متى تنفجر البويضه ؟
 

السلام عليكم ورحمة الله

ااخواتي العزيزات

ودي اسألكم سؤال محيرني

متى تفجر البويضه نفسها؟؟
لما يحدث تلقيح ولا لما مايحدث تلقيح؟؟

تكفون لا تبخلون علي بالاجابه على سؤالي

انفجار البويضه معناه خروج البويضه من (الجراب) اعتقد كذا اسمه ،، حتى ما نعقدها اكثر خلينا نقول من المبيض وتتجه الى قناة فالوب وتنتظر هناك من 12 الى 48 ساعه كل امراه تختلف عن الثانيه ..

وتنفجر البويضه في يوم الاباضه وذلك حسب طول دورتك فلو كان طولها 28 يوم اذا حتنفجر يوم 14 لو عديتي من اول يوم للدوره.


ومافي حاجه اسمها البويضه تفجر نفسها لو ما حصل تلقيح
لانه البويضه المتحرره من المبيض تبقى في قناة فالوب تنتظر الحيوان المنوي فلو ما حصل تلقيح خلال الوقت المحدد تذبل وتنزل على هيئة دوره..

مساء الخير
 

احس اني تسرعت بكتابة الموضوع او السؤال
ضليت على اعصابي ابي احد ير علي لو اجابه صغيره شافيه:29:
لكن الحمدلله بحثت في النت ولقيت الاجابه على سؤالي فحبيت
اجاوب على نفسي ههههه
وافيد فيها غيري وان شاء الله مااكون قصرت

الي يصير ان بعد الدوره مباشره يبدأ الرحم ببناء غشاء جديد
يبدأ نزول البويضه الى قناة فالوب وذلك بالغالب في يوم 14 من اول يوم دوره
وتبقى من 12 ساعه الى 24 ساعه وقد تصل الى 32 ساعه
وفي حالات نادره تبقى البويضه مزروعه في قناة فالوب وهذا مايسمى حمل خارج الرحم
ولكن في الحالات الطبيعيه بعد تلقيح البويضه تبقى في قناة فالوب لمدة 3 الى 4 ايام
ومن ثم تنزل وتلتصق بجدار الرحم
يعني ان البويضه تفجر حالها لحصول الحمل يعني في فترة التبويض
عشان كذا بعض الحريم الي يكونو ماخذين كلوميد يضطرو ياخذو ابر تفجيريه
من اجل حصول الحمل ولان لكلوميد نفسه يقسي من غشاء البويضه

وهذه اغلب المعلومات الي قدرت اجمعها وان شاء الله اكون أفدت غيري ولو بالقليل

ويارب يرزقنا بالذريه الصالحه كلنا اجمعين

شكرا سلمت يداك
اسفه رديتي وانا اكتب
كلام سليم لكن انا كنت ملخبطه مو عارفه ايش الي يصير قبل ايش
شكرا على المعلومات الي بالنسبه لي قيمه جدا
جزاك الله خيرا