|
ما رأيكم في فسخ الخطوبة لسبب الجفاف العاطفي
السلام عليكم جميعاً بصراحة احد الزملاء لي استشارني بقضية يمر فيها ولم استطع حلها وحبيت اطرحها عليكم الرجل ملك على بنت حلال ومن يوم ملك الى اليوم لهم اكثر من شهرين وهو مايشعر بها وهي ماتشعر به يعني حتى اتصالاتهم معدومة واذا حاول يكلمها ماترد واذا ارسل لها ترد عليه بجفاف علما انه يقول انه السبب في معاملتها غريب وليس خجل لانها تتكلم معاه باسلوب مباشر انها تريد خادمة وتريد وتريد وهذا ماجعله يلغى موضوع الخجل ... والرجل في البداية كان مهتم ويجيب هدايا ويعاملها بشكل حنون وحلو لكن هي جافة معاه وحتى لمن يجلسون مع بعض عندما تتحدث عن مطرب او فنان فلاني فان الفاظها غريبة مثل فديت قلبه يالبه عمره ومن هالالفاظ الغريبة الرجل جاني امس ويقول انا بطلقها وحفلتهم قريبة في ايام العيد (حفلة الخطوبة) وبصراحة يقول البنت مو حابتني ابد وانا مابي اغصب روحي عليها انتم وش رايكم هل هذا سبب كافي او ممكن انها تتغير ويتحملها لكن يخاف انه ينجبون عيال وتصير المشكلة اكبر |
اخــــــــوي بصراحــــه تعاملهاهذا واسلوبهااكيـــدله سبب!!يمكن مجبوره عليه وماتبيه اوفيه سبب ثاني ..لان مافي بنت تتكلم مع زوجها بها الجفااااف والاسلوب المباشربالطلباات ومدح الفنانين اقباله ومافي اي اعتبار له اواحترام كأنه اسلوب تطفيش وتكرهه فيها
نصيحتي لصديقك يجلس معهاويتكلم معها بصراحه ان هالوضع والاسلوب اللي تعامله فيه موعاجبه ومضايقه وخصوصا ان حفلتهم قربت ويختصرون المسافه اذا فيه مشكله تنحل قبل لايطيح الفاس بالرااس.. |
عليكم السلام ورحمة الله وبركاته
اهلا بيك اخوي ندخل بالموضوع اخوي انا اشوف بسالفه الاتصالات الانسان مايعرف وش بنفس الاخر اتمنى يسألها ليه ماتردي وكذا و الخادمه يقولها بكل صراحه انا لااريد خادمه وكل اللي بنفسه يقولها والافضل انه يصارحها تبيه او لا ومقتنعه فيه اولا. |
اول خطوة يصارحها ويكلمها بكل شي مو عاجبه ومو راضي عنه وبعدين ممكن يشوف ايش بسوي لانو لازم يفهم السبب بعدين يقرر
|
الزوجه هي المفروض ان تتودد لزوجها .. او علي اقل تقدير الا تعامله بجفاء .. و لكن يصل الامر ان تعامله بجفاء .. فهذا من سوء العشرة و ضعف الايمان .. فمن مواصفات الزوجة الصالحه .. "الودود الولود" .. اري ان يطلقها و بلا تردد ..
|
دكتور فراس مساء الخير طبعاَ زميلك ما إستشارك إلا أكيد ثقته فيك ممتازة وهذا شي طيب وبما إنك طلبت رأينا فأنا بعطيك رأيي فحسب كلامك (إنو ماترد على الإتصالات + الرسايل بالقوة تطلع منها + مدح فنان أو ممثل بهذي الطريقة + طلبات) على ما أعتقد إن الموضوع مايبغاله تفكير و بدون الواحد مايجلس يفكر و يسئ الظن بالبنت إيش سبب معاملتها هذي!!! بنات كثير يتمنون العريس هذا و يحطونه فوق روسهم ... بس زميلك شكلو رامي العفش المعطيات اللي كتبتها لنا ماتبشر بالخير لا بالمستقبل ولا بالحاضر ... |
اشكركم اخواني على الردود والله يريحكم وانا بصراحة رأيي من رأي الاخوان رجل حليم والسمو لانه المعطيات تقول انها طاقة له الكشرة 24 ساعه وهو بصراحة عزيز نفس ومايبي يرمي نفسه عليها خصوصا انه متعلم كويس ومن اسرة راقية وحنون وخجول ولاعمره غلط ولايعرف يسافر والا مثل هالشباب وانا بصراحة اشهد له لكن بعض البنات تحب تخرب على نفسها واعتقد انه هي اللي خسرته والله
والرجل قرر وكلم اهلها انه يبي يفسخ واشكركم مرة ثانية وعسى الله يكتب اللي فيه الخيرة |
اقتباس:
|
اقتباس:
صحيح كلامك وهذا الامر صار وتكلم معها عن الخادمة وبأسلوب مؤدب قال لها الخادمة ماهي مشكلة لكن اخاف عليك من النقد قدام الناس يقولون بنت عروس وتطلب خادمة انا مستكثرها في حقك وكلام مرة لطيف وقال لها ان شاء الله اذا جوكي عيال ماعندي مشكلة ابد ومن هالكلام لكن العوج عوج وانا اشوف انه ماتستاهله فرق كبير بالاخلاق والتوافق الفكري |
اقتباس:
|
| الساعة الآن 04:13 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©