هل عيب الشخص ينزل كرسي الطياره
السلام عليكم ورحمه الله وبركاته
والله يبارك لهم بالعشر يارب يمكن موضوعي غريب بس فعلا مستغربه دائما اسافر وغالب رحلاتي طويله فانزل كرسي الطياره وضع الميلان اذا فهمتوني ولا كان عندي مشكله ابدا المهم في رحله قصيره من اقل من سنه كنا في طياره محليه 😂اعجبتني محليه والطياره صغيره مره الشخص الي قدامي نزل كرسيه ميله يعني فصار الوضع صعب صرت محشوره كراسي الطيارهرجدا ضيقه فقمت انا نزلت كرسي بدوري ....المهم فجاه لقيت الي ورى كرسي اخويا تقول لو سمحتي كرسيك نازل مره علي او على زوجها مدري ناسيه قلت مو مشكله كانوا الكرسيين الي جنبي فاضين فقمت من كرسي الى الكرسي الثاني ونزلته لان بعض الشعب الي قدامي منزلين كراسيهم فجاه ماتوا ضحك الي وراي ويتغامزوا زي الي يقولوا يوه خلصنا منها وطاح فيها فلان التفت قلت الشرهه علي انا الي قايمه من كرسيي الناس الي قدامي منزلين كراسيهم شسوي يعني انصدموا لفيت عليهم ورديت عليهم بعصبيه قالت المره اسف ورجعت كرسي الاساسي ونزلته وسحبت عليهم اختي تشوف الموقف من بعيد قالت اشوفهم نادوا المضيف يشتكوا عليك وقالهم مااقدر اقول لها شي الموقف الثاني كان باخر سفره عاد ااسفره سبع ساعات يعني سفره طويله بنص السفره وبوقت النوم وظلمت الطياره قالت بنت اختي ببنام بحضنك قلت نامي ونزلت الكرسي شويه الي وراي لو سمحتي كرسيك نازل علي قلت ادري انتي بعد نزليه اذا مضايقك قالت مابغى انزله على الي وراي وسحبت علي ياناس ليه اجل شركات الطيران تحط وضع bend your seat دام مومسموح فيه اكيد حطوه يستخدموه الناس المهم كلمت المضيفه جت المضيفه طلت علي وشافت البنت بحضني وقالت لها مااقدر اقول لها شي وطول الرحله ...وهي ترفس الكرسي علي لدرجه بنت اختي فزت تحسبها مطبات هوائيه والكرسي رايح جاي تضغط عليه برجلها الظاهر قله العقل عاد ...عناد فيها مارجعت الكرسي لوضعه الا في حاله الهبوط وحنا نازلين كانت تناظرني بشرر زي مااكون سارقه فلوسها طول عمري اسافر ماصار لي هالمواقف ابدا سواء سفرات قصيره او رحلات توصل 32 ساعه لكن صار لي هالموقفين في اقل من سنه دخلت اقرى عن بروتكلات السفر لقيت اجانب كاتبين اذا السفره قصيره قلة ادب تنزل الكرسي اذا طويله طبعا مسموح ومدري انتم شرايكم عقب هالمواقف سافرت بعد لكن للامانه ماعاد نزلت الكرسي مالي خلق وجع راس ولان الطيارات الي بعدها صادفت كبار سن فماحبيت ازعجهم ومره كنت منزله الكرسي وضربني الي ورى فقلت اشاره ان ارجع الكرسي فطلع لي عجوز اجنبي وتعذر وقال مو قصده ونزلي كرسيك يابنيتي عادي 😂ياحليله |
رد: هل عيب الشخص ينزل كرسي الط
وعذرا للاخطاء الاملائيه جوالي يعاني من كسر في الشاشه
|
رد: هل عيب الشخص ينزل كرسي الط
اقتباس:
الله يتقبل منا ومنك الطاعات انت جاوبتي على نفسك لما الشخص الي امامك نزل كرسيه صرتي محشورة ومتضايقة من الوضع هالشيء بيصير مع الي جالسين وراكي بتحشريهم وبتضايقيهم وهم جالسين سافرت كتير ما عمري فكرت ارجع الكرسي لورا لاني عارفة اني راح اضايقهم واذا صارت معي بصراحة بصير ادعي على الي جالس امامي طول الرحلة الا اذا كانوا اطفال يعني فوق جلستنا الغير مريحة يجي الي امامي ياخذ راحته على حساب راحتي المفروض تكوني منتبهة لهالنقطة وانك بتضايقي الي جالسين وراكي |
رد: هل عيب الشخص ينزل كرسي الط
اقتباس:
صحيح صرت محشوره بس مافكرت اشتكي عليهم او اطلب منهم لانه حقهم ينزلوا كراسيهم خلاص رجع كرسبه ورى انا بعد ارجع كرسيي ورى والي وراي يرجعوا كراسيهم ورى ماهي معقده السالفه ولا اضحي انا واصير المحشوره بينهم |
رد: هل عيب الشخص ينزل كرسي الط
وليه تدعي عليهم 😳
الطيران هو الي صنع هالخاصيه في الكراسي عشان ترجع ويستخدمونها المستفرين وبصراحه الي مايعجبه يبحبح فلوسه ويحجز درجه اولى هذا وضع الايكونمي |
رد: هل عيب الشخص ينزل كرسي الط
النظام بالطيارة أنه يحق لك تنزل كرسي، ولايحق لمن خلفك الاعتراض. وإن اعترض أو قال أرفع كرسيك قولي كلم المضيفة وتفاهم معها، المضيفة سترد عليه بأن هذا نظام الطيارة، وأنه من حق الراكب أن ينزل كرسيه. في وقت واحد يجب ترفع كرسيك أثناء الوجبات، فضلاً عن أنه من البديهي أثناء الإقلاع أو الهبوط.
|
رد: هل عيب الشخص ينزل كرسي الط
صح كنت بذكر نقطه الوجبات هي الي فعلا لازم ترفع فيها كرسيك
|
رد: هل عيب الشخص ينزل كرسي الط
يفضل انك تستاذني اللي وراك في حاله
انه كان محشور يكون برضاه يعني 😂 انا ان اللي امامي ياخذ راحته ع حسابي شي مزعج |
رد: هل عيب الشخص ينزل كرسي الط
اقتباس:
او اطلب من الي قدامي انا هذا مبدايي تضايقت وحسيت انك محشور وش الي حادك نزل بعد كرسيك |
رد: هل عيب الشخص ينزل كرسي الط
لو كنت مكان اللي وراك فعلا يتضايق كثير و يمكن ارفس الكرسي رفسة ههههه
وإذا مسموح وفيه هالوضعية الكرسي يعني خلاص انسى اني اللي وراي محشور و متضايق. من باب المراعاة. هذه نقطة والنقطة الثانية. عادي ممكن اقول للي قدامي نازل علي كثير إذا ممكن ترفعه شوي. خصوصا في الطائرات الصغيرة. الضيقة. |
الساعة الآن 07:03 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©