|
رد: طليقتي تزوجت
اقتباس:
الاطفال مالهم ذنب . وانا كل اسبوع اخذهم عندي بالشقه يجلسون عندي يومين وأرجعهم لأمهم . ثانياً/ بعد سنه لما اجي ابحث عن زوجه ماحد بترضى تتزوجني وعندي اطفال . إلّا يمكن وحده عندها طفل او طفلين . وأنا وهي زوجتي الجديده نبغى نعيش حياه سعيده . واذا كبرو بناتي وصارو اعمارهم ١٣ سنه راح يعيشون معانا . وزوجتي الجديده فيما بعد بعد مرور سنين طويله انا ابصم بالعشره راح توافق خصوصاً بجيب لزوجتي الجديده شغاله تهتم بأطفالي . هذا تخطيطي ياجماعة الخير واللي عنده رأي يطرحه . ولكن مستحيل مستحيل اخذ اطفالي الا بعد ان يوصلو قرب سن البلوغ والرشد . فالولد عمره ١١ والبنت ٦ والبنت ٥ . وحالياً مالهم إلّا امهم |
رد: طليقتي تزوجت
اذا وصلوا لعمر 13 انت بالنسبه لهم عم ولست اب
ابوهم اللي عايشين هم معاه وراح تتذكر كلامي هذا بعد سنين ان شاء الله اخت زوجتي تزوجت وبنتها عايشه معها تنادي زوج امها يبه ولسى بعمر صغير لو كبرت وجا ياخذها ابوها بتتعقد نفسيا وبيبقى اما يخليها ويعيش دور الاب يوم بالاسبوع او يضغط وياخذها وتنهبل البنت |
رد: طليقتي تزوجت
الله يعوضك ويسعدك مع بنت الحلال .. ويستر على طليقتك ويسعدها
بالنسبه للاطفال صدقني موقفك هذا راح تقطف ثماره بكره وعيالك راح يحنون عليك ويحبونك اكثر ولاراح ينسون لك هالموقف وعن تجربه |
رد: طليقتي تزوجت
اقتباس:
والذي نفسي بيده . أحس براحه نفسيه وإنشراح من يوم تأكد لي الخبر انها تزوجت . واضح والله اعلم انها خيره والخيره فيما اختاره الله . لي ست شهور وانا ادعي ان يرد لي زوجتي رداً جميلا ومن المعروف وكثير من الشيوخ مثل عايض القرني وغيره . يقولو انتظار الفرج عباده فعند تكرار وإلحاح الدعاء لله .. يكون عندك ثلاث اشياء . ياأنه الله يستجيب دعائك ويعطيك ماطلبته . ياان الله يصرف عنك البلاء وانت لاتعلم . ياان الله من كثر مادعيت الله يدخرها لك في موازين حسناتك . فالحمدلله يمكن هذا بلاء وشر والله صرفه عني .. صحيح وأنا اعترف اني انا طيحت من كرامتي لعيون اولادي مو عشان سواد عيونها . انذليت ذل ولكن اكابر . في امور احنا الرجال نرخص الغالي . ولكن الحمدلله . لأني اقسم بالله بعد ان تأكدلي زواجها . صدري انشرح . مو مثل الشهور الماضيه اللي كنت شايل هم وحزن مايعلمه الا الله يمكن شر والله صرفه عني |
رد: طليقتي تزوجت
اقتباس:
شوف يابن الحلال حنا قبلك مجربين اترك عنك المثاليه الزايده والكلام اللي تسمعه من بعض الحريم عيالك الحين في بيت رجال غريب ماتدري كيف عايشين وكيف يتعاملون وحتى لو يعاملهم زين برضو راح تصير عم لهم مثل ماقال تحملتك كفايه يعني بكل الحالتين خسران اسمع ياابن الحلال انا قبلك مجرب ونصيحه لك امسك عيالك عندك وعوضهم لاتقول مااقدر انا حتى الترويش اروشهم والحين الحمدلله مايطيقون بعدي ثانيا ابعد عن الانانيه وفكر بعيالك اكثر من نفسك من يقول لك ان مافيه اللي ترضى بعيالك انا الحين خطبت وسبق ان وافقوا علي بنات اعمارهم 23 و24 وانا اللي رفضت الحين الوضع ياخوي تغير البنات ملي البيوت وبنات الحلال واجد اترك عنك هالكلام اللي تحاول تقنع نفسك فيه وبعدين بصراحه حتى عيب مدري كيف تقبل ان عيالك يتربون في بيت رجال غريب وانت حي لو امهم ماتزوجت كان قلنا صح ولكن كون انها تزوجت خذهم وانت حر وصدقني راح تكابر وبعدين راح تجي وتطرح موضوع وتشتكي |
رد: طليقتي تزوجت
اقتباس:
لكن صاحب الموضوع عنده بنتين عمر 6 سنوات و 5 سنوات وخلينا نتكلم بصراحة البنت قبل البلوغ بسنة سنتين تحتاج أمها كثير عشان تفهمها و تكون جنبها والبنات راح تكون لهم خصوصيات ماراح يتفهمها الأب , وجود الأم مهم يعني بعد 5 سنوات كل البنتين قريبات من سن البلوغ ويحتاجوا أمهم هذا الوقت وما أظن ينفع ياخذهم كم سنة و بعدين يرجعهم الأفضل ينتظر تصير أعمارهم 13 أو أو أكثر بشوية 15 مثلا وياخذهم مرة وحدة |
رد: طليقتي تزوجت
اقتباس:
هذا اللي يخليني انصحه بقوه انه ياخذهم ويربيهم اجل اترك بناتي عرضي عند رجال مدري وشلون اخلاقه ولا كيف تفكيره |
رد: طليقتي تزوجت
اقتباس:
يعني كل هذا بعد ٧ سنوات فقط . وانا كل اسبوع ازورهم . وانا وطليقتي ساكنين بنفس الموقع .ويعني المسافه ١٥ دقيقه فقط بالسياره وانا ساكن الحين عزوبي . كيف تبغاني اخذ اولادي معاي وانا لحالي ووراي دوامات . يااخي ضلم احطم نفسيات اطفالي وابعدهم عن امهم . همي وراحتي وسعادتي هم اطفالي . ليش احرمهم من امهم . عشان والله اقهر امهم واخذ اطفالي منها عشان اربيهم .لا يااخي سعادتي بسعادة اطفالي . الام ماتعوض . تكفون لاتزيدوني هم على هم . انا مستحيل احرم اطفالي من امهم . هي تمثل نفسها وأنا امثل نفسي . . وجميع اسرتي يبعدون عني مسافة ١٥٠ كيلو ومافي احد بموقعي يقرب لي . واسرتي بعيدين. ولاتقول خذ شغاله وخليها ترعى اطفالك . ماهو انا اللي ارضى لأطفالي يتربون وبكبرون على يد شغاله . هذا اللي ناقصني شغاله وتربي اطفالي . مستحيل اوافق |
رد: طليقتي تزوجت
اقتباس:
الله يعوّضك ويستر على طليقتك نعم الأطفال ما لهم ذنب, لكن الشرع فصل في أمور الحضانة فإذا كنت أنت تنازلت عن حضانة الأطفال فلا تجعل تنازلك قطعيا, فقد يتضرّرون مع زوج امهم ويتمنّون العيش معك فعلى الأقلّ تابع أحوالهم وراحتهم, ولا تفرح بأنّ امهم أخذتهم وأنّ هذا سيكون في صالح إعادة الزواج وسهولة القبول بك هذا تخطيط خاطئ فالأصحّ أن تجعلهم في أولويات القبول بك, والولد الذكر لا تتركه حتما لحدّ البلوغ, الذكور عندهم حساسية تجاه زوج الأمّ وربّما يحقد عليك ولدك لو تركته. ولي ملاحظة أخي الفاضل: لا يحقّ لك الآن أن تقول زوجتي, هي طليقتك وأمّ أولادك, لا غير... |
رد: طليقتي تزوجت
اقتباس:
كيف يقدر يربي بنات أعمارهم 6 سنوات و 5 سنوات وحده ؟! أبدا مايقدر حتى لو بيجيب شغالة ماينفع تربيهم شغالة وحاليا مايبي يتزوج الحل يخليهم عند أمهم ويستودعهم الله ويزورهم كل أسبوع مثلا ويكون قريب منهم ولو وقتها حس انه البنات متضايقات عند أمهم أو زوج أمهم اتضح انه رجل عليه ملاحظات وقتها ياخذهم , أما انه يتسرع وياخذهم في الوقت الحالي هذا تصرف متسرع وغير مدروس |
| الساعة الآن 04:10 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©