زوجتي لاتهتم فيني ( حلت بالرد 361 )
 

السلام عليكم ورحمة الله وبركاته

اولاً اشكركم على هذاالمنتدى الراقي
والله يجزاكم خير

انا مشلكتي هي عدم الاهتمام من زوجتي
وفعلا انا اعاني من هذاالشي كثير وطبعا اقصد بالاهتمام بكل انواعه لابالكلام ولا بالعلاقه الخاصه ولا باي شي
وهذا متعبني كثير سبق واني كلمتها لاهي مره ولاهي مرتين ولاالف ولافيه فائده
وحتى العلاقه الخاصه صار مالي نفس اجلس بالشهرين ماامارس العلاقه مع العلم اني اعذورني على هالكلمه احب الجنس
كثير واكون مشتاق لاقامة العلاقه ولكن لما اشوف ملابسها وبرودها يطيب خاطري
حتى اني صرت افرغ رغبتي الجنسيه بممارسة العاده السريه تجنباً الحرام
فـ انا ولله الحمد وسيم وجسمي طويل ورياضي واتعرض لبعض الاغراءات في عملي كوني اعمل بالمطار واشوف اشكال واللوان
واكون معكم صريح بالعافيه امسك نفسي
هذي من ناحيه
من ناحيه ثانيه نفسي اجي من الدوام وتستقبلني مثل كل الزوجات وتقولي يعطيك العافيه
او حتى كلمة هلا
مع الاسف كل الكلمات الحلوه والشكل الحلو يكون مو لي يكون للمدرسه والمدرسات اللي يكلمونها بس
انواع الضحك والفرفشه يكون بالجوال مع زميلاتها وانواع الكشخه لمدرستها اما انا مالي نصيب من هذا كله

فكرت اتزوج لكن للاسف ماعندي قدره ماليه حاليا لاني خلصت من بناء بيت الشهر اللي فات ومااقدر على الزواج
وبنفس الوقت مااقدر اعيش كذا
احس ان عمري يمشي وانا ماتهنيت ولاعشت مثل باقي الناس
صرت اتابع المسلسلات الرومانسيه مع اني ماكنت احب المسلسلات
واشوف اللي تدلع زوجها واللي ترقص له واللي واللي
واقول لنفسي ليه انا لا

رد : زوجتي لاتهتم فيني
 

أخي الفاضل..

كيف كنت تكلمها؟ .. وماذا كنت تقول لها؟

وبماذا كانت هي ترد عليك؟

رد : زوجتي لاتهتم فيني
 

يا أخي لا بد في أسباب لإهمالها،،
هل جربت تسألها ليش ماتسوي لك كذا وكذا وكذا،،،،الخ بدل ماتطالبها؟
غير أسلوبك أخي ،
إذا عرفت سبب الاهمال تقدر تعالجه..
المشكلة إذا كانت من نوعية الحريم اللي مايهتمون إلا للناس،،لأن في حريم بهذه العقلية.

رد : زوجتي لاتهتم فيني
 

المشكله اختي كل مااكلمها تدافع عن نفسها وتكابر
يعني ماتحاول تفهم المشكله وتفكر بينها وبين نفسها وتشوف كلامي صح والا لا
تحسسني اني اتبلا عليها وهي مظلومه
وجربت بكذا اسلوب ونفس الشي

رد : زوجتي لاتهتم فيني
 

طيب إنت ايش بتقدم لها من اهتمام ؟

رد : زوجتي لاتهتم فيني
 

والله يااختي اني ماخليت ولابقيت
المشكله اختي ماتعطيني فرصه اصلا
يعني مثلا اخذها ونطلع ماتتكلم ولاكلمه اسولف انا وهي ساكته او تعلق بايه او لا
حتى اني صرت احس اني ثرثار واستحي من نفسي واسكت
ولما يدق جوالها اسمعي الكلام والضحك اللي يخليني مستغرب وين خفة هالدم وحنا لحالنا
واذا فرضنا واتكلمت قالت نبي كذا والا ناقص البيت كذا اما غيره لا

رد : زوجتي لاتهتم فيني
 

انا ممكن اكون مقصر ببعض الحاجات الله اعلم لكن ماعمرها قالت لي شي او نبهتني لشي
لكن اللبس بالبيت احسن لبس واحسن عطور لاني عندي اعتقاد ان مو بس التزين واجب على المرءاه حتى الرجال لازم يتزين لاهله
وماني مخلي عنها شي لابالكلام ولا بالفعل
لكن بصراحه لما ماشفت تجاوب خلاص صرت جالس لحالي بالمجلس واللي بيننا سلام وعليكم السلام بس

رد : زوجتي لاتهتم فيني
 

رد : زوجتي لاتهتم فيني
 

خليها تقرا موضوعك والردود يمكن يفيدها بشي..

رد : زوجتي لاتهتم فيني
 

ما انصحه ابد ابد ابد

وانتبه اخوي تعملها