|
هل أعلم ابني الحمام و هو لا يتكلم ؟ (حُلت و لله الحمد )
السلام عليكم و رحمة الله و بركاته
ابني صار عمره سنتين و 8 شهور و حتى الآن ما بيحكي شي إلا كلمتين مو أكتر المهم انه انا زهقت شوي من موضوع البامبرز و خصوصاً انه عندي اخته كمان انتاج مستمر :15: و الناس طبعاً كلما سألوا عن حمودة بسألوا نظف حمودة ؟ كل يومين يعني:( وطبعاً حمودة رايح عالمدرسة بشهر 9 (سبتمبر) و مو معقولة يروح و هو لسا بستعمل البامبرز ^^ يعني لازم ضروري يتعلم ، بس صراحة ما عندي أي خبرة :24: و خايفة انه ما يتعلم لأنه ما بيحكي : ( أعلم ان كل طفل يختلف عن الآخر لكن محتاجة تجارب الأمهات اللي أطفالهم تأخروا بالكلام أنا اشتريت كل الأدوات اللازمة للتعليم و باقي خبراتكم و نصائحكم و ابدأ المهمة الصعبة:18: الأدوات اللي اشتريتها : هي النونية (القعادة ) العادية + اللي بتنحط على التواليت + البامبرز اللي شكلها متل الداخلي Pampers Easy Up |
والله ياماريا انا عندي نفس مشكلتك
بس فكرت ادخله حضانه عشان يعلمونه , مع باقي الاولاد .. لاني اشتغل وماعندي الوقت الكافي لهالشي |
اقتباس:
شكرا نآااني لا هالحل ما بنفع معي شكرا :d الله يعينك و يعيني قولي آمين |
هلا ماريا
اول مرة ادخل موضوع فيه مشكلة الك او بالاصح سؤال اتمنى اني اعطيكِ حل مثل ما بتعطي حلول للغير يارب هل حاولتي انكِ تجلسيه عليها او تمرنيه والا لسه ما جربتي ؟ |
ماريا حبيبتي عندك أطفال اكبر من ابنك هذا الله يحفظه ويخليه يارب ؟
|
ماريا
قبل كم يومك افتكرتك انتي وابنك لانه حصل معانا نفس ما حصل معاكم قاعده احاول اعلمه العد وبامسك اصابعه وباقوله ون تو ثري واعيد واعيد واعيد بالاخير صار يعد باصابعه بس ما يحكي قاعد يعمل لحن صوتي وانا اعد هههههههههه افتكرتك على طول انتي وابنك الله يحفظه.. عموما حطي ببالك الذكور بيتعبو في تعليم الحمام مش زي البنات بيلقطوها لقط بس هو ولدك بيفهم الكلام لما تحكيه مضبوط؟ ممكن تحطي عند باب الحمام صحن فيه بسكوتات وكل ساعتين خوديه الحمام وقعديه على الكرسي وشغلي صنبور المويه قدامه وقوليله يلا نسوي ( وي وي) اذا عمل كافئيه وانتم طالعين من الحمام بالبسكوت... بس تعرفي الطريقه هذي يبغالها طوووووووووووووووووووولة باااااااااااااال جدتي علمت اخوي عالحمام الطريقه انه كانت بتفلته بالبيت يدور بلا ملابس داخليه يعني مهوي وهو لانه اتعود انه بيعملها عالبامبرز بيصير يصرخ بدو البامبرز فتشيله وتحطه على كرسي الحمام وهكذا.. جربي وقوليلنا الاخبار.. |
مارياا حبيتي
ابنك راح يدخل مع ابني النيرسيري ان شاء الله ابني اكبر من ابنك بـــ4 شهور ولدي الحمدالله مايلبس حفاااظه من قبل شهرين بس لما ينااام يعملهااا:) اما لمايكون صااحي يدخل عااادي الحمام ويعمل كل حاااجه وبعدهاا يناديني يقول تعالي اغسلي<<<شغالتو انا:( كيف علمتو كرهتو بالحفااااظه كل مره اقول عليهاا اووووف مش حلوه مش كويسه الحفاااظه كيخ ولما يجيب يقولي لبسيلي ايهاا اقوله لا الحفاااظه للأطفاال زي اختك تلبسهم بس انت بيك بوي <<<<لاتستهيني عشان مايتكلم ترى راااح يميز ويفهم!! ومرات هيييك ومرااات بعين الحمرااا الحين الحمدالله ماصار يلبسهاا الا بالليل وهو نااايم لان لما يكون صاااحي يرفض ويقول الحفااااظه كيخ ماشاء الله عليه بس مارياا ولدك ماوديتيه الجي بي عشان الاخصائي التخاطب ولا عاااادي؟؟؟ |
اقتباس:
اهلين سعاد شرفني وجودك :) يا ستي جربت من سنة تقريباً اني اجبرو يقعد عالنونية و كانت محاولتين و بس لأني وقتها ما حدا نصحني كمل لأنه كان صغير وبظن انه نسي ابني ما بيعرف حتى الحمام شو الغرض من وجوده بالحمام هو بس بدخل الحمام بحب يكبس الزر و يعمل فلش للمي و بطلع اقترحوا الناس عليي اني لازم يشوف حدا عم بستخدم الحمام حتى يعرف هدا مشان شو ، بس استحالة نقدر نخليه يشوفنا طلبت من رفيقتي يشوف ابنا وقت يدخل الحمام بس بالصدفة كل الزيارة ابنا ما احتاج الحمام اقتباس:
عندي بنتي 8 شهور اقتباس:
شكراً لفكرتك بجربها ان شاء الله اقتباس:
اديه وقت أخد معك موضوع التعليم كلو ؟ بالنسبة للجي بي انتقلت على منطقة جديدةو لسا ما سجلت من يومين رحت بدي سجل طلبوا مني اثبات العنوان و فاتورة و مدري شو ، و لما جبتن اليوم أخدوا عطلة ولي على هالجي بي كمان الخميس ما بدوامو بعد الـ11 :( .. المهم انا سمعت انو بقدر شوف الهلث فزتر و قلا على مشكلة الكلام و بهالطريقة ممكن ياخدوه عالنبرسري دوام كامل من 9 للـ 3 بس بعتمدعلى المنطقة و المدرسة سمعت عن رفيقة رفيقتي من مصر هيك عملت لبنتها |
كنت حابة اساعدك
بس الطريقة اللي بعرفها ان الام بتخلي ولد يقعد على النونية قدام ابنها ولما يقوم { طبعاً مو لازم يعمل شي المهم يشوفوا قعد } بيصفقوا للولد وبيعطوه حلوى لحتى يغار منه ويقلدو ...لو عندك جارة ممكن تستعيني باحد اولادها او بنوتاتها الصغار هذا اللي بعرفوا والتدريب خاصة ان مشكلة ابنك ما بيعرف اصلا الحمام لشو فطالما عرفنا المشكلة سهل نحلها عوديه انه يجلس على التواليت مع التكرار بتعود والله يخليه يارب وتفرحي بيه ويحفظه هو واخته يارب |
اولا
مسألة عدم كلام ابنك في هذا العمر .. لااااااااااااازم تنتبهي لها .. وتعرفي الاسباب لانه وبصراحه امر مقلق الله يطمن قلبك عليه .. ثانيا : استخير ي ربك .. وادعيه انه يسهل لك هالمهمه . . " لا تضحكي:) .. بجد انا اعتبر هالمرحله اصعب من الولااااده:29: ".. ثالثا : راقبي اذا كان ينام في النهار لمدة ساعه او ساعه ونص وصحى وحفاظته ناشفه فمعناته انه عنده استعداد .. وبما إنه ما يتكلم فهذا راح يصعب عمليه التعليم شوي .. عموما أبدئي يا غاليه معاه لمده اسبوع كل نص ساعه روحي فيه الحمام واذا سواها في الحمام المرة اللي بعدها روووحي فيه بعد ساعه .. واستمري على الروحة به كل ساعه لمده اسبوع اذا لاحظتي تحسن وانه بدأ يعمل رقم واحد أو رقم 2 في الحمام فهذا يعني انه باذن الله مستعدددد .. ولا تنسي االهدايا التشجيعيه في كل مرة .. وتحذير هااااااااااااااااااام اذا بدأتي لا توقفي الا بعد اسبووووع مهما صاااار .. ولتسهيل عملية التنظيف اشتري من الكلوتات البلاستيكية المبطنة اللي تمنع ثلاث ارباع الكمية بحيث يدوب تتبلل ملابسه والاثاث يظل سليم .. كل اللي كتبته عن تجربة مع ولدي .. اتمنى تطمنيني عن ولدك بعد اسبوع من البدء معاه .. تمنياتي لك بالصبببرررررررررررررررررررررررررر والتوفيق .. ت ح ي ا ت ي.. |
| الساعة الآن 02:54 PM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©