رد: طليقتي تزوجت
اقتباس:
ومن قالك ان القصد انك تقهر امهم؟ بس ياليت ماتكذب على نفسك وتدعي ان همك مصلحة عيالك انت همك مصلحتك انت عشان لو تبي تتزوج مايكون عيالك عائق على العموم يابن الحلال سو اللي تشوفه مناسب الله يوفقك واضح ان الكلام ضايع |
رد: طليقتي تزوجت
اقتباس:
ولكن اذا كان ناوي فعلا وعنده احساس بالمسؤليه اما اللي يبي يتهرب من المسؤليه سهل عليه يحط الف عذر وعذر عشان يرتاح ويتزوج ويسافر ويعيش حياته بالطول والعرض ولايدري عن حال الاطفال المساكين على العموم انا فاهم تفكير الاخ صاحب الموضوع واعرف كيف يفكر نوعيته من البشر اسأل الله اللطيف الخبير انه يلطف بحال الصغار المساكين ولايكثر من امثال صاحب الموضوع |
رد: طليقتي تزوجت
اقتباس:
تحية تقدير وإحترام لك ولجميع اخواني الاعضاء صح يكون بيننا اختلاف في وجهات النظر وفي الاقتراحات . لكنها تظل محل اهتمام وتقدير ولكن صح طليقتي كارها كره العمى . ولعيون اطفالي انا وافقت ان يعيشون مع امهم حتى يكبرو وبآخذهم . ومتأكد ماراح ينسون الجميل . الرسول صل الله عليه وسلم عاش يتيم فلاتخافون . امورنا وارزاقنا بيد الله سبحانه . نتوكل على الله . والله المستعان . والحمدلله انا قريب من اطفالي . كل اسبوع اشوفهم . وأزمه وبإذن الله وبتعدي على خير . وابشركم كنت مستاجر ب١٣٠٠ . والحين مستاجر عزوبي لحالي ٥٠٠ ورجع لراتبي ٨٠٠وبعد ١١ شهر راح انتهي من قسط السياره ١٤٠٠ ريال . ومن الان ولمدة سنه البنك بيعطيني تمويل حلو وراح اتزوج . فالدنيا يحتاج لها صبر . والحين بعد اسبوعين بيجيني زياده بالراتب ٥٠٠.لأني راح اترقى .. والان ولمدة سنه بقرر عالزواج وبيصير الراتب ١١٥٠٠ وقولو ماشاء الله . وراح تشفى جراحي وأقرر عالزواج والحين ماااا أقدر . ورحم الله امرءٍ عرف قدر نفسه |
رد: طليقتي تزوجت
أغلب كلامك عن راتبك وكم بيصير واجار بيتك والتزاماتك ووضعك المادي ومتى تقدر تتزوج وكذلك عن فرصتك الجيده بالزواج كونك مطلق بدون أطفال, وواضح ان عيالك ما لهم أولويه عندك وجل تفكيرك بأولوياتك ومصلحتك !!
ترضى بالله على بناتك يتربون عند رجل غريب إلين يقربون من البلوغ ؟ هل تثق بهذا الرجل بحيث تترك بناتك معه ؟ نعم هو زوج أمهم, ولكن هل تعرف أخلاقه والتزامه ؟ كم أعمار أولاده الذكور ؟ طيب وإذا كان الرجال ونعم .. هل بترتاح لوجود بناتك مع أولاده الذكور في بيت واحد وهل تأمن عليهم منهم ؟ هل تضمن ما تطلع طليقتك وزوجها من البيت في يوم ما لحالهم وتترك بناتك مع عياله ؟ وهل ترتاح تترك ولدك مع بنات غير محارمه لحين بلوغه ووصول عمره 18 ؟ كم أعمار بناته ؟ إذا كنت تظن أن ولدك بيعدي مرحلة المراهقه وبالذات من 15 الى 18 بسهوله وبدون وجودك الدائم بجنبه وتربيه تحت عيونك بتكون غلطان جدا فكر بترتيب وضع عيالك من الحين قبل ما تتزوج وترى لهم الأولويه قبل نفسك حتى لو تضطر تنقل عملك من مدينتك لمدينة أهلك ويعيشون معك عند أهلك مثلا, وجب خادمه تساعد اهلك بخدمة عيالك مهوب ضروري اليوم أو هذا الشهر تخلص كل شي, ولكن اعط هذا الموضوع جل اهتمامك حتى لو تحقق بعد أشهر ولا سنه مهيب مشكله المهم تجيب عيالك عندك وهم أطفال ويقيمون معك وأمهم يروحون لها زيارات بالاجازات . اخوي .. الكلام المثالي اللي تسمعه من البعض ما راح يقدم ولا يأخر لو صار شي لبناتك لا سمح الله ولا لو غلط ولدك مع وحده من بناته لا قدر الله وانذبح ولا انطرد بالشارع نصيحتي لك .. لم عيالك عندك ببيتك تحت جناحك, أمهم اختارت حياتها وراحت تربي عيال الناس وانت اختار حياة عيالك بما فيه مصلحتهم وربهم عندك . |
رد: طليقتي تزوجت
بغض النظر عن كلام الاعضاء في موضوع الحضانه
رحم الله قدر رجل عرف نفسه محتاج تراجع نفسك بتعامل المراه شيئين لمستهم فيك حبك للمال وبخلك على زوجتك بالاضافه لاسلوبك المستفز للمراه احترمها يااخي ترمي كل كلمه اكبر من الثلنيه واجار بيتك كان منتاز 1300 تطلب منها تشتركك بالمسكن ليه وين القوامه وانت موظف ومو قاصرك شيء اشياء جوهريه وكثيره لازم تغيرها بشخصيتك ولا اعتقد ان في مجال تجيب اطفالك عندك الاطفال محتاجين تحمل مسئوليه وبيكونون برقبتك الي يقولون كيف تثق ببناتك عند زوج ام طيب كيف يثق بخالهم عيال خوالهم اذا زاروهم نفس الشي دام طلعوا من بيته فيه الف شي شي ينخاف منه وزوج امهم مو غريب دام ارتبطت فيه الام هو محرم لهم حاله حال عمهم خالهم الله يسخره لهم ويوفق طليقتك ويوفقك |
رد: طليقتي تزوجت
اقتباس:
قلت الكلام اللي كنت بـ أقوله |
رد: طليقتي تزوجت
غريبة اخوي تفكر في مصروفك وراتبك واجارك الحالي
انت الان تصرف على اولادك ؟؟ ترى باقي عليهم مدارس ومصاريفهم بتزيد انا احس انك انت بتندم مش طليقتك كلامك جارح واظن لا تلام فيه سممت لها قلبها كلام الاخ سلطان ممتاز من ناحية التفكير فيهم وبيانات اولاد زوج الام ومبتعثة رايها ممتاز فزوج الام عمهم ومن المحارم وموافقته على ان يعيشوا معه ابناء الزوجه فهذا خلق منه تحتاج تراجع نفسك يا اخوي النصائح لصالحك |
رد: طليقتي تزوجت
قلت لك بناتك شعره من شعر وجهك بس ماتطيع / راح ترميهم عليك اذا سافرت شهر عسل او حملت او او ...
|
رد: طليقتي تزوجت
اقتباس:
ما في مقارنه بين الخال أو العم من ناحيه وزوج الأم من ناحيه أخرى الخال ولا العم هو قريب قرابة دم منذ الصغر ويمكن يحل محل الوالد في بعض الأحوال وتفكيرهم تجاه عيال أختهم ولا أخوهم يختلف تماما عن تفكير واحساس رجل غريب دخل حياة أطفال فجأه وصار لهم محرم, ما عرفهم ولا شعر بقرابة دم تجاههم منذ صغرهم أنا لا أطعن بزوج الأم سواء هذا الرجل أو غيره, ولكن استبعد أن يكون احساسه تجاه الأطفال ومحبته لهم وخوفه عليهم مثل الخال أو العم أما لو زارهم عيال خالهم فهم يبقون ضيوف مهما طال بقاءهم, يدخلون ضيوف ويخرجون ضيوف وليسوا مقيمين معهم في البيت بشكل دائم مثل عيال الزوج ياكلون ويشربون ويلعبون ويسولفون وينامون ببيت واحد ومقابلين بعض 24 ساعه, والمسأله ما هي مسأله عقاب ولكن حبيت أوضح له شي ربما يكون خافي عليه بمصلحة عياله بعيد عن العاطفه اللي ما لها مكان هنا أبدا . أخ ساري .. لو كانت طليقتك متزوجه رجل معدد ومستقله ببيت لحالها مع عيالها, وعيال زوجها ببيت ثاني كان تغير كلامي وانتفى الخوف على عيالك من عيال زوجها مع بقاء الحذر من زوج أمهم لحد ما, أما الوضع الحالي ما هو بصالح عيالك مثل ما وضحت قبل . لما تقول ان الرسول صلى الله عليه وسلم تربى يتيم .. هذا التشبيه ما يناسب عيالك لأن رسولنا الكريم تربى عند جده ثم عمه ولو كان والداه أحياء لتربى عندهما, ولذلك كان مضطرا صلى الله عليه وسلم أن يتربى يتيم أما عيالك فما هم أيتام, ولله الحمد أنت موجود فلماذا تقارنهم بالأيتام ؟ أرجو أنك ما تعطي العذر لنفسك أو توهم نفسك بأمور ومقارنات في غير محلها لتتخلى عن مسؤولية عيالك وتربيتهم وتأكد أن المراهق الذكر بالتحديد تربيته صعبه حتى لو هو عايش مع أمه وابوه, فما بالك لو كانوا منفصلين ؟ |
رد: طليقتي تزوجت
اقتباس:
فشي طبيعي بيوافق على 3 تجيبهم معها, ولا له وجه يرفض . |
الساعة الآن 06:47 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©