|
اريد طريقة شوربة الشوفان مع مكرونه
السلام عليكم ورحمة الله وبركاته
مبروك عليكم خواتي مابقى من رمضان ... وانا صارت فيني عقده زوجي يحب المكرونة داخل الشوربه وكل مااسويها يقول مالها طعم مع اني اذا سويت كل صنف بروح تطلع عجيبه مثل مايقول . والحين ابي منكم طلب بس ياليت بسرعه ابي طريقه تكون مضبوطه الشوربة الشوفان بس معاها مكرونه يعني داخلها ومشكورين مقدما . الاشراف / تم تعديل العنوان لما يتناسب مع المضمون مستكة_مستكة |
تعالي و لا عليك اختك صايرة خبيرة شوربات
شوفي يا ستي
هاتي الطلبات اتالية من السوق و اذا موجودة قبلا بالبيت وفرتي على نفسك المشوار لووووووووووووول احب اتفلسف مكرونة مسلوقة دجاج او لحم و يحبذ دجاج مسلوق و مفرفر بالشوكة زي الكنافة فاهماني حبيبتي (الدجاج لما تسلقيه تكوني طبعا منظفاه تمام كانك مسويه مرقة دجاج و تسلقيه و تحطي معاه ورق غار و الماء لا ترميه استعمليه في الشوربة تطلع احلى ) بهارات (كمون -كبزرة ناشفة-ملح) ثومة مفرومة كبزرة خضراء مفرومة ناعما بصل مقطع صغاااار طماطة مقطعة صغاااار ليمون حامض كوسة مسلوقة و مهروسة بطاطا مسلوقة و مهروسة الان تعالي اطبخي و انفخي تحمي الزيت و تحطي عليه الدجاج و تخليه يطبخ و تحطي عليه شوية من البهارات و الملح مش كله ، و تحركيه عشان ما يطلع مائه و اول ما تحسي انه اطلخ و صار مشقر تحطي عليه البصل و الثوم و بعد ما يتحمس البصل تحطي الطماط و تحمسيهم الان تجيبي المكرونة و تحطيها في القدر على الكشنة و تحطي عليها البطاطا و الكوسة المهروسة و تصبي عليهم الماء اللي سلقتي بيه الدجاج و توطي عليه النار و تخليه يخمد بعدين حبيبتي تجيبي الكبرزة الخضراء و بقية البهارات و ترميها على وش الشوربة و تحركيها تمام هاتي الليمون و صبي عصيره على الشوربة قبل التقديم و تحركيها تمام و بالاخير تصبيها في الاطباق و بالهنا و الشفاء و لا تنسي تزيينها بورق البقدونس او النعناع الاخضر و بالهنا و العافية ملاحظة: ممكن تسوي جنبها شوية مقبلات زي الشتني الحار و سلطة متبلة بالليمون و زيت الزيتون و تجيبي كمان خبز عربي محمص و تحطيه على السفرة ما تنسيش عزيزتي ان السفرة شكلها له دور فعال في فتح الشهية و الله يعيينك على دلاله |
اختي الحبيبه منــار الكويت انا بأقولك عن طريقتي في عملها ،، وتراها حلوة وسهله وانتي اختاري اللي يعجبك من كلام الأخوات طبعا ماراح احدد لك المقادير لأني مااتقيد بحاجه معينه المقــادير: شوفان كويكر لحم او دجاج>>مقطع صغيرا بصل طماطم ثوم ماجي بهارات>>انا استخدم كمون +كزبرة ناشفه مكرونه>>اي نوع انتي تحبين،، ،،،،،،،،، الطريقه: يقطع البصل ويوضع في قدر(انا استخدم قدر الضغط الصيني>>وماني عارفه اسمه) ويوضع فوقه قليل من الزيت،، ويشوح فيه الى ان يصبح ذهبي اللون، ثم تفرم الطماطم مع الثوم وتوضع على البصل الى ان تبدا تطبخ،، ثم يوضع قطع اللحم او الدجاج ويوضع الماء والبهار والماجي ويغطى القدر واحسبي له 5 دقايق إذا بدا يتشتش( يطلع صوت)، وفي هذه الأثناء قومي بوضع المكرونة في قدر وضعي عليها الماء وقليل من الملح، واسلقيها إلى ان تستوي نصف استواء، وعندما تنتهي الـ 5 دقـايق طفي النارعن قدر الضغط وضعي عليه الشوفان وإذا يحتاج زيادة ماء او ملح فلا تقصرين ، لكن لاتكثرين الملح لأنك قد وضعتي على المكرونة، احسبي له 5 دقائق اخرى، وبعدين طفي عليه النار وضعي المكرونه وايضا احسبي له 5 دقائق وبعد ماتنتهي المدة اغرفيه وبالهناء والعافيه( ادري انها شغله طويله وعريضه لكن طعمها يأخذ العقل) وشكرا تحيــاتي وتقــديري |
| الساعة الآن 02:38 AM. |
Powered by vBulletin® Version 3.8.7
Copyright ©2000 - 2024, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©