منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   أرشيف مملكة المرأة (http://www.66n.com/forums/forumdisplay.php?f=67)
-   -   زواجي قريب كيف اجهز نفسي؟ (http://www.66n.com/forums/showthread.php?t=146623)

روح البنفسج 01-11-2007 02:13 AM

زواجي قريب كيف اجهز نفسي؟
 
السلام عليكم ورحمه الله وبركاته



اخواتي العزيزات انا في ضيقه من امري وهم لا يعلم فيه الا ربي

زواجي باقي عليه 4 شهور وانا لسا ما سويت شئ والسبب ان المبلغ الا عندي على حده وانا من زود التوتر مو عارفه كيف اقسم مهري علما بان مهري 25000 فقط وتشمل الصاله والذهب والملابس وثوب الزفاف وثياب المبارك والله مو عارفه شو اسوي ساعدوني ربي يسعدكم ويفرج همكم


الاشراف:
تم تعديل العنوان ليناسب النص

روح الغالي 01-11-2007 04:41 AM

الله يسعدك ويريح بالك وييسر امرك

ويبارك لك في رزقك وصحتك وزوجك


عزيزتي


بداية هل انت حاليا صرفتي شي من مهرك ام المهر كامل حتى الأن؟؟؟؟؟



لاتشيلي هم ابدا كل الامور بتتيسر

اذكري الله


روح البنفسج 01-11-2007 04:57 AM

اهلا اختي روح الغالي مشكوره على تجاوبك معاي والله يجزاك الف خير


بالنسبه لسؤالك لا انا لسا ما صرفت شي من المهر لان مو عارفه كيف اتصرف والله في ضيقه لا يعلمها الا الله وكل شي غالي

روح الغالي 01-11-2007 06:05 AM

ياعمري انا

الموضوع بسيط جدا جدا جدا

بس يبغالها حكمه وتروي


1\\\ هل زواجكم اقصد حفلكم كبير ام عائلي؟؟


حاولي ان يكون زفافك عائلي وبنفس الوقت لاتحرمي نفسك من اجمل الاشياء في الزفاف

يعني الفستان مهم كيكة العروس جميله ولها ذكرياتها

التصوير اهم شي لان هو الذي يبقى كذكرى لكم





2\\ حددي نوع زفافك عائلي ام كبير؟

3\\ حددي فستانك هل تودين جاهز ام خياطه؟



4\\ احضري ورقه وقلم

وقسمي


تكاليف الزفاف\\

1\\ الفستان = .....

2\\ صالون التجميل ( الشعر والمكياج)=

3\\ الكيكه=

4\\ المصوره=

5\\ تكاميل واحتياجات اخرى=


=========================

الذهب\\ = حطي المبلغ

خواتم + قلائد+ اساور+ ساعه

عدد معقول جدا لاتكثري لأن الهدايا بتجيك كثير


====================

ملابس السهر\\

====================

الملابس الداخليه وقمصان النوم\\


=================

ملابس البيت\\

==================

عطورات ومكياج

==================




يعني شوفي احتياجك

اهم شي

1\\ في اللبس حاولي تنسقي القطع على بعضها يعني تنوره وحده تناسبها اكثر من بلوزه

وهكذا


2\\ لاتكرري الموديل ولا تكرري الالوان حاولي تبحثي عن التغير والتجديد في الالوان والموديلات



3\\\ نصيحه مهمه جدا

في مكياج العروس يعني يوم زفافك

انتبهي تقولي لهم انك عروس لانهم بيطلعوا عليك بالسعر دبل

قولي لهم زفاف صديقتك وحابه تطلعي من احلى مايكون وبس

ولكن بس تقولي لهم عروس على طول دبل رغم انه مايفرق عن العادي

الله يعين




4\\\ اسألي عن المحلات وشوفي اسعارهم وشوفي انسب شي لك

مو تدخلي اول محل يقابلك وتتفقي معاه وانتهى الموضوع

لا ادخلي ان شاء الله 20 محل وشوفي الانسب




بس هذا اللي اقدر اقوله لك ويحضرني حاليا



وانتبهي عزيزتي من التبذير

فكري مليا في الشراء لاتستعجلي ابدا عندك وقت





الله يبارك لك في رزقك ووقتك

والله يألف بين قلبك وقلب زوجك

sub7an allah 01-11-2007 06:46 PM

اختي انا ايضا مريت نفس حالتج مهري كان يكفي لكن هناك من سلبه مني بالقوه

ولم يكن لي سوى اعانة الجامعة وهذا رزق من ربي ولله الحمد ,,

اولا ماشريت فستان عرس تسلفته من وحده وكان مو مقاسي بس شنقول الحمدلله اني حصلت فستان
الشبكه كانت اكسسوار
لكني اخالف الاخت روح الغالي في إنك ماتقولي لهم إنك عروس لازم يعرفو عشان يضبطونك عدل ويهتمون فيكِ
انا فلوس المكياج والتسريحه الوالد الله يحفظه عطاني اياهم هدية زواجي
والحفله كانت محفوفه وصغيره بالبيت
والمصور والكوشه والبوفيه كان على اهل زوجي - جزاهم الله خير-
اشتريت ايضا ملابس وحقائب وشنط ولكن ليس بالكثير شنطتان وحذاءان ومكياج وعطور ولكن ليس بالكثير
اعرف وحده مهرها كان يكفي لكنها هي ماشرت شي تقول تبي توفره لوقت الحاجه
وبعد الزواج تقدرين تروحين تشترين اللي خاطرك فيه
الله يعلم بحالي كنت ابكي بكي ولا كأني عروس
اخذت الكثير من ملابسي القديمه معي لبيت الزوجيه

لكن الحمدلله انبسطنا كثير كثير بالحفله:22:

وانا الآن في سعاده مع زوجي ولله الحمد مع ان ظروف زوجي ماتسمح اشتري اللي خاطري فيه يعني لي الحين على حاجياتي القديمه :d وننتظر قدوم اول طفل لنا :15:
ادعوولي الله يثبت حملي اهو الشي الوحيد اللي يفرحني :(

الله يوفقكم يارب ويجمع بينكم على خير ويرزقكم بالذريه الصالحه ولاتشيلين هم وفوضي أمرك إلى ربك حالك احسن من غيرك والله يرزق من يشاء بغير حساب

وه بث وه 01-11-2007 07:56 PM

الله يوفقكم هذا اولاً ويسخركم لبعض
ثانياً اذا تبغين نصيحتي لا تشترين كل شيء اكثر شيء اهتمي فيهم اللانجري وملابس البيت الي عند زوجك بالنسبه للعطور انصحك تشترين 3 احدث عطور فقط ليش لانه العطور غالبا كل شوي ينزل شيء جديد منها بالنسبه للفساتين خوذي لك فستان سهره واحد انتبهي تكثري اشياء سهره لانه ما راح تستفيدي منها شيء بالنسبه للمكياج انصحك تاخذين الاساسيات يعني تاخذين لك فاونديشن واحد مناسب لك وآي لاينر وماسكار و4 الوان من الارواج ولونين بلاشر لانهاغلب الرجال ما يحبون المكياج
بالنسبه للذهب انا ما اايد تشترين لانه راح تجيك هدايا الزواج اغلبها ذهب

الخلاصه/
المكيك أب - (فاونديشن يومي وفاونديشن سهره - ماسكار - بلاشر لونين - اروج 4 الوان - آي لاينر)
ملاحظه/ اذا كان عندك شيء حاليا لا تشترين



**************************************


العطور - (خذي 3 احدث عطور فقط + 2بدي لوشن + العود)

***********************************


اللانجري- (نصيحه حاولي انك تشترينها من العضوات الي يبيعونها بالمنتديات لانك راح تلاقي تشكيلات كثيره واسعارها جدا مناسبه واحرصي انك تاخذين القمصان النعومه المثيره ولا تشترين قمصان طويله الا قميص اول ليله لانه فيما بعد راح تلاقين نفسك ما استخدمتيها)

*************************************


الملابس:-

ملابس بيت كاجول - ( شورتات برمودات فساتين قصيره ...... )

السهره - انصحك تاخذين فستان واحد لانه مؤكد راح تسافرين على طول ويمكن تلاقين بالسفر اشياء احلا وافضل ولا تنسين انه وزنك قابل يتغير فحرام تكثرين اشياء السهره.



خوذي لك طقم روب للحمام حلو


ملاحظه / اللانجري وملابس البيت هي الي اهتمي فيهم اكثر شيء .

وبالتوفيق يا قمررررررررر:14:

وه بث وه 01-11-2007 08:05 PM

ايه صح بعد انا انصحك تاخذين لك ساعه راح تستفيدين منها كثير
اممممممم وش بعد الفستان اذا ميزانيتك مرررره ما تسمح شوفي احد اقاربك او صديقاتك يمكن تاخذين منهم الفستان بالنسبه لي ما انصح انك تقولين للكوافير انك مو عروسه لانها هي ليله وحده بالعمر فاهتمي فيها وغالباً ميك أب العروس يختلف عن الميك أب العادي وبعد زي ما قالولك اهتمي بالتصوير ايه ولا تنسين تشترين له هديه تقدمينها بالصبحيه
هذا الي في بالي الحين اذا تذكرت شيء راح ارجع اكتبه
الله يوفقك يارب

منتظره فرج ربها 01-11-2007 08:18 PM

اقتباس:

المشاركة الأصلية كتبت بواسطة وه بث وه
الله يوفقكم هذا اولاً ويسخركم لبعض
ثانياً اذا تبغين نصيحتي لا تشترين كل شيء اكثر شيء اهتمي فيهم اللانجري وملابس البيت الي عند زوجك بالنسبه للعطور انصحك تشترين 3 احدث عطور فقط ليش لانه العطور غالبا كل شوي ينزل شيء جديد منها بالنسبه للفساتين خوذي لك فستان سهره واحد انتبهي تكثري اشياء سهره لانه ما راح تستفيدي منها شيء بالنسبه للمكياج انصحك تاخذين الاساسيات يعني تاخذين لك فاونديشن واحد مناسب لك وآي لاينر وماسكار و4 الوان من الارواج ولونين بلاشر لانهاغلب الرجال ما يحبون المكياج
بالنسبه للذهب انا ما اايد تشترين لانه راح تجيك هدايا الزواج اغلبها ذهب

الخلاصه/
المكيك أب - (فاونديشن يومي وفاونديشن سهره - ماسكار - بلاشر لونين - اروج 4 الوان - آي لاينر)
ملاحظه/ اذا كان عندك شيء حاليا لا تشترين



**************************************


العطور - (خذي 3 احدث عطور فقط + 2بدي لوشن + العود)

***********************************


اللانجري- (نصيحه حاولي انك تشترينها من العضوات الي يبيعونها بالمنتديات لانك راح تلاقي تشكيلات كثيره واسعارها جدا مناسبه واحرصي انك تاخذين القمصان النعومه المثيره ولا تشترين قمصان طويله الا قميص اول ليله لانه فيما بعد راح تلاقين نفسك ما استخدمتيها)

*************************************


الملابس:-

ملابس بيت كاجول - ( شورتات برمودات فساتين قصيره ...... )

السهره - انصحك تاخذين فستان واحد لانه مؤكد راح تسافرين على طول ويمكن تلاقين بالسفر اشياء احلا وافضل ولا تنسين انه وزنك قابل يتغير فحرام تكثرين اشياء السهره.



خوذي لك طقم روب للحمام حلو


ملاحظه / اللانجري وملابس البيت هي الي اهتمي فيهم اكثر شيء .

وبالتوفيق يا قمررررررررر:14:

اويد هالكلام %%
حبيبتي ركزي على الاشياء الي تستخدمينها بالبيت ولزوجك
والباقي الله ييسره بعد الزواج حسب حالكم
وكمان التصوووووووووووووير مهم جدا شوفي فيه مصورات يحطون خلفيات مثل الستائر حلوه وبعضهن بالكمبيوتر ديجيتل كمان حلوه يعني تريحك من الكوشه وبنفس الوقت تعطي نفس الاحساس
والزواج مختصر لاتبالغون فيه المهم يحضر الناس الي يحبونكم ويفرحون على شانكم واحسن لك وله عشان التوتر:14:
والله يوفقكم ويسعدكم ويتمم عليكم بالخير يارب

de rom 06-11-2007 09:56 AM

ماشاء الله ما قصروا معك البنات


أهم شيء تصدقي منه لو ب 50 أو 100 ريال عشان ربي يبارك لك فيه


الله يسمح أمرك و يسهل عليك ما كاد و يتمم لك على خير

وجع آخر معاناتي 07-11-2007 09:17 AM

أختي روح البنفسج الله يوفقك لك وييسر لك أمورك .. والله يوفقك لكل البنااات ..

شوفي حبوبة .. انتي الحين رتبي أمورك من خلال ردود العضواات واستفيدي من الكلام ..

وإذا احتجتي أي شي حطيه هنا واحنا نتساعد فيه ..

أهم شي الفستان والطرحة الاكسسورات والساعة الحذاء وانتم بكرامة وباقة الورد وعطر يكون قوي وحلو .. هذا لليلة الزفاف في الحفل ..
وبعد الحفل اللانجري اللي لليلة الزفاف .. وطبعاً روب الاستحمام وطقم فوط لك وله والشبشب

...
عباية وشيلة وكم حذاء للطلعات وكم شنطة ..
ماكياج وعدته ..
فستان سهرة مع الحذاء وانتوا بكرامة .. واكسسورات واكسسوارات الشعر ..
ملابس الانجري لكم ليلة بعد الزواج .. و2 عطر للصباح .. 2 للمساء يكونوا قوي .. وخذي لك واحد للعصر مثلاً
وانتوا تشاهدون حلو يشمك بريحة غير عن الليل والصبح ..

خذي لك 2 تيورة و 2 برمودا و2 بنطلون جينز .. وخذي لك كم بلوزة حلوة للجلسات الحلوة .. واللي تناسب
للتيورات والبرمودا والجينز ..

هذا اللي ذكرته الحين ..
ومثل ماقلت لك اي شي تحتاجيه اكتبيه وراح نتساعد ونتوصل لحل يناسبك ويناسب المبلغ اللي
مخصص لك ..


الساعة الآن 08:32 PM.

Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©