|
بنتي جننتني !
ولدت قبل أسبوع تقريبًا ..
هبّلت فيني بنتي عمرها 4سنوات أحيانًا أبكي خلاص تعبت مرة من حركاتها ومن استفزازها المستمر .. تسوي تصرفات مو معقولة ! أشياء أبدا أبدا ماقد سوتها !! اشتريت لها آيباد مع اني كنت رافضة نهائي اول الاجهزة الالكترونية ، لكن ابغى شيء يشغلها وقت النفاس .. بس للاسف حتى الايباد ما اشغلها ! تسلطت على الخادمة تضربها وترفسها .. والخادمة لها قدرة على التحمل الضعيفة مو مجبورة تتحمل بنتي! حاولت احتويها واتجااااهل تصرفاتها وابرد اعصابي .. مافيه نتيجة .. تكلمت معها باللين .. ماانفع الحين ماااااسكة نفسي ما اضربها .. خلاص وصلت لمرحلة مو قادرة اتحمل هي تدري انها تسوي تصرفات خطأ لدرجة تناديني قبل ماتسوي الغلط عشان اشوف !!! واتجااااهل وتروح وتسوي شيء ثاني وهكذا .. مشكلتها الفراااغ اللي زادها حاولت اكلم روضات قريبة ورفضوا عشان عمرها صغير المشكلة بيت اهلي كبير جدا ومافي اطفال تلعب معاهم .. طول وقت جمبي تحن وتزن وتبكي 😭 كيف اتصرف ! |
رد: بنتي جننتني !
الحمدلله على سلامتك ومبروك ماجاك يتربى في عزكم أهتمي فيها واترك الصغير اذاكانت جنبك لأنها تغار من المولود
|
رد: بنتي جننتني !
كسرت خاطري بنتك بصراحة
المفروض تتحملينها الروضات تقبل عمر اربع سنوات بس شكلها اصغر .، كل اللي اقوله تحمليها لا تندمين انك كسرتي بخاطرها بعدين مرحلة عادية اذا صعبتيها بتصعب احتضنيها كثير لين تطفش منك و تكلمي معها انتي اللي اشغلي وقتها |
رد: بنتي جننتني !
بسم الله ما شاء الله وحمداً لله على السلامة ولا تنسى العقيقة المفروض على السابع وخلى بالك من بنتك واياك ان تضربيها هى تفعل هذا من الغيرة طفلة بريئة ولاحظت ان الاضواء اختفت من عندها وراحت للبيبى اصبرى عليها وخلى بالك من البيبى لا تنفرد به حتى لا تفعل شئء معه اعانك الله وبارك لك فى اطفالك وجعلهم الله تبارك وتعالى نبت صالح .. اللهم آمين |
رد: بنتي جننتني !
يا قلبي عليها
اولا حاسه بك وقت النفاس النفسية داون انا لما جبت بنتي الثانية صرت الم الاولى وانيمها جنبي لان تغار وتحس ان في احد اخذ مكانها فما احسسها واحضنها كل وقت وهي تبكي كل وقت تحملت هالشي والله حسيت مرارتي بتنفقع من التعب والضيق ومرضت بعدها صرت اداري ثنتين ومن غير ان ولادتي قيصرية بنتك تحتاج تفرغ طاقة مكبوته داخلها احتويها والعبي معها واحضنيها وقولي ماما تحب فلانه اسمها بتحسيها تهدأ خلي احد من خواتك تمسك الصغيرة او امك وانتي اهتمي بالكبيرة الله يعينك |
رد: بنتي جننتني !
الله يخليهم لك زي بنتي لما جبت ولدي كان عمرها اربع وغيوره منه لو اخليه لها تسوي كل شي فيه تضربه وهو صغير لدرجه مره مانساها شوي ولا ضربته ع راسه وهو صغير توه ماتم شهر بس اشوى انتبهت لها كثيره مواقف منها لو اعدها من اليوم لبكرا ماتخلص وبعد انا تركت بنتي كذا لحالها بدون اطفال وانا بمكان مافيه اطفال نهائي واذا طلعت مافييه ااطفال ولاتفهم لهم وحتي تركتي لها لحالها اثرت عليها من ناحية الكلام الى الان شوي الكلام معها مو طلاقه مرا مع انها الان خمس وشهرين وانا وابوها اخطينا تركناها مانكلمها وهي بعد ماتشجع وعودت قعدت اعلمها واشري من كتب القصص والالوان واعلمها عليه واعلمها ع الارقام كل شي شريته من مكتبه وشريت الصلصال لها مع تركيب وبعد فيه تراب مع اشكال يلعبوا فيه بس مشكلته يحوس الدنيا حوس كل شي من المكاتب وشريت لها كتب تلون فيها وسبوره واقلام وواشغلتها عني وانا بعد احيانا العب معها لاني بمكان مافيه اطفال ورحت السنه ذي ادور روضه مالقيت كلش مكتفين دورت لين عجزت واخر شي ارسيت ع تحفيظ للقرآن تجي مبسوطه وفيه اطفاال واساسا النفسيه تكون خربانه بايام النفاس انا كذا بنفاسي بس انا جلست بالبيت وعندي بنتي اشعلتني ع الولد واما نفاسي الاول الحمدلله مستانسه عند اهلي يعني هو ع حسب البيئه اللي انتي فيها وفتره وتعدي ويكبروا والله يخليهم لك ويرزقك برهم ،، ادري كلامي مو مرتب بس السموحه اول مرا اكتب ومن جوال بعد يالله اشوف 😐
|
رد: بنتي جننتني !
أختي في أستاذه مختصه بالتعامل مع الأطفال اسمها خلود
طرقها رائعة جداً مختلفة عن غيرها لأنها تعطيك أشياء ممكن تنفيذها مع طفلتك لتهذيب سلوكها تابعيها على سناب Khulod_kma |
| الساعة الآن 01:37 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©