التصرف الصحيح مع غلط زوجي مستجدات الرد44
 

ياجماعه استشيركم
انا امر بامور متعبه
مرض ولدي
عندم الانجاب
زوجي واخلاقه الي صرت ماعاد اتحملها
اليوم قررنا نطلع نفطر والله لا يعيد هذي اللحظه
وكنا قبل فتره متفقين ع الاحترام والقيام بواجبات بعض
للامانه اجتهدت وبذلت قصارى جهدي بشهادته
لكن زوجي بقي على سوء اخلاقه
اصبحت لااطيقه اطلاقه يعني كرهته
اخلاقه سيئه جدا
بذيء اللسان يعشق النكد والسوء المعيشه عكسي تماما
المهم اتفقنا نفطر في احدى المطاعم في احدى المجمعات وسبق افطرت فيه مع صديقاتي
اول ماوصلنا قال انتي كذاابه ومااحد يصدقك شوفي مقفلين
صراحة الكلمة ضايقتني
المهم طلعنا فوق نبي المطعم واحنا طالعين شاف شاشة تعرض اجهزه جلس يصور عشان زملائة
وفي حريم طالعين جو وسالوني فاتح المطعم قلت ماادري بس اعتقد خلال هالدقايق يفتح
جاء زوجي وبطريقه تسيء لي وقال تكلمي وش فيه بصوت عالي وتهجم احرجني
صمتت وكملنا طلعنا
متنرفز
بيني وبينه امتار وهذي اكرهها وسبق واتفقنا ع هذي النقطه انه ماعاد يسويه ورجع لها باسوء
طلعنا وولدي هرب مننا لحقته وجبته لما جبته قال اضربيه او اقرصيه
قلت حرام طفل ومريض لا ماراح اضربه
باستغل المكان واعدل سلوكة وكنت مبتسمه واحاول تلطيف الجو
سحب كرسبه وانسحب من الجلسه بكل بجاحة وجلس ع جواله
جلست مع ولدي حاولت استغل المكان لاافادته
حتى صار الطلب قال روحي اطلبي
رحت طلبت ورجعت
جاء الطلب واخذه قال وين تبين نجلس قلت عادي اي مكان
ماكلمته لاني مابي اغلط عليه
حاول يتكلم جاريته
خلصنا رحنا نغسل وطلعنا نبي المصعد راح قدامي بامتاااار
ودخلت المصعد وهو راح الصرافه
نزلت
وانا جد جد تلفانه اعصابي وتعبانه حددددي منه
فيه محل تحت يعجبني اغراضه غريبه
كنت بروح اشوفه واشوف الجديد
نزل وصار ياشر لي بطريقه مخجله دقيت عليه ابغى انبهه ان احنا متفقين مانفقد الاحترام
مارد
وجاء صوبي بطريقه مااحبها
ويحرك يده ليه ليه جايه هنا يالله امشي
مررره حسيت نفسي ماعاد اقدر اصبر عليه قلت له بالكلمة
تعال معاي راح يعجبك المحل وراح وعند باب المحل سواء حركة الاسلوب نفسه غلط
جلس عند الباب وعيا يدخل جرحني كنت اتمنى نتفرج مع بعض وننسى الي سواه وخبص فيه فوق
بس زاد الطين بله بتعامله معاي
طلعت قلت وصلت حدددددددي ماعاد اقدر اتحملك
حلفت ماعاد اكمل معاه
لان احنا متفقين قريب ماعاد يكرر ...معاي وخبرته قبل ترى انا وصلت حددي ماعاد اقدر اتحمل اي خطاء منك
لكن اليوم ومجمل اخطائه
ضيقت في عيني مابقي
قال يالله امشي باوديك
قلت اي نزلني اهلي ومشينا بالسياره جاتني ضيقه والم وبكاء احس بضغط وكرررررره اتجاهه
مشى عالبيت واعرف انه خاف من مواجهة ابوي وخايف يخسرني لاني منبهته من قبل
قلت مابي ادخل ابي اهلي
ودخلنا البيت وانا ابكي كارهته كارهته كارهته وصرت ادعي عليه ان الله يبدل القوة الي يتصنعها قدام الناس بضعف ومرض وقيلة حيله وادعي قدامة لاني تعباااااانه منه ومن وضعنا

قال تبغين اهلك
دقي على اخوك فلان
يجي ياخذك قلت ليه تسبه وتنعته كذا ماسبك ولاذاك دليل على ... وعدم احترامك لااهلي

افكر ادق ع ابوي يجي للبيت
هالمره ماراح اسكت ابدا ابدا

احس صدري انتفخ مضغووووووط يكفينا ولدنا والهم مفروض نوسع عن بعض نبسط بعض مو ننكد ع بعض

وش التصرف الصحيح مع هذا الانسان هاوي وراغب النكد والمشاكل

(مستجدات الرد44)

http://66n.com/forums/showpost.php?p...8&postcount=44

رد: التصرف الصحيح مع غلط زوجي
 

لا حول ولاقوة ألا بالله


طيب ليه معصب قبل ما تطلعون هل صارت بينكم مشكله كبيره قبلها لأن واضح أنه متضايق من شيء؟
هل سبق دخلتي أهلك في مشاكلكم وفضحتي زوجك عند أهلك ؟


أنا حاسه فيك أنتي حبيتي تطلعين تغيرين جو مع زوجك وولدك وتنكدت الطلعه


مهما صار لا تدعين عليه بيظل أبو ولدك

رد: التصرف الصحيح مع غلط زوجي
 

لا أنتبهي لا تقولين لأهلك لا يكبر الموضوع

الوحده ما تدخل اَهلها ألا في الأشياء الكبيره شرب مخدرات خيانه


وسؤال أخير بدون تطفل ما هو مرض أبنك ؟

رد: التصرف الصحيح مع غلط زوجي
 

للاسف هو كل شي مسويه خيانات وبلاوي
بس ماضي وحاولت اطويه
بعد طلاق مرتين
وباقي وحده
هو كذا طبعه انسان نكدي يحب نفسه اناني
ولدي بطل من ابطال ( التوحد )
الحمدلله على كل حال

رد: التصرف الصحيح مع غلط زوجي
 

ولدكم هذا بأذن الله بيكون طريق للجنه أحتسبو الأجر في تربيته


سؤال رابع هل زوجك تغير بعد أنجاب هذا الطفل الأول هل كان قبلها طيب معك ؟

رد: التصرف الصحيح مع غلط زوجي
 

زوجش مفتقد لحياتكم السابقه

بعد مرض ولدكم الله يشفيه انقلبت حياتكم واصبحت مختلفه عن السابق ... المسؤليات زادت والهم كبر

وانتي انشغلتي عنه بولدش ... مفتقد لش

لو طلعتوا بروحكم من غير ولدكم كان عاملش بطريقه ثانيه

هو مش فاهم ولا مصدق ومستوعب ان حياته كلها راح تتغير وقاعد يتأفف مثل الطفل على الي بيواجهه ويحاول يتهرب او يتملص

دورش خليه يتحمل ولا ترفضين الخروج معاه راح يتعود مع الوقت على الصبر والتعايش على الوضع الجديد

رد: التصرف الصحيح مع غلط زوجي
 

لا والله
هذا هو من ايام الزواج الاولى
تكفين لاتسالين عن الماضي لانه مؤلم لي

رد: التصرف الصحيح مع غلط زوجي
 

تتوقعين انه عشان مرض ولدنا
بس وش ذنبه ياعمري مررررره انا غالب علي الحزن بس لي فتره وازنت تقريبا
وحاولت اجتهد
وسوينا فيزا لممرضه وشغاله لولدي
كلامك جدا جدا واقعي

رد: التصرف الصحيح مع غلط زوجي
 

اذا هو تعبان من الوضع فاانا تعبانه اضعافه مليون مره
اتعذب واتالم وابكي واسهر
واجتهد عشان مااخسر طفلي والواجب يوقف معانا

رد: التصرف الصحيح مع غلط زوجي
 

أول شي تعايشو مع هذا الوضع التوحد أضطراب سلوكي وليس مرض

زوجك لازم أخد يكلمه ويفهمه أنها مو نهاية العالم كونه أب لطفل توحدي


حاولي تنظمين وقتك بحيث تجلسين مع زوجك وقت خاص أثناء نوم ولدكم


أطلعو بعض المرات بدونه ولدكم ( التوحدي روتيني ولا يحب تغيير المكان وبيبكي وأكيد زوجك يتضايق من بكائه ويعصب )



جربي تشغيل سورة البقره أخر اليوم و القريه على ولدك راجعي مع أستشاري نفسي يوصف له أدويه تخفف توتره و حدة أعراض الأضطراب



التوحد منتشر بكثره أنا ألاحظه في مجال عملي كمعلمة مرحله أبندائيه التعامل مع هؤلاء الاطفال متعب ويبي لهم طولة بال