يعني مايغطي إلا جزء بسيط منج ، استمتعي بنظرات الزوج المذهول المتحيّر ، اتمكيجي بأحسن ماتقدرين عليه ، روحي له واوقفي بصرامة ، حطي يدج على خاطرتج وهزي جسمج بدلال ودلع وانت تقولين بصوت مرتفع دلوع :
- صديقاتي بيسهرون معاي الليلة ، قوم اطلع شوف لك مكان تسهر فيه !
شغلي الموسيقى مرة ثانية وارقصي قدامه ، لما يمر جنبج اعملي نفسج متعرقلة وطايحة عليه من الرقص ، حطي ذراعج حوالينه وقولي : ياااه حبيبي لوما كنت جنبي بكل ماتقدرين تحطين في صوتج من إغراء ودلع ، لاتنسي ابتسامة التقدير والامتنان المغرية ، انتظري كلمة الغزل الرقيقة قبل ماتسوين نفسج تتكلمين في التلفون وتقولين : سوري حبيبتي ، بلغي السهرة لأن عندي مشاريع أهم . .. ولاتنسي الغمزة الحلوة بعيونج وغزل الحواجب اللي يذبح !

وبعدين بكمّل إذا عجبتكم أفكاري ..

سارة !